ລິ້ງ ສຳຫລັບເຂົ້າຫາ

ກະສັດແລະລາຊິນີແຫ່ງພູຖານ ຈະສະເດັດປະພາດຍີ່ປຸ່ນ (ເບິ່ງຮູບສະໄລດ໌)

  • ສິງ ບູຣົມມະວົງ

ກະສັດ Jigme Khesar Namgyal Wangchuck ແລະພະລາຊິນີ Jetsun Pema ແຫ່ງພູຖານ ທີ່ຊົງເຂົ້າພິທີອະພິເສກສົມລົດ ໃນອາທິດຜ່ານມາ, ວັນທີ 13 ຕຸລາ 2011.

ກະສັດ Jigme Khesar Namgyal Wangchuck ແລະພະລາຊິນີ Jetsun Pema ແຫ່ງພູຖານ ທີ່ຊົງເຂົ້າພິທີອະພິເສກສົມລົດ ໃນອາທິດຜ່ານມາ, ວັນທີ 13 ຕຸລາ 2011.

ຄູ່​ອະພິ​ເສກ​ສົມລົດ​ໃໝ່ຫຼ້າ​ສຸດ​ຂອງໂລກ ກະສັດ Jigme Khesar Namgyel Wangchuck ແລະພະ​ລາຊີນີ​ Jetsun Pema Wangchuck ແຫ່ງພູຖານ​ຈະຊົງສະເດັດປະພາດປະເທດຍີ່​ປຸນ​ຢ່າງ​ເປັນ​ທາງ​ການ​ໃນ​ເດືອນ​ໜ້າ​ນີ້.

ເຈົ້າ​ໜ້າ​ທີ່ຂອງ​ຍີ່​ປຸນ​ໄດ້ປະກາດກ່ຽວກັບການສະ​ເດັດ​ປະພາດດັ່ງກ່າວ​ໃຫ້​ຮູ້ໃນ​ວັນ​ອັງຄານ​
ມື້​ນີ້ ໂດຍເວົ້າວ່າ ກະສັດແລະພະລາຊີນີພູຖານ ຈະຊົງສະເດັດໄປຢ້ຽມຢາມຍີ່​ປຸນ​ແຕ່​ວັນ​ທີ
15 ຫາ 19 ພະຈິກ. ທາງການຍີ່ປຸ່ນ​ຍັງ​ກ່າວ​ອີກ​ວ່າ ອົງ​ຈັກກະພັດ​ແລະ​ຈັກກະພັດດີນີຂອງ​
ຍີ່ປຸ່ນຈະ​ຊົງພົບ​ປະກັບກະສັດແລະລາຊີນີພູຖານແລະຈະຊົງເປັນເຈົ້າພາບຈັດງານລ້ຽງຮັບ
ຮອງ​ຕ້ອນຮັບ​ຢ່າງເປັນທາງການເພື່ອເປັນກຽດໃຫ້ແກ່ຄູ່ອະພິເສກສົມລົດໃໝ່.

ກະສັດ Jigme ​ທີ່ມີພະຊົນມາ​ຍຸ​ 31 ພັນ​ສາ ເປັນ​ກະສັດ​ທີ່​ໜຸ່ມນ້ອຍ​ທີ່​ສຸດໃນໂລກ ພ້ອມ
ດ້ວຍພະລາຊີນີ Jetsun ອາຍຸ 21 ພັນ​ສາ ແມ່ນໄດ້ເປັນທີ່ສົນໃຈຂອງປະຊາຊົນໃນທົ່ວ
ໂລກ ​ທີ່ໄດ້ພາກັນເບິ່ງພິທີອະພິ​ເສກ​ສົມ​ລົດ​ ທີ່​ແຕ່ງ​ຊົງ​ດ້ວຍເຄື່ອງນຸ່ງປະ​ຈໍ​າຊາດ ທີ່​ມີ​ສີ
ສວຍ​ງາມ​ສົດ​ໃສ​ໃນ​ອາທິດ​ທີ່​ແລ້ວ​ນີ້.

XS
SM
MD
LG