ວັນອາທິດມື້ນີ້ ພວກປະທ້ວງປະມານສອງຮ້ອຍຄົນພາກັນ ໂຮມຊຸມນຸມໃນກຸງໂຕກຽວ ເພື່ອປະທ້ວງແຜນການນຶ່ງຂອງ ບໍລິສັດຜະລິດເ ຄຶ່ອງກິລາໄນກີ້ຂອງສະຫະລັດ ທີ່ຈະເອົາ ພື້ນທີ່ຂອງສວນສາທາລະນະນ້ອຍໆແຫ່ງນຶ່ງ ມາສ້າງເປັນ ຍ່ານການຄ້າທີ່ຫລູຫລາລະດັບສູງ ແລະເຮັດເປັນບ່ອນ ຫລິ້ນແປ້ນສະເກ໊ດ.
ພວກປະທ້ວງມີໂຮມທັງພວກໄຮ້ບ້ານຢູ່ອາໃສ ທີ່ຄັ້ງນຶ່ງເຄີຍ ໄດ້ອາໃສ ຢູ່ຕາມສວນສາທາລະນະ Miyashita ໃນເຂດ ຄຸ້ມ Shibuya ນັ້ນ ແລະຜູ້ສະໜັບສະໜູນອີກຫລາຍຄົນ.
ພາຍໃຕ້ແຜນການທີ່ວ່ານີ້ ບໍລິສັດໄນກີ້ຈະຈ່າຍເງິນໃຫ້ພວກ ເຈົ້າໜ້າທີ່ທ້ອງຖິ່ນປະມານ ສອງແສນໂດລາຕໍ່ປີ ເປັນເວລາ ສິບປີ ເພື່ອແລກກັບສິດທິໃນພື້ນທີ່ສວນສາທາລະນະແຫ່ງ ນັ້ນ. ນອກນີ້ແລ້ວ ທາງບໍລິສັດຍັງຈະສ້າງເດີ່ນຫລິ້ນສະ ເກັດ ແລະກຳແພງປີນພູເຂົາຈໍາລອງອີກ.
ພວກອາໃສຢູ່ໃນທ້ອງຖິ່ນດັ່ງກ່າວບາງຄົນກໍເຫັນດີນໍາແຜນການນີ້ ແຕ່ພວກອື່ນໆເຫັນວ່າ ເປັນແຜນການ ເພື່ອກໍາຈັດພວກໄຮ້ບ້ານຢູ່ອາໃສຂອງກຸງໂຕກຽວ ຈຳນວນຫລາຍພັນ ຄົນທີ່ອາໃສຢູ່ນໍາຕູບທີ່ເຮັດດ້ວຍເຈັ້ຍແຂງ ແລະພລາສຕິກ ຕາມສວນສາທາລະນະແຫ່ງຕ່າງໆ ແລະຢູ່ຕາມກ້ອງຂົວ ແລະຕາມສະຖານີລົດໄຟໃຕ້ດິນນັ້ນ.
ເຈົ້າໜ້າທີ່ທ້ອງຖິ່ນໄດ້ຂັບໄລ່ພວກໄຮ້ບ້ານຢູ່ອາໃສທັງຫລາຍນັ້ນ ໃຫ້ໜີອອກຈາກສວນສາທາ ລະນະດັ່ງກ່າວໄປແລ້ວ.