ລິ້ງ ສຳຫລັບເຂົ້າຫາ

ວັນສຸກ, ໒໙ ມີນາ ໒໐໒໔

ຍີ່ປຸ່ນກາຍເປັນພະລັງ ຂັບດັນສໍາຄັນ ຕໍ່ການເຕີບໂຕທາງ ເສດຖະກິດຂອງມຽນມາ


ນາຍົກລັດຖະມົນຕີຍີ່ປຸ່ນ ທ່ານ Shinzo Abe (ຊ້າຍ) ກັບປະທານາທິບໍດີມຽນມາ ທ່ານ Thien Sein ຂະນະຢ້ຽມຢາມມຽນມາ.
ນາຍົກລັດຖະມົນຕີຍີ່ປຸ່ນ ທ່ານ Shinzo Abe (ຊ້າຍ) ກັບປະທານາທິບໍດີມຽນມາ ທ່ານ Thien Sein ຂະນະຢ້ຽມຢາມມຽນມາ.
ທ່ານ Shinzo Abe ນາຍົກລັດຖະມົນຕີຍີ່ປຸ່ນ ໄດ້ລົບ​ລ້າງໜີ້
ສິນຈໍານວນ ຫຼາຍພັນລ້ານໂດລາແກ່ມຽນມາ ພ້ອມກັບສັນຍາ
ວ່າຈະໃຫ້ການຊ່ວຍເຫຼືອ ໃໝ່​ແກ່ມຽນມາອີກ. Daniel
Schearf ຜູ້ສື່ຂ່າວວີໂອເອ ລາຍງານມາຈາກ ບາງກອກວ່າ
ບັນດານັກວິເຄາະເວົ້າວ່າ ເຖິງແມ່ນຈີນຈະເປັນຜູ້ລົງທຶນລາຍ
ໃຫຍ່ທີ່ສຸດໃນມຽນມາກໍຕາມ ແຕ່ມຽນມາກໍຍັງຫັນ​ໄປ​ຫາຍີ່ປຸ່ນ
ຫຼາຍຂຶ້ນ​ເລື້ອຍໆໃນ ຖານະເປັນກໍາລັງເສດຖະກິດທີ່​ຄອບ​ງໍາ
ປະເທດນຶ່ງ ຊຶ່ງທອງປານມີເລຶ່ອງນີ້ ມາສະເໜີທ່ານ ໃນອັນດັບ
ຕໍ່ໄປ


ໃນລະຫວ່າງການຢ້ຽມຢາມມຽນມາເທື່ອທໍາອິດຂອງນາຍົກລັດ
ຖະມົນຕີຍີ່ປຸ່ນ ໃນຮອບ 36 ປີ ​ເມື່ອ​ທ້າຍ​ເດືອນ​ພຶດສະພາ​ນັ້ນ
ທ່ານ Shinzo Abe ບໍ່ແມ່ນພຽງແຕ່ໄດ້ຍົກ​ເລີກໜີ້ສິນທີ່ມຽນມາຕິດ​ຢູ່ເທົ່ານັ້ນ ແຕ່ຍັງຮັບ
ປາກວ່າຈະໃຫ້ເງິນກູ້ມຢືມກ້ອນໃໝ່ແກ່ ມຽນ ມາ ເພື່ອການພັດທະນານັ້ນນໍາ.

ຍີ່ປຸ່ນໄດ້ລົບລ້າງໜີ້ສິນ ຈໍານວນ 1.740 ລ້ານ​ໂດ​ລາໃຫ້ແກ່ມຽນມາ ແລະ ຍັງໄດ້ຕົກລົງ
ທີ່ຈະໃຫ້ເງິນກູ້ຢືມແກ່ມຽນມາ ຈໍານວນ 500 ລ້ານກວ່າໂດລາຕື່ມອີກ ສໍາລັບໂຄງການ
ສ້າງສາໂຄງລ່າງພື້ນຖານ ແລະໂຄງການຜະລິດ ກະແສໄຟຟ້າ.

