ຮຸ້ນຂອງຍີ່ປຸ່ນໄດ້ຖີບຕົວຂຶ້ນສູງສຸດໃນຮອບ 7 ໃນວັນອັງຄານມື້ນີ້
ສືບຕໍ່ຈັງຫວະແຮງຂັບ ດັນໃນອາທິດແລ້ວ ທີ່ໂຕກຽວໄດ້ຂະຫຍາຍ
ການກະຕຸກຊຸກຍູ້ເສດຖະກິດ ແບບທີ່ບໍ່ໄດ້ຄາດຫວັງໄວ້ນັ້ນ.
ດັດຊະນີຮຸ້ນ Nikkei ໄດ້ຖີບຕົວສູງຂຶ້ນ 2.7 ເປີເຊັນ ຫຼືເກືອບ 450
ເຢນ ເປັນ 16,862 ເຢນ ໃນຕອນປິດຕະຫຼາດ.
ນີ້ເປັນມື້ທຳອິດ ທີ່ບັນດາຕະຫຼາດຫຸ້ນ ໄດ້ໄຂຄືນອີກ ນັບຕັ້ງແຕ່ວັນ
ສຸກແລ້ວ ເວລາທີ່ຮຸ້ນ Nikkei ຖີບຕົວສູງຂຶ້ນ 4.8 ເປີເຊັນ ຊຶ່ງເປັນການຂຶ້ນລາຄາຫຼາຍທີ່ສຸດຕໍ່ມື້ໃນຮອບ 18 ເດືອນ.
ການຖີບຕົວຂຶ້ນຂອງລາຄາຮຸ້ນນີ້ ແມ່ນເລີ້ມຈາກການເຄື່ອນໄຫວແບບບໍ່ຄາດຝັນຂອງຍີ່ປຸ່ນ ເພື່ອເພີ້ມເງິນໝູນວຽນເຂົ້າໃນເສດຖະກິດຂອງຕົນ ສຳລັບຊ່ວຍປ້ອງກັນສະພາບ
ເງິນຝືດ ນັ້ນ.
ທະນາຄານກາງຂອງຍີ່ປຸ່ນ ໄດ້ຕັດສິນໃຈທີ່ຈະເພີ້ມເງິນ 182 ພັນລ້ານໂດລ່າເຂົ້າໃນການ ພະຍາຍາມຊື້ຊັບສິນຂອງຕົນ ໂດຍເຮັດໃຫ້ມີເງິນເພີ້ມຂຶ້ນເປັນຈຳນວນທັງໝົດ 725 ພັນລ້ານໂດລ່າ ຕໍ່ປີນັ້ນ.
ການເສດຖະກິດຍີ່ປຸ່ນ ໄດ້ປະເຊີນກັບບັນຫາ ນັບຕັ້ງແຕ່ລັດຖະບານໄດ້ເພີ້ມພາສີບໍລິໂພກ
ໃນເດືອນເມສາຜ່ານມານີ້ ເພື່ອຮັບມືກັບໜີ້ສິນສາທາລະນະຈຳນວນມະຫາສານຂອງຍີ່ປຸ່ນນັ້ນ.
