ລິ້ງ ສຳຫລັບເຂົ້າຫາ

ຍີ່ປຸ່ນແລະເກົາຫຼີເໜືອ ພົບປະກັນເທື່ອທໍາອິດ ໃນຮອບສີ່ປີ


ຕໍາຫຼວດຈີນກັ້ນບໍ່ໃຫ້ນັກຂ່າວເຂົ້າໃກ້
ນອກບໍລິເວນສະຖານທູດຍີ່ປຸ່ນ ກ່ອນການ ພົບປະກັນລະຫວ່າງຍີ່ປຸ່ນແລະເກົາຫຼີ
ເໜືອທີ່ປັກກິ່ງ

ຕໍາຫຼວດຈີນກັ້ນບໍ່ໃຫ້ນັກຂ່າວເຂົ້າໃກ້ ນອກບໍລິເວນສະຖານທູດຍີ່ປຸ່ນ ກ່ອນການ ພົບປະກັນລະຫວ່າງຍີ່ປຸ່ນແລະເກົາຫຼີ ເໜືອທີ່ປັກກິ່ງ

ເຈົ້າ​ໜ້າ​ທີ່​ຈາກ ຍີ່ປຸ່ນ ​ແລະ​ເກົາຫລີ​ເໜືອ ກໍາລັງ​ສົນທະ​ນາຫາລື​ກັນ ໃນ​ກອງ​ປະຊຸມ​ລະດັບ​ລັດຖະບານ​ຄັ້ງ​ທໍາ​ອິດ​ຂອງ​ເຂົາ​ເຈົ້າ ​ໃນ​ລະຍະ​ສີ່​ປີ.

ການ​ປະ​ຊຸ​ມກັນໃນ​ວັນ​ພຸດມື້​ນີ້ ຢູ່ທີ່ ສະຖານ​ທູດ ຍີ່​ປຸ່ນ ປະ​ຈໍາ​ກຸງ​ປັກ​ກິ່ງ ໄດ້​ຖືກ​ບັນ​ລະ​ຍາຍ​ວ່າ ​ເປັນ​ການ​ສົນທະນາ​ຂັ້ນ​ເລີ້ມ​ຕົ້ນ ລະຫວ່າງ​ສອງ​ປະ​ເທດ ທີ່​ບໍ່​ມີ​ຄວາມສໍາພັນ​ທາງ​ການ​ທູດ​ກັນຢ່າງເປັນທາງ​ການ.

ຍີ່ປຸ່ນ ​ແລະ​ເກົາຫລີ​ເໜືອ ​ໄດ້​ພົບ​ປະກັນ​ຄັ້ງ​ສຸດ​ທ້າຍ​ໃນ​ປີ 2008. ສໍາພັນ​ທະ​ໄມ​ຕີ​ລະຫວ່າງປະ​ເທດ​ທັງ​ສອງ​ໄດ້​ຕົກ​ຢູ່​ໃນ​ສະພາບ​ເຄ່ງ​ຕຶງ ຍ້ອນການຜິດຖຽງ​ກັນ​ກ່ຽວ​ກັບ ​ໂຄງການ​ນິວ​ເຄລຍຂອງ​ເກົາຫລີ​ເໜືອ ​ແລະການ​ກ່າວ​ອ້າງຂອງຍີ່​ປຸ່ນ ທີ່ວ່າ ​ເກົາຫລີ
ເໜືອ ​ໄດ້​ລັກພາ​ໂຕ​ຄົນສັນ​ຊາດຍີ່​ປຸນ​ໄປ​ຫລາຍ​ຄົນ ​ໃນ​ຊຸມປີ 1970 ​ແລະ 1980 ນັ້ນ​.

​ເກົາຫລີ​ເໜືອ ​ໄດ້​ສາລະພາບ​ວ່າ ຕົນ​ໄດ້​ລັກພາ​ໂຕຊາວ​ຍີ່ປຸ່ນ​ໄປ 13 ຄົນ ​ແຕ່​ກໍ​ເວົ້າ​ວ່າ ​ບັນ​ຫາ​ດັ່ງກ່າວ​ໄດ້ຖືກ​ແກ້​ໄຂ​ໄປ​ແລ້ວ ​ເນື່ອງ​ຈາກ​ວ່າ ​ຕົນ​ໄດ້​ປ່ອຍ​ພວກ​ຖືກ​ລັກພາ​ໂຕ ຫ້າ​ຄົນ ​ກັບ​ຄືນ​ເມືອ​ບ້ານ ໃນ​ເວລາ​ຕໍ່​ມາ.

ຍີ່ປຸ່ນ ສົງໄສ​ວ່າ ​ເກົາ​ຫລີ​ເໜືອ ຍັງ​ຊຸກເຊື່ອ​ງພວກ​ທີ່​ຍັງ​ລອດ​ຊີວິດຢູ່​ໄວ້ ​ແລະ​ໄດ້​ລັກພາ​ໂຕໄປ ຫລາຍຄົນກວ່າ​ທີ່ໄດ້ຍອມຮັບ​.

ຄວາມເຫັນຂອງທ່ານ

ສະແດງຄວາມເຫັນໃຫ້ເບິ່ງ

XS
SM
MD
LG