ນາຍົກລັດຖະມົນຕີຍີ່ປຸ່ນ ທ່ານ Shinzo Abe ໄດ້ຕັດສິນໃຈ
ໂຈະການຍົກຍ້າຍຖານທັບນາວິກະໂຍທິນສະຫະລັດຢູ່ເກາະ
ໂອກີນາວາ.
ທ່ານ Abe ໄດ້ປະກາດ ໃນວັນສຸກມື້ນີ້ວ່າ ທ່ານຮັບເອົາຂໍ້ສະ
ເໜີ ທີ່ໄກ່ເກ່ຍໂດຍສານ ໃຫ້ຢຸດເຊົາການປະຕິບັດງານແລະ
ໃຫ້ສືບຕໍ່ການເຈລະຈາ ກັບລັດຖະບານທ້ອງຖິ່ນ ທີ່ຄັດຄ້ານ
ຕໍ່ແຜນການຂອງທ່ານນັ້ນແທນ.
ການໂຕ້ຖຽງ ແມ່ນລະຫວ່າງລັດຖະບານກາງຍີ່ປຸ່ນ ແລະບັນ
ດາເຈົ້າໜ້າທີ່ທ້ອງ ຖິ່ນຢູ່ເກາະໂອກີນາວາ. ລັດຖະບານ ທ່ານ
Abe ຕ້ອງການຢາກຍົກຍ້າຍຖານທັບອາກາດນາວິກະໂຍທິນ Futenma ໄປຢູ່ບ່ອນທີ່ມີ
ພົນລະເມືອງອາໄສຢູ່ບໍ່ໜາແໜ້ນ ຂອງເກາະໂອກີນາວາ ບ່ອນທີ່ຄ້າຍທະຫານອື່ນໆຂອງ
ສະຫະລັດຕັ້ງຢູ່ນັ້ນ.ບັນດາເຈົ້າໜ້າທີ່ທ້ອງຖິ່ນ ຕ້ອງການຢາກໃຫ້ຍົກຍ້າຍ ຖານທັບອອກ
ຈາກເກາະດັ່ງກ່າວໂດຍທັງໝົດ.
ປະຊາຊົນທີ່ຢູ່ໃກ້ກັບຖານທັບພາກັນຈົ່ມວ່າ ການມີໜ້າຂອງທະຫານນາວິກະໂຍທິນສະ
ຫະລັດ ເຮັດໃຫ້ມີການແອອັດຈົນເກີນໄປ ແລະມີອັດຕາການກໍ່ອາຊະຍາກຳສູງ.