ເກົາຫລີເໜືອປາກົດວ່າ ໄດ້ສົ່ງລູກສອນໄຟຂີປະນາວຸດໄປຝັ່ງທະເລຕາເວັນອອກ ແຕ່ບໍ່ມີຮ່ອງຮອຍໃນການຕຽມຍິງໂດຍທັນໃດ ອີງຕາມແຫລ່ງຂ່າວ ລັດຖະບານທີ່ບໍ່ບອກຊື່.
ກອງທັບຍີ່ປຸ່ນກຳລັງຕຽມພ້ອມເພື່ອຮັບມືກັບການຍິງລູກສອນໄຟ ແລະທາງກອງທັບເຮືອ ແລະລູກສອນໄຟຕໍ່ຕ້ານຈະຫຼວດ Patriot ໄດ້ຮັບຄຳສັ່ງໃຫ້ຍິງທຳລາຍ ລູກສອນໄຟໃດໆ ກໍຕາມ ທີ່ມຸ່ງໜ້າໄປຍັງຍີ່ປຸ່ນ ອີງຕາມແຫລ່ງຂ່າວລັດຖະບານ.
ລູກສອນໄຟດັ່ງກ່າວ ສັນນິຖານວ່າ ເປັນລູກສອນໄຟໄລຍະກາງ Musudan ຄືກັນກັບລູກສອນໄຟທີ່ເກົາຫລີເໜືອ ໄດ້ພະຍາຍາມທົດລອງແຕ່ບໍ່ເປັນຜົນສຳເລັດ ສາມເທຶ່ອໃນເດືອນເມສາຜ່ານມາ. ໃນການຍິງອີກເທື່ອນຶ່ງນັ້ນ ຊຶ່ງມີຄວາມເປັນໄປໄດ້ສູງ ວ່າເປັນລູກສອນໄຟ Musudan ນັ້ນ ກໍໄດ້ປະສົບກັບຄວາມລົ້ມແຫລວໃນເດືອນພືດສະພາຜ່ານມາ.
ມີລາຍງານວ່າ ລູກສອນໄຟນີ ມີລັດສະໝີ 3,000 ຫາ 4000 ກິໂລແມັດ ຊຶ່ງຖ້າຫາກຍິງຢ່າງເປັນຜົນສຳເລັດ ອາດສາມາດໄປເຖິງເປົ້າໝາຍໃນຍີ່ປຸ່ນ ຈີນ ແລະເກາະກວມ.
ສະພາຄວາມໝັ້ນຄົງສະຫະປະຊາຊາດ ໄດ້ຫ້າມເກົາບໍ່ໃຫ້ຫລີເໝືອໃນການພັດທະນາອາ ວຸດນິວເຄລຍ ແລະເທັກໂນໂລຈີລູກສອນໄຟຂີປະນາວຸດ. ຈີນທີ່ເປັນພັນທະມິດສຳຄັນຂອງເກົາຫລີເໜືອໄດ້ຮຽກຮ້ອງລັດຖະບານຂອງປະທານາ ທິບໍດີ Kim Jong Un ກັບຄືນເຂົ້າ ຮ່ວມການເຈລະຈາຂອງນາໆຊາດ ແລະທັບມ້າງໂຄງການນິວເຄລຍຂອງ ເພື່ອຮັບເອົາການຊ່ວຍເຫລືອທາງດ້ານເສດຖະ ກິດ ແລະການຄໍ້າປະກັນຄວາມປອດໄພ.
ອ່ານຂ່າວນີ້ເພິ້ມເປັນພາສາອັງກິດ