ລິ້ງ ສຳຫລັບເຂົ້າຫາ

ປະເທດ ເພື່ອນບ້ານ ປະນາມ ນາຍົກ ຍີ່ປຸ່ນ ທີ່ໄປຢ້ຽມ ສານບັນພະຊົນ (ສະໄລດ໌/ວີດີໂອ)


ນາຍົກລັດຖະມົນຕີຍີ່ປຸ່ນ ທ່ານ Shinzo Abe ໄດ້ໄປສະແດງ
ຄວາມເຄົາລົບຕໍ່ສານບັນພະຊົນໃນປາງສົງຄາມ ທີ່ກຸງໂຕກຽວ ຊຶ່ງຫຼາຍໆປະເທດເພື່ອນບ້ານຂອງຍີ່ປຸ່ນຖືວ່າ ເປັນສັນຍາລັກ
ຂອງລັດທິທະຫານ ໃນອະດີດຜ່ານມາ ຂອງຍີ່ປຸ່ນ.

ການໄປຢ້ຽມຢາມ ສານ Yasukuni ຊຶ່ງເປັນການໄປສະແດງ
ຄວາມເຄົາລົບ ເທື່ອທຳອິດ ໂດຍນາຍົກລັດຖະມົນຕີ ທີ່ຍັງກຳ ຕຳແໜ່ງຢູ່ຂອງຍີ່ປຸ່ນນັບແຕ່ປີ 2006 ເປັນຕົ້ນມານັ້ນແມ່ນໄດ້
ຖືກປະນາມໂດຍໄວ ຈາກເກົາຫລີໃຕ້ແລະຈີນ ຊຶ່ງປະເທດທັງ
ສອງຕ່າງກໍເປັນຜູ້ໄດ້ຮັບເຄາະ ຈາກການຮຸກຮານຂອງຈັກກະ
ພັດຍີ່ປຸ່ນ.



ທ່ານ Abe ບໍ່ໄດ້ໃຫ້ຄວາມສຳຄັນໃດໆຕໍ່ຜົນກະທົບທາງດ້ານການເມືອງກ່ຽວກັບການໄປ ຢ້ຽມຢາມໃນວັນພະຫັດມື້ນີ້ ໂດຍເວົ້າວ່າ ມັນບໍ່ໄດ້ມີຈຸດປະສົງທີ່ຈະສ້າງຄວາມບໍ່ພໍໃຈໃຫ້ ແກ່ບັນດາປະເທດເພື່ອນບ້ານຂອງຍີ່ປຸ່ນ ແຕ່ເປັນສັນຍາລັກຂອງຄວາມເຄົາລົບ ຕໍ່ພວກທີ່ ເສຍຊີວິດໃນປາງສົງຄາມຂອງປະເທດ.

ສານ Yasukuni ຂອງສາສະໜາຊິນໂຕແມ່ນສ້າງຂຶ້ນເພື່ອໃຫ້ກຽດແກ່ພວກທີ່ເສຍຊີວິດ ໃນປາງສົງຄາມ ເກືອບ 2 ລ້ານ 5 ແສນຄົນ ຂອງຍີ່ປຸ່ນ ຮວມທັງ 14 ຄົນ ທີ່ຖືກຕັດສິນວ່າ ເປັນອາຊະຍາກອນສົງຄາມ ໃນລະຫວ່າງສົງຄາມໂລກ ຄັ້ງທີ 2.

ທ່ານ Qing Gang ໂຄສົກກະຊວງການຕ່າງປະເທດຈີນໄດ້ກ່າວປະນາມໃນທັນທີຕໍ່ການ ໄປຢ້ຽມຢາມສານດັ່ງກ່າວຂອງທ່ານ Abe ວ່າ ເປັນສິ່ງທີ່ຮັບເອົາບໍ່ໄດ້ຢ່າງເດັດຂາດສຳລັບ ປະຊາຊົນຊາວຈີນແລະທວງໃຫ້ກຸງໂຕກຽວໄຕ່ຕອງຄືນເບິ່ງປະຫວັດສາດໃນການຮຸກຮານ ຂອງຕົນ.

ຄວາມເຫັນຂອງທ່ານ

ສະແດງຄວາມເຫັນໃຫ້ເບິ່ງ

XS
SM
MD
LG