ລິ້ງ ສຳຫລັບເຂົ້າຫາ

ຍີ່ປຸ່ນໃຊ້​​ ເອ​ກະສາ​ນ​ ປ້ອງ​ກັນ​ປ​ະ​ເທດ ປະຈຳ​ປີ ເຕືອນ​ກ່ຽວ​ກັບ ​ສະຖຽນ​ລະ​ພາບ​ ຢູ່​ໃນ​ຂົງ​ເຂດ (ວີດີໂອ)


ນາຍົກລັດຖະມົນຕີ ຍິ່ປຸ່ນ ທ່ານ Shinzo Abe

ນາຍົກລັດຖະມົນຕີ ຍິ່ປຸ່ນ ທ່ານ Shinzo Abe

ຍີ່ປຸ່ນໄດ້ໃຊ້ ເອ​ກະສາ​ນ​ປ້ອງ​ກັນ​ປ​ະ​ເທດປະຈຳ​ປີ ​ໃນ​ວັນ​ອັງ
ຄານ​ມື້​ນີ້ ​ເພື່ອອອກ​ຄຳເຕືອນ​ໃໝ່ ກ່ຽວ​ກັບ​ອັນ​ທີ່​ຕົນ​ເບິ່ງ​ເຫັນ
​ວ່າ ​ເປັນ​ການ​ກະທຳ​ທີ່​ທຳລາຍ​ສະຖຽນ​ລະ​ພາບ​ ຢູ່​ໃນ​ຂົງ​ເຂດ.

​ເອກ​ະສານ​ທີ່ຮ້ອງວ່າ​ White Paper ຫລື ສະມຸດ​ຂາວ​ນັ້ນ
ສະ​ແດ​ງຄວາມ​ເປັນ​ຫ່ວງໂດຍ​ສະ​ເພາ​ະ​ ກ່ຽວ​ກັບຄຳ​ປະກາດ​ທີ່
“​ເປັນ​ອັນຕະລາຍ​ຢ່າງສູງ” ຂອງ​ຈີນ ​ໃນ​ການຈັດ​ຕັ້ງເຂດປ້ອງ​
ກັນ​ທາງ​ອາກາດຂອງ​ຕົນ ທີ່​ບັງຄັບ​ໃຫ້​ເຮືອ​ບິນ​ທີ່​ບິນ​ຜ່ານ​ເຂົ້າ
​ໄປ ຕ້ອງ​ລະບຸ​ໂຕ​ແລະແຈ້ງ​ໃຫ້​ຊາບ ຫລື ADIZ ຢູ່​ໃນ​ເຂດນຶ່ງ​
ຂອງ​ ທະ​ເລ​ຈີນຕາ​ເວັນ​ອອກ ທີ່​ຮວມ​ທັງຫລາຍໆ​ເກາະ​ ທີ່ຍີ່ປຸ່ນ
ກໍ​ອ້າງ​ເອົາ​ກຳມະສິດ​ເຊັ່ນ​ກັນ​ນັ້ນ.

​ເອກະສາ​ນດັ່ງກ່າວ ທີ່ຄະນະ​ລັດຖະບານ​ໄດ້​ຮັບຮອງ​ເອົາໃນ​ວັນ​ອັງຄານ​ມື້​ນີ້ ກ່າວ​ວ່າ ການ
ປະກາດ​ຕັ້ງເຂດ ADIZ ​ແມ່ນ​ເປັນ​ຄາວ​ມ​ພະຍາຍາ​ມຂອງຈີນ​ “​ເພື່ອ​ປ່ຽນແປງສະ​ຖານະ
ພາບ​ທີ່​ເປັນ​ຢູ່​ໃນ​ປັດຈຸບັນ​ແຕ່​ພຽງຝ່າຍ​ດຽວ ເພື່ອ​ເຮັ​ດ​ໃຫ້​ສະຖານະ​ການ​ເຄັ່ງ​ຕຶງ​ຍິ່ງ​ຂຶ້ນ ແລະ​ອາດ​ຈະ​ສົ່ງ​ຜົນ​ສະທ້ອນ​ທີ່​ບໍ່ຕັ້ງ​ໃຈ ຕິດຕາມ​ມາ.”

ການ​ຜິດ​ຖຽງ​ກັນກ່ຽວ​ກັບ​ໝູ່​ເກາະສາຍ​ນຶ່ງ ​ທີ່​ຍີ່ປຸ່ນຄວບຄຸມ​ຢູ່​ນັ້ນ ​ໄດ້ເຮັດ​ໃຫ້ ຄວາມສຳພັນ
ຍີ່ປຸ່ນ-ຈີນ ເສື່ອມໂຊມລົງ​ຢ່າງ​ຮ້າຍ​ແຮງ​ ​ແລະທັງ​ຍີ່​ປຸ່ນກັບ​ຈີນ ຕ່າງ​ກໍພາກັນ​ສົ່ງ​ ​ເຮືອບິນ​ແລະ​ກໍາ​ປັ່ນ​ໄປ​ຍັງຂົງ​ເຂດນັ້ນ​ເປັນ​ປະຈຳ ຊຶ່ງ​ພາ​ໃຫ້​ມີ​ຄວາມ​ຢ້ານ​ກົວ​ກັນ​ຫລາຍ​ຂຶ້ນ​ວ່າ ອາດ​ຈະ​ເກີດອຸປະ​ຕິ​ເຫດການ​ປະ​ທະ​ກັນທາງ​ທະຫານ ມື້​ໃດ​ມື້​ນຶ່ງ​ກໍ​ໄດ້.

ຫລາຍໆປະ​ເທດ​ເພື່ອ​ນບ້ານຂອງ​ຈີນ ກໍ​ໄດ້ກ່າ​ວ​ຫາປັກ​ກິ່ງ ວ່າ​ນຳ​ໃຊ້ຍຸດ​ທະ​ສາດ ຮຸກ​ຮານ
ທີ່​ຄ້າຍຄື​ກັນນີ້ ​ເພື່ອ​ສົ່ງ​ເສີມ​ການ​ອ້າງ​ເອົາກຳມະສິດ​ໃນ​ເຂດນ່ານ​ນໍ້າ ຢູ່​ໃກ້​ກັບທະ​ເລ​ຈີນໃຕ້ນັ້ນ.

ຄວາມເຫັນຂອງທ່ານ

ສະແດງຄວາມເຫັນໃຫ້ເບິ່ງ

XS
SM
MD
LG