ລິ້ງ ສຳຫລັບເຂົ້າຫາ

ໄຕ້ຝຸ່ນ Talas ພັດຖະຫຼົ່ມ ປະເທດຍີ່ປຸ່ນ

  • ໄພສານ ວໍຣະຈັກ

ຮູບພາບຂອງລົມໄຕ້ຝຸ່ນ Talas ທີ່ຖ່າຍຈາກດາວທຽມ Aqua ຂອງອົງການອະວະກາດຫຼືນາຊາຂອງສະຫະລັດ ຂະນະລົມພາຍຸຫົວນີ້ ພັດຜ່ານພາກຕາເວັນຕົກ ຂອງມະຫາສະມຸດປາຊີຟິກແລະເມກເຝື້ອຂອງພາຍຸປົກຄຸມພາກ ໃຕ້ຂອງຍີ່ປຸ່ນ (1 ກັນຍາ 2011)

ຮູບພາບຂອງລົມໄຕ້ຝຸ່ນ Talas ທີ່ຖ່າຍຈາກດາວທຽມ Aqua ຂອງອົງການອະວະກາດຫຼືນາຊາຂອງສະຫະລັດ ຂະນະລົມພາຍຸຫົວນີ້ ພັດຜ່ານພາກຕາເວັນຕົກ ຂອງມະຫາສະມຸດປາຊີຟິກແລະເມກເຝື້ອຂອງພາຍຸປົກຄຸມພາກ ໃຕ້ຂອງຍີ່ປຸ່ນ (1 ກັນຍາ 2011)

ເຈົ້າໜ້າທີ່ຍີ່ປຸ່ນກ່າວວ່າ ລົມພາຍຸໄຕ້ຝຸ່ນ Talas ໄດ້ພັດເຂົ້າຖະຫຼົ່ມພາກຕາເວັນຕົກຂອງ
ຍີ່ປຸ່ນຊຶ່ງໄດ້ພາໃຫ້ເກີດຝົນຕົກໜັກແລະມີລົມແຮງນັ້ນ.

ເຈົ້າໜ້າທີ່ເວົ້າວ່າ ມີຜູ້ເສຍຊີີວິດຢ່າງນ້ອຍ 1 ຄົນແລະອີກ 5 ຄົນຫາຍສາບສູນອັນເປັນ
ຜົນເນື່ອງມາຈາກລົມພາຍຸດັ່ງກ່າວ. ເຈົ້າໜ້າທີ່ກ່າວວ່ານອກນັ້ນແລ້ວຍັງມີອີກສິບກວ່າຄົນ
ໄດ້ຮັບບາດເຈັບ.

ໄຕ້ຝຸ່ນ Talas ໄດ້ພັດຂຶ້ນຝັ່ງໃນວັນເສົາມື້ນີ້ ທີ່ເກາະ Shikoku ແລະພວມພັດມຸ່ງໜ້າ
ຊ້າໆໄປທາງທິດເໜືອ.

ພະແນກພະຍາກອນອາກາດຂອງຍີ່ປຸ່ນໄດ້ອອກຄຳເຕືອນກ່ຽວກັບຝົນຕົກໜັກແລະລົມແຮງ
ທີ່ອາດພາໃຫ້ເກີດໄພນໍ້າຖ້ວມ ແລະດິນເຈື່ອນໄດ້.

ພວກນັກພະຍາກອນອາກາດຄາດວ່າ ການພັດຜ່ານຍີ່ປຸ່ນຂອງໄຕ້ຝຸ່ນ Talas ຈະສິ້ນສຸດ
ລົງໃນວັນອາທິດມື້ອື່ນນີ້ ແລະຫຼັງຈາກນັ້ນກໍຈະເຄື່ອນທີ່ໄປຍັງທິດເໜືອເຂົ້າສູ່ທະເລຍີ່ປຸ່ນ.

XS
SM
MD
LG