ລິ້ງ ສຳຫລັບເຂົ້າຫາ

ເກີດແຜ່ນດິນໄຫວ ຕື່ມອີກຢູ່ຍີ່ປຸ່ນ

  • ສິງ ບູຣົມມະວົງ

ຜູ້ປະສົບໄພແຜ່ນດິນໄຫວຄົນນຶ່ງ ພັກອາໄສຢູ່ໃນບ່ອນພັກພາອາໄສ ຊົ່ວຄາວໃນເມືອງ Kamaishi, ແຂວງ Iwate ຂອງຍີ່ປຸ່ນຫລັງຈາກ ປະສົບກັບໄພແຜ່ນດິນໄຫວຄັ້ງກ່ອນໃນເວລາ 1 ເດືອນຕໍ່ມາ. ວັນທີ 11 ເມສາ, 2011

ບັນດາ​ເຈົ້າ​ໜ້າ​ທີ່​ຍີ່ປຸ່ນ​ອອກ​ຄໍາ​ເຕືອນ​ກ່ຽວ​ກັບ​ຄື້ນຟອງ​ຍັກ​ຊຸ
ນາ​ມິ ​ແລະ​ໃຫ້​ຜູ້​ຄົນອົບ​ພະຍົບອອກ​ຈາກ​ໂຮງ​ໄຟຟ້າ​ນີວ
ເຄລຍທີ່​ໄດ້​ຮັບ​ຄວາມ​ເສຍຫາຍ​ນັ້ນ ຫລັງ​ຈາກໄດ້ເກີດ​ແຜ່ນ
ດິນ​ໄຫວ​ຮ້າຍ​ແຮງໃນເຂດແຄມຝັ່ງທະເລໃນພາກ​ຕາ​ເວັນ
ອອກສຽງ​ເໜືອຂອງ​ປະ​ເທດ​ໃນ​ວັນ​ຈັນ​ມື້​ນີ້.

ອົງການສໍາ​ຫລວດ​ດ້ານ​ທໍລະນີວິທະຍາສະຫະລັດ​ໄດ້​ແຈ້ງ​ໃຫ້
ຊາບ​ໃນ ຂັ້ນທໍາ​ອິດ​ວ່າ ຄວາມ​ແຮງ​ຂອງ​ແຜ່ນດິນ​ໄຫວແມ່ນ
7.1 ຣິກ​ເຕີ ຊຶ່ງ​ເປັນຄວາມ​ແຮງ​ເທົ່າໆ​ກັນ​ກັບ​ແຮງ​ການ​ສັ່ນ​
ສະ​ເທືອ​ນຄັ້ງ​ໃຫຍ່​ທີ່​ປະ​ທະ​ເຂດ​ດັ່ງກ່າວ​ໃນ​ວັນ​ພະຫັດ​ຜ່ານ​
ມາ ​ແຕ່​ຕໍ່​ມາ​ໄດ້ຫຼຸດຄວາມແຮງລົງ​ມາ​ເປັນ 6.6 ຣິກ​ເຕີ. ການ
ເຕືອນ​ໄພຄື້ນຟອງ​ຊຸ​ນາ​ມິ​ໄດ້​ມີ​ຂຶ້ນ​ໃນເຂດຕ່າງໆ ເລາະຕາມ​
ແຄມ​ຝັ່ງ​ທະ​ເລ​ໃນ​ພາກ​ຕາ​ເວັນ​ອອກສຽງ​ເໜືອ​ຂອງ​ປະ​ເທດ
ບ່ອນ​ດຽວ​ກັນ​ກັບ​ທີ່ໄດ້ເກີດໄພ​ແຜ່ນດິນ​ໄຫວ​ແລະ​ຄື້ນຟອງ​
ຍັກ​ຊຸ​ນະ​ມິຢ່າງ​ຮ້າຍ​ແຮງ​ໃນ​ວັນ​ທີ 11 ມີນາ​ຜ່ານ​ມາ​ນັ້ນ
ແຕ່ໄດ້​ຍົກ​ເລີກ​ຄໍາ​ເຕືອນ​ດັ່ງກ່າວ​ໃນ​ເວລາ​ບໍ່​ຮອດ 1 ຊົ່ວ​ໂມງ​ຕໍ່​ມາ.