ກ່ອນໜ້ານີ້ ຍີ່ປຸ່ນກໍໄດ້ຍົກເລີກໜີ້ສິນ ຈໍານວນຫຼາຍກວ່າ 3.500 ລ້ານໂດລ່າ ທີ່ມຽນມາ​ ໄດ້ກູ້ຢືມ​ໄປ.

ທ່ານ Sean Turnell ອາຈານສອນວິຊາເສດຖະສາດ ປະຈໍາມະຫາວິທະຍາໄລ
Macquarie ທີ່ນະຄອນ Sydney ປະເທດອອສເຕຣເລຍ ເວົ້າກັບ​ວີ​ໂອ​ເອ ຜ່ານ
skype ວ່າ ການທີ່ຍີ່ປຸ່ນສະຫຼະເງິນກູ້ຢືມດັ່ງກ່າວໃຫ້ແກ່ມຽນມາ ກໍແມ່ນເພື່ອຮັບ​ໃຊ້
ຜົນປະໂຫຍດຂອງຕົນເອງ.

ທ່ານ Turnell ເວົ້າວ່າ: “ມີເງິນຈໍານວນມະຫາສານກ້ອນນຶ່ງ ທີ່ຍີ່ປຸ່ນພ້ອມ ທີ່ຈະ
ທຸ່ມເທ. ແລະ
ມີຫຼາຍໆບໍລິສັດຍີ່ປຸ່ນ ໂດຍສະເພາະບໍລິສັດໃນພາກສ່ວນໂຄງ
ລ່າງພື້ນຖານແລະອື່ນໆ ທີ່
ຈະດີໃຈຫຼາຍ​ໂພດ ຖ້າ​ໄດ້ຊະນະການປະມູນຮັບ
ເໝົາ
​ເຮັດ​ວຽກ​ງານ ການພັດທະນາໃນມຽນມາ. ຂ້າພະເຈົ້າຄິດວ່າ ນັ້ນຄືປະ
ການທີ່ນຶ່ງ. ປະການທີສອງ ແນ່ນອນວ່າ
ມັນມີຮູບການໃນທາງພູມິສາດການ
ເມືອງ. ຍີ່ປຸ່ນກໍ
ຄືກັບຫຼາຍປະເທດ ທີ່ເປັນຫ່ວງກ່ຽວ​ກັບຂອບເຂດ ທີ່ມຽນມາ
ໄດ້ເອົາຕົວເຂົ້າຢູ່ໃຕ້ຮົ່ມເງົາຂອງຈີນເພີ່ມຂຶ້ນໄປນັບມື້ນັ້ນ ແລະແນ່
ນອນ ພວກ
ເຮົາກໍຮູ້
ວ່າ ມັນມີເລື່ອງລາວທີ່​ໃຫຍ່​ກວ່າ​ນັ້ນ ລະຫວ່າງຈີນກັບຍີ່ປຸ່ນຢູ່ໃນຂົງ
ເຂດ. ສະນັ້ນ ຂ້າພະເຈົ້າຄິດວ່າ
ພວກເຮົາຕ້ອງໄດ້ເອົາ​ເລື່ອງ​ນີ້ ​ເຂົ້າ​ມາ​ກ່ຽວ
ຂ້ອງ​ນໍາ
.”

ສ່ວນນຶ່ງຂອງເງິນກູ້ຢືມຊຸດໃໝ່ດັ່ງກ່າວ ​ແມ່ນຈະນໍາເອົາໃຊ້ຈ່າຍໃນການພັດທະນາກະ ແສໄຟຟ້າ ຢູ່​ໃນເຂດເສດຖະກິດພິເສດທິລະວາ ທີ່ທ່າເຮືອແຫ່ງນຶ່ງໃກ້ນະຄອນຢ່າງກຸ້ງ.

