ລິ້ງ ສຳຫລັບເຂົ້າຫາ

ຍີ່ປຸ່ນ ປະກາດ ຂຶ້ນພາສີ ຜູ້ບໍລິ​​ໂພ​ກ ເລີ້ມ​ໃນ​ປີ​ໜ້າ (ວີດີໂອ)


ນາຍົກລັດຖະມົນຕີ​ຍີ່ປຸ່ນ ທ່ານ Shinzo Abe

ນາຍົກລັດຖະມົນຕີ​ຍີ່ປຸ່ນ ທ່ານ Shinzo Abe

ນາຍົກລັດຖະມົນຕີ​ຍີ່ປຸ່ນ ທ່ານ Shinzo Abe ​ໄດ້​ດໍາ​ເນີນ​ການ
ຕໍ່​ໄປ ກ່ຽວ​ກັບ​ການ​ຂຶ້ນພາສີ​ໃນ ການ​ຂາຍ​ສິນຄ້າ ທີ່​ເປັນ​ບັນຫາ
​ຖົກ​ຖຽງໂຕ້​ແຍ້​ງ ເພື່ອ​ຊ່ອຍ​ຫຼຸດ​ໜີ້ສິນ​ສາທາລະນະ​ຈຳນວນ​
ມະຫາສານຂອງປະ​ເທດ​ລົງ.

ທ່ານ Abe ​ໄດ້​ປະກາດ​ໃນ​ວັນ​ອັງຄານ​ມື້​ນີ້ ກ່ຽວ​ກັບ​ແຜນການ
ທີ່​ມີ​ການຄາດໝາຍມາ​ເປັນ​ເວລາ​ດົນ​ນານ​ແລ້ວນັ້ນ ທີ່​ຈະ​ຂຶ້ນ
ພາສີຜູ້ບໍລິໂພ​ກຈາກ 5 ​ເປີ​ເຊັນ ມາ​ເປັນ 8 ​ເປີ​ເຊັນ ພາຍ​ໃນ​
ເດືອນ​ເມສາ ປີໜ້າ​ນີ້.

ທ່ານ​ Abe ​ເວົ້າວ່າ “​ເພື່ອຈະ​ສ້າງ​ຄວາມ​ໄວ້​ວາງ​ໃຈຢູ່​ພາຍ​ໃນ​
ປະ​ເທດ ​ແລະ​ຮັບ​ຜ່ານ​ການ​ຄໍ້າປະ ກັນ​ສັງ​ຄົມແບບ​ຍືນ​ຍົງ ໃຫ້ແກ່ຄົນ​ຮຸ່ນ​ຫຼັງ​ຕໍ່​ໄປ ຂ້າພະ​
ໄດ້ເຈົ້າ​ຕັດສິນ​ໃຈ ທີ່​ຈະຂຶ້ນພາສີຂອງລັດຖະບານ​ກາງ​ແລະລັດຖະບານທ້ອງ​ຖິ່ນ​ ຈາກ 5 ​
ເປີ​ເຊັນ ​ເປັນ 8 ​ເປີ​ເຊັນ ພາຍ​ໃນ​ເດືອນ​ເມສາ ປີ 2014.

ພາສີດັ່ງກ່າວ​ນີ້​ຈະ​ສ້າງ​ລາຍ​ຮັບ​ປະມານ 81 ພັນລ້ານໂດ​ລາຕໍ່ນຶ່ງ​ປີ. ມັນເປັນ​ການ​ສະ​ແດງ
​ອອກ​ເຖິງ​ຄວາມ​ພະຍາຍາມຄັ້ງສຳຄັນ​ເທື່ອ​ທຳ​ອິດ ນັບ​ຕັ້ງ​ແຕ່​ປີ 1997 ​ເປັນຕົ້ນມາ ເພື່ອຈະ
ຫຼຸດ​ໜີ້ສິນ​ຂອງປະ​ເທດ​ລົງ ທີ່​ມີ​ທັງ​ໝົດ​ກາຍ 10 ພັນຕື້ໂດ​ລາ ຊຶ່ງ​ເປັນ​ການ​ຕິດ​ໜີ້ທີ່​ຫຼາຍ​ທີ່​ສຸດ
​ໃນ​ປະ​ເທດ​ອຸດສາຫະກໍາ​.

XS
SM
MD
LG