ບັນດາ​ເຈົ້າ​ໜ້າ​ທີ່ປະ​ຈໍາ​ອົງການ​ຮັກສາ​ຄວາມ​ປອດ​ໄພ​ນີວ​ເຄລຍຍີ່ປຸ່ນກ່າວ​ວ່າ ພວກ​ພະນັກ
ງານ​ໄດ້​ຖືກ​ອົບ​ພະຍົບ​ອອກ​ໜີເປັນ​ການ​ຊົ່ວຄາວ​ຈາກ​ໂຮງ​ໄຟຟ້າ Fukushima ທີ່ໄດ້ມີ​
ກໍາ​ມັນ​ຕະພາບ​ລັງສີ​ຮົ່ວ​ໄຫລ​ອອກ​ມາ​ຕັ້ງ​ແຕ່​ເກີດ​ໄພ​ແຜ່ນດິນ​ໄຫວ​ໃນ​ວັນ​ທີ 11 ເດືອນ​ມີ
ນາເປັນ​ຕົ້ນ​ມາ. ພວກ​ເຈົ້າ​ໜ້າ​ທີ່ເຫລົ່າ​ນີ້ກ່າວ​ຕື່ມ​ວ່າ ​ໄຟຟ້າທີ່ເນັ່ງມາແຕ່ຂ້າງ​ນອກ​ເຕົາ​
ແຍກ​ນີວ​ເຄລຍ 3 ໜ່ວຍ​ຂອງ​ໂຮງ​ໄຟຟ້າ​ດັ່ງກ່າວ​ໄດ້​ຖືກຕັດ ຊຶ່ງ​ເຮັດໃຫ້ການສີດ​ນໍ້າ​ທໍາ​
ຄວາມ​ເຢັນ​ເຂົ້າ​ໃສ່​ແກນ​ຂອງ​ເຕົາ​ແຍກ​ນີວເຄລຍ ໄດ້ຮັບການລົບກວນ ​ແຕ່​ວ່າໄດ້​ມີ​ການ
ຕໍ່​ໄຟຟ້າ​ຄືນ​ໃສ່​ຫລັງ​ຈາກໄຟຟ້າຂາດໃນ​ເວລາ​ບໍ່ຮອດ 1 ຊົ່ວ​ໂມງ​ຕໍ່​ມາ.ບັນດາ​ເຈົ້າ​ໜ້າ​ທີ່​
ເຫລົ່າ​ນີ້​ກ່າວ​ວ່າ ​ເຂົາ​ເຈົ້າ​ບໍ່​ໄດ້ກວດ​ເຫັນ​ສິ່ງ​ປ່ຽນ​ແປງ​ໃດໆ​ໃນ​ລະດັບຂອງ​ກໍາ​ມັນ​ຕະພາບ
ລັງສີ​ນັ້ນ.

ການ​ສັ່ນ​ສະ​ເທືອ​ນຂອງ​ແຜ່ນ​ດິນ​ໄຫວ​ຄັ້ງ​ຫລ້າ​ສຸດມີ​ຂຶ້ນ​ໃນ​ເວລາ​ເກືອ​ບ 1 ​ເດືອນເຕັມຫລັງ​ຈາກ​ແຜ່ນດິນ​ໄຫວ​ທີ​ມີ​ຄວາມ​ແຮງ 9. ຣິກ​ເຕີທີ່​ໄດ້​ພາ​ໃຫ້​ເກີດ​ຄື້ນຟອງ​ຍັກຊຸ​ນາ​ມິ​ ທີ່​ໄດ້​ເຮັດ​ໃຫ້​ພວກ​ບ້ານ​ເຮືອນ​ໃນ​ຫົວ​ເມືອງ​ແລະ​ໝູ່​ບ້ານ​ຕ່າງໆ​ທັງ​ໝົດ​ເລາະ​ຕາມ​ແຄມ​ຝັ່ງ​ທະ​ເລ​ໃນ​ພາກຕາ​ເວັນ​ອອກສຽງ​ເໜືອ​ຂອງ​ປະ​ເທດ​ໄຫລ​ໜີ​ໄປ​ຕາມ​ນໍ້າ​ນັ້ນ. ​ໃນ​ທົ່ວ​ຍີ່ປຸ່ນ​ໃນ​ວັນ​ຈັນ​ມື້​ນີ້ ພວກ​ປະຊາຊົນ​ພົນລະ​ເມືອງ​ພາກັນຢືນສະຫງົບສະຕິ ອາລົມ​ແລະ​ໄຫວ້​ວອນໃນ​ເວລາ 2 ​ໂມງ 46 ນາທີ ຕາມ​ເວລາ​ໃນ​ທ້ອງ​ຖິນ ອັນ​ເປັນ​ເວລາ​ທີ່ແຜ່ນດິນ​ໄຫວ​ເກີດ​ຂຶ້ນ​ພໍດີ​ນັ້ນ.

ມາ​ຮອດ​ປັດຈຸບັນ​ນີ້​ໄດ້​ພົບ​ເຫັນ​ຊາກ​ສົບ​ຂອງ​ພວກ​ປະສົບ​ໄພ​ຈໍານວນ​ຫລາຍ​ກວ່າ 13 ພັນ​ສົບ​ແລ້ວ ​ແຕ່​ຍັງ​ຫລາຍ​ກວ່າ 14 ພັນ​ສົບ​ຍັງ​ຫາຍສາບ​ສູນ ຊຶ່ງ​ຫລາຍ​ສົບ​ຍົງ​ຄ້າງ​ຄາ​ຢູ່​ກ້ອງ​ສິ່ງ​ຫັກ​ພັງ​ລົງ​ທັບ ຫລື​ຖືກ​ນໍ້າ​ພັດ​ອອກ​ໄປ​ກາງ​ທະ​ເລ​ແລ້ວ.

ໃນ​ວັນ​ຈັນ​ມື້​ນີ້ ທາງ​ການ​ຍີ່ປຸ່ນ​ປະກາດ​ທໍາ​ການ​ກະກຽມ​ຂະຫຍາຍ​ວົງ​ລັດສະ​ໝີ 20 ຫລັກ​ກິ​ໂລ​ແມັດ​ໃນເຂດ​ອ້ອມ​ແອ້ມ​ໂຮງ​ໄຟຟ້າ​ນີວ​ເຄລຍ Fukushima ນັ້ນ​ອອກ​ໄປ​ອີກ.

XS
SM
MD
LG