ເຂດເສດຖະກິດພິເສດ ຫຼື SEZ ກໍ​ຄື Special Economic Zone ​ແຫ່ງ​ນັ້ນ ​ແມ່ນເປັນ
ໂຄງການລົງທຶນໃຫຍທີ່ສຸດຂອງຍີ່ປຸ່ນ ແລະ​ເປັນໂຄງການນຶ່ງ ທີ່ບັນດານັກເສດຖະສາດ
ເວົ້າວ່າ ເບິ່ງຊົງວ່າຈະມີຜົນກະທົບອັນໃຫຍ່ຫຼວງ ຍ້ອນວ່າມັນຕັ້ງຢູ່ໃກ້ເມືອງໃຫຍ່ທີ່ສຸດ
ຂອງມຽນມາ ກໍ​ຄື​ຢ່າງ​ກຸ້ງ​ນັ້ນ.

ເຖິງແມ່ນຈະ​ມີແຜນການພັດທະນາ​ເຂດ​ເສດຖະກິດ​ພິ​ເສດດັ່ງກ່າວກໍຕາມ ​ແຕ່ການລົງ
ທຶນ ທີ່​ມີມູນຄ່າບໍ່​ເທົ່າ​ໃດ​ຮ້ອຍລ້ານໂດລາຂອງຍີ່ປຸ່ນນັ້ນ ກໍ​ແມ່ນຍັງຕໍ່າຢູ່ຫລາຍ ກວ່າ ການລົງທຶນຂອງຈີນ ​ທີ່​ມີ​ມູນ​ຄ່າ​ທັງໝົດ 14 ພັນກ່ວາ ລ້ານໂດລານັ້ນ.

ຄື​ກັນກັບຈີນ ຍີ່ປຸ່ນບໍ່ໄດ້ປະກອບສ່ວນ​ໃນການລົງໂທດຂອງຝ່າຍຕາເວັນ ຕົກຕໍ່ອະດີດ
ລັດຖະບານທະຫານຂອງມຽນມາ ແຕ່ຍີ່ປຸ່ນກໍໄດ້ຕັດ​ຈໍານວນ​ ​ເງິນ​ທີ່​ໃຫ້​ມຽນມາ​ກູ້​ຢືມ
ສໍາລັບການພັດທະນານັ້ນ​ລົງ​ຢ່າງ​ຫຼວງຫຼາຍ ທັງ​ຍັງຕັດການລົງທຶນລາຍໃຫຍ່ໆລົງນໍາ.

ໃນຂະນະນີ້ ຈີນໄດ້ທຸ່ມລົງທຶນຢ່າງໜັກໃສ່ເຂື່ອນໄຟຟ້າພະລັງນໍ້າ ໂຄງການຂຸດຄົ້ນແຮ່
ທາດ ແລະໂຄງການສ້າງທໍ່ສົ່ງນໍ້າມັນແລະແກັສທໍາມະຊາດທີ່ເນັ່ງຈາກພາກຕາເວັນຕົກ
ຂອງມຽນມາໄປຍັງຊາຍແດນຈີນ.

ແຕ່ວ່າບໍ່ຄືກັນກັບຍີ່ປຸ່ນ ການລົງທຶນຂອງຈີນ ໂດຍສ່ວນໃຫຍ່​ແລ້ວ ແມ່ນ​ເປັນການລົງ
ທຶນແບບຄຸມເຄືອບໍ່​ໂປ່​ງ​ໃສ ກັບອະດີດລັດຖະບານທະຫານ ມຽນມາ.

ຫຼາຍໆໂຄງການແມ່ນເກີດມີຂໍ້ຂັດແຍ້ງກັນຢ່າງໃຫຍ່ ຍ້ອນຜົນເສຍຫາຍທີ່ມີຕໍ່ສະພາບ ແວດລ້ອມແລະສັງຄົມ ຊຶ່ງ​ໄດ້ຍັງຜົນໃຫ້ເກີດມີການປະທ້ວງ ແລະການ​ຕໍ່ຕ້ານຈີນຫຼາຍໆ
ບັ້ນ.

ອາຈານ Turnell ເວົ້າວ່າ ຍ້ອນວິທີການລົງທຶນຂອງ​ຍີ່ປຸ່ນນັ້ນ ຜົນ​ກະທົບຂອງຍີ່ປຸ່ນ
ຈຶ່ງ​ກໍາລັງ​ບົດ​ບັງຜົນ​ກະທົບ​ຂອງຈີນ.

