ລິ້ງ ສຳຫລັບເຂົ້າຫາ

ຍີ່ປຸ່ນດຳເນີນມາດຕະການ ທາງດ້ານກົດໝາຍ ໃນເຂດໂຮງໄຟຟ້ານີວເຄລຍ

  • ສິງ ບູຣົມມະວົງ

ສິ່ງສະຫລັກຫັກພັງໃນເມືອງ Rikuzentakata ໃນແຂວງ Iwate Prefecture ຍັງຢູ່ໃນສະພາບການຄືເກົ່າຫລັງຈາກເກີດແຜ່ນດິນໄຫວມາ 1 ເດືອນ.

ຍີ່ປຸ່ນ​ປະກາດ​ດຳເນີນ​ມາດ​ຕະການ​ທາງ​ກົດໝາຍ​ຄັ້ງ​ທໍາ​ອິດ
ເພື່ອ​ປ້ອງ​ກັນ​ບໍ່​ໃຫ້​ບຸກຄົນ​ໃດ​ກໍ​ຕາມ​ເຂົ້າ​ໄປ​ໃນ​ເຂດ​ອົບ​ພະ
ຍົບ​ຜູ້ຄົນອອກໜີໃນ​ວົງ​ລັດສະໝີ 20 ຫລັກ​ກິ​ໂລ​ແມັດ
ອ້ອມ​ແອ້ມ​ໂຮງ​ໄຟຟ້າ​ນີວ​ເຄລຍ FukuShima ທີ່ໄດ້​ຮັບ​
ຄວາມ​ເສຍ​ຫາຍ​ແລະ​ກໍາ​ມັນ​ຕະພາບ​ລັງສີ​ຮົ່ວ​ໄຫລອອກ​
ມາ​ນັ້ນ.

ທ່ານ Yukio Edano ຫົວໜ້າ​ກອງເລຂາປະ​ຈໍາ​ຄະນະ
ລັດຖະບານ ກ່າວໃນ​ວັນ​ພະຫັດ​ມື້​ນີ້​ວ່າ ມາດ​ຕະການ
ຕ່າງໆ​ເຫລົ່າ​ນີ້​ແມ່ນ​ຮວມທັງ​ຄ່າປັບ​ໄໝ​ເຖິງ 1200 ​
ໂດລາສະຫະລັດ ທີ່​ຈໍາ​ເປັນ​ເພື່ອ​ປົກ​ປ້ອງ​ສຸຂະພາບ​ແລະ
ຄວາມ​ປອດ​ໄພ​ຂອງ​ປະຊາຊົນ​ໃນ​ຂົງ​ເຂດ​ປະມານ 70
ພັນຄົນນັ້ນ. ພວກ​ປະຊາຊົນ​ໃນ​ທ້ອງ​ຖິ່ນ​ບາງ​ຄົນ​ໄດ້
ກັບ​ຄືນ​ໄປ​ຍັງ​ບ້ານ​ເຮືອນ ຂອງ​ເຂົາ​ເຈົ້າ​ເຖິງ​ແມ່ນທາງ
ການ​ຫ້າມ​ບໍ່​ໃຫ້​ກັບ​ຄືນ​ໄປ​ເທື່ອ​ກໍ​ຕາມ.

ທ່ານ Edano ກ່າວ​ວ່າ ຈະ​ມີ​ການຈັດ​ແຈງ​ໃຫ້​ສະມາຊິກ​ຄົນນຶ່ງໃນແຕ່ລະຄອບຄົວເຂົ້າໄປຫາ​ບ້ານ​ເຮືອນ​ຂອງ​ເຂົາ​ເຈົ້າ​ໃນເຂດທີ່ທາງການຫ້າມ​ເປັນ​ເວລາ​ສັ້ນໆ ​ເພື່ອ​ໄປ​ເກັບ​ກຳ​ເອົາ​ສິ່ງ​ຂອງ​ມີຄ່າ​ແລະ​ລາຄາ​ແພງ​ຂອງ​ເຂົາ​ເຈົ້າອອກ​ມາ​ໄດ້.

ແຕ່ພວກທີ່ຖືກຍົກຍ້າຍຈຳນວນນຶ່ງບໍ່ເຕັມໃຈທີ່ຈະລໍຖ້າ.ອົງການຂ່າວເອພີລາຍງານວ່າຜູ້ຄົນ
ໄດ້ພາກັນຫຼັ່ງໄຫຼກັບຄືນໄປຫາເຮືອນຊານຂອງພວກເຂົາເຈົ້າ ຊຶ່ງບາງຄົນໄດ້ພາກັນໃສ່ໜ້າ
ກາກ ແລະເຄື່ອງປ້ອງກັນອື່ນໆໃນຕອນບ່າຍຂອງວັນພະຫັດມື້ນີ້ ກ່ອນທີ່ກົດໝາຍໃໝ່ຈະ
ມີຜົນບັງຄັບໃຊ້ໃນຕອນທ່ຽງຄືນ.

ສ່ວນພວກອື່ນໆໄດ້ຮຽກຮ້ອງໃຫ້ແກ້ໄຂວິກິດການນິວເຄລຍໂດຍໄວທີ່ສຸດໃນລະຫວ່າງທີ່ນາ
ຍົກລັດຖະມົນຕີ Naoto Kan ເດີນທາງໄປຢ້ຽມ ສູນຫຼົບໄພຂອງພວກທີ່ຖືກຍົກຍ້າຍ. ນາ
ຍົກລັດຖະມົນຕີຍີ່ປຸ່ນໄດ້ຮ້ອງຂໍໃຫ້ທຸກຄົນເຂົ້າໃຈແລະກ່າວຕໍ່ພວກນັກຂ່າວວ່າທ່ານຈຳເປັນ
ຕ້ອງໄດ້ພິຈາລະນາເພີ່ມຕື່ມກ່ຽວກັບຄວາມຮຽກຮ້ອງຕ້ອງການຂອງພວກທີ່ຖືກຍົກຍ້າຍ.

XS
SM
MD
LG