ລິ້ງ ສຳຫລັບເຂົ້າຫາ

ວັນສຸກ, ໒໙ ມີນາ ໒໐໒໔

ປະຊາຊົນ ໃນເກາະນຶ່ງ ຂອງຍີ່ປຸ່ນ ພາກັນຍົກຍ້າຍໜີ ຫຼັງຈາກ ພູໄຟລະເບີດ


ພາບນຶ່ງຈາກກ້ອງບັນທຶກພາບ ຂອງອົງການອຸຕຸນິຍົມວິທະຍາຍີ່ປຸ່ນ ສະແດງໃຫ້ເຫັນ ການລະເບີດ ຂອງພູໄຟ Shindake ຢູ່ທີ່ ເກາະ Kuchinoerabujima, ໃນເຂດ Kagoshima ທາງພາກຕາເວັນຕົກສຽງໃຕ້ຂອງຍີ່ປຸ່ນ, ວັນທີ 29 ພຶດສະພາ 2015.
ພາບນຶ່ງຈາກກ້ອງບັນທຶກພາບ ຂອງອົງການອຸຕຸນິຍົມວິທະຍາຍີ່ປຸ່ນ ສະແດງໃຫ້ເຫັນ ການລະເບີດ ຂອງພູໄຟ Shindake ຢູ່ທີ່ ເກາະ Kuchinoerabujima, ໃນເຂດ Kagoshima ທາງພາກຕາເວັນຕົກສຽງໃຕ້ຂອງຍີ່ປຸ່ນ, ວັນທີ 29 ພຶດສະພາ 2015.

ບັນດາ​ເຈົ້າໜ້າ​ທີ່ ຍີ່​ປຸ່ນ​ໄດ້​ແຈ້ງ​ໃຫ້​ປະຊາຊົນທີ່ເກາະ
Kuchinoerabu ທີ່ຢູ່​ຫ່າງ​ໄກ​ສອກຫລີກ ທາງ​ພາກ​ໃຕ້
ຂອງ​ປະ​ເທດ ​ໃຫ້​ຍົກຍ້າຍອອກໜີ​ ຫຼັງຈາກ​ພູ​ໄຟ Shindake
​ໄດ້​ລະ​ເບີດ​ຂຶ້ນຢ່າງ​ຮຸນ​ແຮງ.

ອົງການ​ອຸຕຸນິຍົມ​ວິທະຍາຍີ່​ປຸ່ນ ກ່າວ​ວ່າ ​ບໍ່ມີລາຍ​ງານວ່າ
​ມີຜູ້ໃດໄດ້ຮັບ​ບາດ​ເຈັບ ຫຼັງຈາກ​ພູ​ໄຟ​ໄດ້​ລະ​ເບີດ​ຂຶ້ນ ​ເມື່ອ
​ປະມານ 10 ​ໂມງ​ເຊົ້າ ຂອງເວລາທ້ອງຖິ່ນ ຊຶ່ງກົງ​ກັບ 1 ​ໂມງ​ເຊົ້າຕາມເວລາມາດຕະຖານສາກົນ ຂອງວັນ​ສຸກ​ມື້​ນີ້ ໂດຍ
ສົ່ງຄວັນ​ໝອກໜາສີດຳ ພຸ່ງຂຶ້ນສູ່ທ້ອງຟ້າ ສູງ​ເຖິງ 9,000 ​ແມັດ
​ແລະພາໃຫ້ມີ​ແກັສຮ້ອນໆ ພ້ອມດ້ວຍຫີນໄຫ​ລ ລົງ​ມາ​ຕາມ
​ຈ້າຍ​ພູ​ ​ສູ່​ທະ​ເລ.

​ເກາະ​ດັ່ງກ່າວ ມີ​ພົນລະ​ເມືອງ ພຽງ​ປະມານ 140 ຄົນ ​ແລະ ທາງ​ອອກ​ທາງ​ດຽວ​ ຂອງ
​ພວກ​ເຂົາ​ເຈົ້າ ກໍ​ແມ່ນທາງ​ເຮືອເທົ່າ​ນັ້ນ.

ພູ​ໄຟ Shindake ລະ​ເບີດ​ຂຶ້ນຄັ້ງຫຼ້າສຸດ ເມື່ອລະດູຮ້ອນ​ປີ 2014 ​ແລະ ​ແມ່ນ​ຢູ່​ພາຍ​ໃຕ້
ການ​ເຕືອນ​ໃຫ້​ລະມັດລະວັງ ​ໃນລະດັບທີ 3 ​ ຂອງເຄື່ອງວັດແທກທີ່ມີແຕ່ນຶ່ງ ຫາ ຫ້າຂັ້ນ
ແລະ​ການເຕືອນແມ່ນໄດ້ ເລື່ອນຂຶ້ນເປັນລະດັບ​ທີ 5 ຫລັງ​ຈາກ​ເກີ​ດລະ​ເບີດ​ແລ້ວ.

Japan Volcano
please wait
Embed

No media source currently available

0:00 0:00:49 0:00

XS
SM
MD
LG