ລິ້ງ ສຳຫລັບເຂົ້າຫາ

ມີການຮົ່ວໄຫລຄັ້ງໃໝ່ ຂອງກໍາມັນຕະພາບລັງສີ ໃນໂຮງງານນີວເຄລຍ ຂອງຍີ່ປຸ່ນ

  • ບົວສະຫວັນ

ການຮົ່ວໄຫລຈາກອຸປະກອນຕົ້ມນໍ້າຂ້ຽວລົງໂດຍການລະເຫີຍອາຍ ທີ່ໄດ້ກວດພົບໃນວັນທີ 4 ທັນວາ, 2011, ຢູ່ໃນສະຖານທີ່ກັ່ນນໍ້າ ທະເລ ທີ່ໂຮງງານນີວເຄລຍ Fukushima Daiichi ຂອງຍີ່ປຸ່ນ ທີ່ຖືກທໍາລາຍ ເສຍຫາຍຍ້ອນຟອງຍັກສຸນາມິ. REUTERS/Tokyo Electric Power Co./Handout

ຜູ້​ດໍາ​ເນີນ​ການ​ໂຮງງານ​ນີວ​ເຄລຍ ທີ່​ຖືກ​ເປ​ເພຂອງ​ຍີ່ປຸ່ນ​ກ່າວ​ວ່າ ​ໄດ້​ມີ​ການຄົ້ນພົບການຮົ່ວ​
ໄຫລຄັ້ງ​ໃໝ່ ຂອງນໍ້າ​ທີ່​ມີ​ກໍາ​ມັນ​ຕະພາບ​ລັງສີ.

ບໍລິສັດ​ພະລັງງານ​ໄຟຟ້າ​ໂຕກຽວ ຫລື TEPCO ​ເວົ້າວ່າ ນໍ້າ​ທີ່​ມີກໍາ​ມັນ​ຕະ ພາບ​ລັງສີ ປະມານ 45 ​ໂຕນ ​ໄດ້ຮົ່ວ​ໄຫລ​ອອກຈາກເຄື່ອງ​ກອງ​ນໍ້າ​ໃຫ້​ສະອາດ ທີ່​ໂຮງງານ​ໄຟຟ້າ Fukushima Daiichi. ​ແຕ່ພວກ​ເຈົ້າໜ້າທີ່ເວົ້າ​ວ່າ ປະລິ ມານ​ນໍ້າ​ສ່ວນ​ໃຫຍ່​ແມ່ນ​ຍັງ​ຄ້າງ​ຢູ່ທາງ​ໃນໂຮງງານ.

TEPCO ​ເວົ້າວ່າ ນໍ້າ​ທີ່​ເຈືອ​ປົນ​ທາດ​ດັ່ງກ່າວ ປະມານ 300 ລິດ ອາດ​ຈະຮົ່ວ​ໄຫລໄປ​ຫາຮາງລິນ ທີ່​ສົ່ງ​ອອກ​ໄປ​ຫາ​ມະຫາ​ສະມຸດ ກ່ອນ​ມີ​ການ​ເອົາ​ຖົງ​ດິນ ຊາຍ​ໄປ​ຕັນ​ໄວ້. ພວກ​ເຈົ້າໜ້າທີ່ກ່າວ​ເພີ້ມວ່າ ພວກ​ເຂົາ​ເຈົ້າກໍາລັງ​ກວດ​ເບິ່ງ​ວ່າ ນໍ້າ​ດັ່ງກ່າວໄດ້​ໄປ​ເຖິງ​ມະຫາ​ສະມຸດ​ແລ້ວ ຫລື​ບໍ່.

ໂຮງງານ​ໄຟຟ້າ​ນີວ​ເຄລຍ Fukushima ຂອງ​ຍີ່ປຸ່ນ ໄດ້ທໍາລາຍ​ເສຍ​ຫາຍ ຍ້ອນ​ເຫດ​ແຜ່ນດິນໄຫວ​ຄັ້ງຍິ່ງ​ໃຫຍ່ ​ທີ່ຕິດຕາມ​ມາ​ຟອງ​ຍັກສຸ​ນາ​ມິ ​ໃນ​ເດືອນ​ມີນາຕົ້ນ​ປີ​ນີ້. ມີ​ຄົນ​ເປັນ​ສິບໆພັນ​ຄົນ ​ໄດ້​ຖືກ​ບັງຄັບ​ໃຫ້ຍົກຍ້າຍອອກ​ຈາກ​ບ້ານ​ເຮືອນຂອງ​ພວກ​ເຂົາ​ເຈົ້າ ຍ້ອນ​ການຮົ່ວ​ໄຫລ​ຂອງ​ກໍາ​ມັນ​ຕະພາບ​ລັງສີ.

XS
SM
MD
LG