ລິ້ງ ສຳຫລັບເຂົ້າຫາ

ປະຊາຊົນເກາະ ໂອກີນາວາ ຫຼາຍໝື່ນຄົນ ປະທ້ວງຕໍ່ຕ້ານ ຖານທັບ ສຫລ ຢູ່ໃນເກາະ


ພວກຫີນປະກາລັງ ສາມາດແນມເຫັນໄດ້ ຢູ່ຕາມແຄມຝັ່ງ ໃກ້ໆກັບຖານທັບທະຫານນາວິກະໂຍທິນ Schwab, ຢູ່ນອກໝູ່ບ້ານ Henoko ໃນເມືອງ Nago, ທາງພາກ
ໃຕ້ຂອງເກາະ Okinawa ຂອງຍີ່ປຸ່ນ, ໃນພາບຖ່າຍທາງອາກາດໂດຍ Kyodo.

ພວກຫີນປະກາລັງ ສາມາດແນມເຫັນໄດ້ ຢູ່ຕາມແຄມຝັ່ງ ໃກ້ໆກັບຖານທັບທະຫານນາວິກະໂຍທິນ Schwab, ຢູ່ນອກໝູ່ບ້ານ Henoko ໃນເມືອງ Nago, ທາງພາກ ໃຕ້ຂອງເກາະ Okinawa ຂອງຍີ່ປຸ່ນ, ໃນພາບຖ່າຍທາງອາກາດໂດຍ Kyodo.

ພວກປະທ້ວງ ຫຼາຍໝື່ນຄົນ ໄດ້ເຕົ້າໂຮມກັນຢູ່ທີ່ເກາະ Okinawa ຂອງຍີ່ປຸ່ນ ເພື່ອຮຽກຮ້ອງໃຫ້ທະຫານສະຫະລັດ ປິດຖານທັບຂອງຕົນ ຢູ່ທີ່ແຫ່ງດັ່ງກ່າວ ຫຼັງຈາກເຫດການເດັ່ນໆທີ່ກ່ຽວຂ້ອງກັບພວກສະມາຊິກທະຫານ ທີ່ໄດ້ກາຍເປັນ ຂ່າວໃຫຽ່ໃນສອງສາມເດືອນບໍ່ດົນມານີ້.

ພວກປະທ້ວງຢູ່ບ່ອນຊຸມນຸມໃນວັນອາທິດມື້ນີ້ ຢາກໃຫ້ ແຜນການເພື່ອຍົກ ຍ້າຍຖານທັບສະຫະລັດ ຈາກພາກສ່ວນໜຶ່ງຂອງເກາະ ໄປຕັ້ງຢູ່ອີກແຫ່ງ ໜຶ່ງນັ້ນ ຍົກເລີກທັງໝົດ.

ໂດຍຄວາມບໍ່ພໍອົກພໍໃຈ ກັບຖານທັບຂອງທະຫານສະຫະລັດ ຢູ່ທີ່ເກາະດັ່ງກ່າວ ໄດ້ຟົດເດືອດມາເປັນເວລາຫຼາຍປີແລ້ວ.

ກອງທັບເຮືອສະຫະລັດ ໄດ້ກ່າວເມື່ອຕົ້ນເດືອນນີ້ ວ່າ ຕົນ ໄດ້ຫ້າມທະຫານ ແລະພະນັກງານຂອງຕົນ ຢູ່ໃນຍີ່ປຸ່ນ ບໍ່ໃຫ້ດື່ມເຫຼົ້າ ແລະ ຫ້ກິດຈະກຳຕ່າງໆ ຢູ່ນອກຖານທັບ ຫຼັງຈາກທີ່ທະຫານເຮືອຄົນໜຶ່ງ ຢູ່ໃນເກາະ Okinawa ໄດ້ ຖືກຈັບກຸມໃນຂໍ້ສົງໄສວ່າ ຂັບລົດໃນຂະນະເມົາເຫຼົ້າ. ຈ່າໂທທະຫານເຮືອ Aimee Mejia ໄດ້ຖືກຈັບກຸມ ຫຼັງຈາກນາງ ຖືກກ່າວຫາວ່າ ຂັບລົດຢູ່ທາງຫຼວງ ຜິດເບື້ອງ ແລະ ໄດ້ແລ່ນຕຳລົດສອງຄັນ ເຮັດໃຫ້ສອງຄົນຮັບບາດເຈັບໜ້ອຍໜຶ່ງ.

ຫຼັງຈາກມີເຫດການຂັບລົດໃນຂະນະເມົາເຫຼົ້າແລ້ວ ພວກທະຫານເຮືອສະຫະລັດ ທົ່ວປະເທດຍີ່ປຸ່ນ ໄດ້ຖືກຫ້າມບໍ່ໃຫ້ດື່ມເຫຼົ້າ ຢ່າງບໍ່ມີກຳນົດ.

ກອງທັບເຮືອສະຫະລັດ ໄດ້ຈັດຕັ້ງການຫ້າມອອກນອກຖານທັບຫຼັງຈາກທ່ຽງຄືນ ຕໍ່ພວກທະຫານເຮືອ ແລະຫ້າມບໍ່ໃຫ້ດື່ມເຫຼົ້າຢູ່ນອກຖານທັບ ຫຼັງຈາກທີ່ອະດີດ ທະຫານນາວິກະໂຍທິນຄົນໜຶ່ງ ຜູ້ທີ່ເຮັດວຽກຢູ່ໃນຖານທັບຂອງອາເມຣິກາ ຢູ່ທີ່ ຍີ່ປຸ່ນໄດ້ຖືກຈັບກຸມ ເມື່ອເດືອນແລ້ວນີ້ ຍ້ອນຖືກກ່າວຫາວ່າ ພົວພັນກັບການຫາຍ ສາບສູນຂອງແມ່ຍິງຍີ່ປຸ່ນຄົນໜຶ່ງ ຊຶ່ງຕຳຫຼວດເຊື່ອວ່າ ໄດ້ຖືກຂົ່ມຂືນສຳເລົາ ແລະ ຖືກຂ້າຕາຍ.

ອ່ານຂ່າວນີ້ຕື່ມ ເປັນພາສາອັງກິດ

XS
SM
MD
LG