ລິ້ງ ສຳຫລັບເຂົ້າຫາ

ຄາດວ່າ ການເລືອກຕັ້ງ ກ່ອນກຳນົດ ທີ່ຍີ່ປຸ່ນ ຈະອຳນວຍໃຫ້ທ່ານ Abe ຄອງອຳນາດ ຕໍ່ໄປ


ຊາຍຄົນນຶ່ງ ກຳລັງປ່ອນບັດ ທີ່ນະຄອນຫຼວງ ໂຕກຽວ, ວັນທີ 14 ທັນວາ 2014.

ບັນດາ​ຜູ້​ປ່ອນ​ບັດ​ໃນ​ຍີ່ປຸ່ນ ພາກັນ​ອອກ​ໄປ​ລົງ​ຄະ​ແນນ​ສຽງ​ໃນ
​ການ​ເລືອກ​ຕັ້ງ​ກ່ອນ​ກຳນົດ ຊຶ່ງ​ເບິ່ງ​ຄື​ວ່າ ຈະອຳນວຍ​ໃຫ້​ນາຍົກ
ລັດຖະມົນຕີ Shinzo Abe ​ແລະ​ພັກ​ປະຊາທິປັດ​ຂອງ​ທ່ານ
ຄອງ​ອຳນາດ​ຢູ່​ຕໍ່​ໄປ.

ອີງ​ຕາມ​ການ​ສຳ​ຫຼວດຫາງ​ສຽງ​ປະຊາຊົນ​ກ່ອນ​ການເລືອກຕັ້ງ​
ນັ້ນ ຄາດ​ວ່າ ຜົນການ​ປ່ອນ​ບັດ​ໃນ​ມື້​ນີ້ ທີ່​ຖື​ວ່າ​ເປັນການ​ລົງ​ປະ
ຊາ​ມະຕິ​ກ່ຽວ​ກັບ​ນະ​ໂຍບາຍ​ເສດຖະກິດ​ຂອງ​ທ່ານ Abe ນັ້ນ
​ຈະ​ບໍ່​ໃກ້​ຄຽງ​ກັນ. ບັນດາ​ນັກ​ວິເຄາະ​ພາກັນ​ທຳນາຍ​ວ່າ ພັກ​ປະ
ຊາທິປັດ ຫຼື LDP ທີ່​ປົກຄອງ​ປະ​ເທດ​ໃນ​ປັດຈຸບັນ ​ແລະຄູ່​ພາຄີ​
ທີ່​ເປັນ​ພັກ​ນ້ອຍ​ກ່ວາ ຮວມຢູ່ໃນພັກ​ແນວ​ໂຮມ​ປະສົມນັ້ນ ຈະ​ຊະນະ
​ບ່ອນ​ນັ່ງ​ຫຼາຍ​ກວ່າ 300 ບ່ອນໃນ​ຈຳນວນ​ ທັງ​ໝົດ 475 ບ່ອນຢູ່​ໃນ​ສະພາ​ຕ່ຳ​ນັ້ນ.

ຄາດ​ວ່າການ​ນັບ​ບັດ​ຄະ​ແນນ​ສຽງ ຈະເລີ້ມ​ຂຶ້ນ​ໃນ​ຄໍ່​າ​ຄືນ​ວັນ​ອາທິດ​ມື້​ນີ້ ພ້ອມ​ກັບຜົນ​ການ
ເລືອກ​ຕັ້ງ​ທີ່​ເຊື່ອ​ຖື​ໄດ້ ຈາກການ​ຢັ່ງ​ສຽງ​ບັນດາ​ຜູ້​ປ່ອນ​ບັດ ​ຫຼັງ​ຈາກ​ປ່ອນ​ບັດ​ແລ້ວນັ້ນ ຈະ​ຮູ້​ໄດ້ໃນ​ເວລາ​ບໍ່​ດົນ​ຫຼັງ​ຈາກ ​ອັດ​ການ​ປ່ອນ​ບັດ​ລົງ​ແລ້ວ.

ການ​ໄດ້​ຮັບ​ສິດ​ຈາກ​ຜູ້​ປ່ອນ​ບັດ​ຄັ້ງ​ໃໝ່ ຈະ​ອຳນວຍ​ໃຫ້​ທ່ານ Abe ​ມີເວລາ​ຕື່ມ​ອີກ 4 ປີ
ເພື່ອ​ຈັດ​ຕັ້ງ​ປະຕິບັດ​ການ​ປະຕິ​ຮູບ​ທີ່​ຫຍຸ້ງຍາກ​ຕ່າງໆ ຮວມທັງ​ການ​ລົດ​ໜີ້​ສິນ​ຈຳນວນ
ມະຫາສານຂອງ​ປະ​ເທດ​ລົງ ​ແລະປັບປຸງ​ໂຄງ​ສ້າງຂອງ​ພາກສ່ວນ​ການ​ກະ​ເສດ ​ຄືນ​ໃໝ່.

XS
SM
MD
LG