ທ່ານ Turnell ເວົ້າວ່າ: “ດ້ານ​ນີ້​ກໍ​ຄື​ກັນ ການລົງທຶນຂອງຈີນສ່ວນໃຫຍ່ ແມ່ນໂຄງ
ການພະລັງງານແລະຊັບພະຍາກອນ ມັນເປັນການລົງທຶນທີ່ ໂດຍສ່ວນໃຫຍ່ ​
ແມ່ນເພື່ອຂົນເອົາຊັບພະຍາກອນ ແລະພະລັງງານອອກຈາກມຽນມາ ເຂົ້າໄປ
ໃນຈີນນັ້ນຫຼາຍກວ່າ ໂດຍທີ່ຈີນເປັນຝ່າຍບໍລິໂພກຫຼັກ. ແຕ່ຖ້າຫາກວ່າ ພວກ
ເຮົາສຶກສາເບິ່ງໃນສິ່ງທີ່ຍີ່ປຸ່ນເຮັດນັ້ນ ​ໂດຍ​ພື້ນຖານ​ແລ້ວ ມັນແມ່ນໂຄງການ
ທີ່ຈະສົ່ງຜົນກະທົບອັນໃຫຍ່ຫຼວງ ຢູ່ພາຍໃນມຽນມາ. ມັນບໍ່ແມ່ນພຽງແຕ່ກ່ຽວ​
ກັບການຂົນເອົາຊັບພະຍາກອນຕ່າງໆ ອອກ​ໄປເທົ່ານັ້ນ ແທ້ໆແລ້ວ ມັນ​ແມ່ນ​
ການ​ປຸກ​ສ້າງໂຄງລ່າງພື້ນຖານ ແລະສະຖາບັນຕ່າງໆໄວ້ໃນມຽນມາເອງ.
ແຕ່ແນ່ນອນ ​ໃນທໍານອງດຽວກັນ ຍີ່ປຸ່ນກໍພົວພັນຢ່າງໜັກ ​ໃນບາງດ້ານຂອງ
ການປະຕິຮູບ​ເຊ່ນ​ກັນ.”


ທ່ານນາງ ຢິ່ງລັກ ຊິນນະວັດ ນາຍົດລັດຖະມົນຕີໄທ ​ໄດ້​ໄປຢ້ຽມຢາມຍີ່ປຸ່ນ ເມື່ອ​ສອງ ອາທິດຜ່ານ​ມາ ກ່ອນໜ້າທ່ານອາ​ເບະອອກ​ເດີນທາງ​ໄປຢ້ຽມຢາມ ມຽນມາ ​ແລະທ່ານ​ນາງໄດ້ຊຸກຍູ້ຍີ່ປຸ່ນ ໃຫ້ຊ່ວຍລົງທຶນໃສ່ໃນໂຄງການກໍ່ ສ້າງ​ເຂດ​ອຸດສາຫະກໍ​າ Dawei
ຂອງຕົນ ໃນມຽນມານັ້ນນໍາ.
ເຂດເສດຖະກິດພິເສດ Dawei
ເຂດເສດຖະກິດພິເສດ Dawei


ໂຄງການທ່າເຮືອນໍ້າເລິກແລະເຂດອຸດສາຫະກໍາ Dawei
ມູນຄ່າ 8.500 ລ້ານໂດລານີ້ ​ແມ່ນຈະສ້າງຂຶ້ນຢູ່​ເລາະຕາມ
ບໍລິເວນຊາຍແດນຕິດກັບໄທ ແຕ່ໂຄງການດັ່ງກ່າວນີ້ ໄດ້
ດິ້ນຮົນຊອກຫາງົບປະມານຢູ່ທຸກວິທີທາງ.

ເວລາໂຄງການດັ່ງກ່າວນີ້ສ້າງສໍາເລັດ ກໍຈະເປັນເຂດ
ອຸດສາຫະກໍາທີ່ໃຫຍ່ທີ່ສຸດໃນຂົງເຂດເອເຊຍຕາເວັນ
ອອກສຽງໃຕ້ ແລະຈະຫຍໍ້ເວລາການຂົນສົ່ງສິນຄ້າລົງ
ໄປຫຼາຍ ແລະພ້ອມກັບປຸບປຸງຄວາມປອດໄພຂອງ
ການຂົນສົ່ງນໍາ ອີກ.

ແຕ່ບັນດານັກວິເຄາະເວົ້າວ່າ ຍີ່ປຸ່ນໄດ້​ເຂົ້າ​ໄປ​ພົວພັນ​ນໍາໂຄງການຍັກໃຫຍ່ນີ້ ດ້ວຍ
ຄວາມລະມັດລະວັງ ຍ້ອນວ່າຕ້ອງໄດ້ໃຊ້ງົບປະມານຈໍານວນມະຫາ ສານ ແລະພ້ອມ
ດຽວກັນ ຜົນປະໂຫຍດຈາກໂຄງການນີ້ ສ່ວນ​ໃຫຍ່​ ກໍແມ່ນຈະ​ຕົກ​ເປັນ​ຂອງ​ປະ​ເທດ​ໄທ.

Thin Aung ​ຜູ້ອໍານວຍການໃຫຍ່ຂອງໂຄງການ Dawei ຂອງບໍລິສັດ ການພັດທະນາ Italian-Thai ທີ່ຮັບຜິດຊອບການກໍ່ສ້າງ​ໂຄງການ​ນີ້ ເວົ້າ ຜ່ານ Skype ວ່າ ​ເຖິງ​ແມ່ນ​
ໄດ້​ມີ​ການສໍາຫຼວດພື້ນທີ່ສໍາລັບໂຄງການນີ້​ໄປ ​ແລ້ວ​ກໍ​ຕາມ ​ແຕ່ວຽກງານກໍ່ສ້າງທີ່ໄດ້​
ລົງມື​ເຮັດ​ແລ້ວ ມາຮອດປັດຈຸບັນນີ້ ກໍ​ມີແຕ່ພຽງການສ້າງຖະໜົນສາຍນຶ່ງ ລະຫວ່າງໄທ
ກັບມຽນມາ​ເທົ່າ​ນັ້ນ.

ທ່ານອ່ອງ ເວົ້າວ່າ: “ເວລາຖະໜົນສາຍນີ້ສ້າງສໍາເລັດແລ້ວ ພວກເຮົາກໍຈະມີ
ຖະໜົນທີ່ດີກວ່າ ທີ່ເຊື່ອມຕໍ່ໄທກັບມຽນມາ ແລະຫຼັງຈາກນັ້ນ ພວກເຮົາ ກໍຈະ
ເລັ່ງ ກໍ່ສ້າງທ່າເຮືອ. ​ແລະ​ໃນ​ລະຫວ່າງນັ້ນ ບັນດາບໍລິສັດອຸດສາຫະກໍານ້ອຍໆ
ທັງຫຼາຍ ກໍອາດສາມາດກໍ່ຕັ້ງກັນຂຶ້ນມາ​ໄດ້ ຢູ່​ໃນເຂດຊາຍແດນ ຫຼືຕາມຖະໜົນ
​ເສ້ນ​ນັ້ນ.”


ທ່ານ ທິນ ອ່ອງ ເວົ້າອີກວ່າ ເຖິງແມ່ນວ່າ ຖະໜົນສາຍດັ່ງກ່າວຈະສ້າງບໍ່​ແລ້ວຈົນກວ່າ
ປີ 2015 ກໍຕາມ ພວກເຂົາເຈົ້າກໍຄາດວ່າ ຈະ​ມີ​ອຸດສາຫະກໍານ້ອຍໆຈໍານວນນຶ່ງພາກັນ
ເລີ່ມສ້າງໂຮງງານຂຶ້ນ ໃນ​ໄລຍະຫຼາຍໆ ເດືອນຕໍ່ໜ້ານີ້.

ໃນລະຫວ່າງນີ້ ບໍລິສັດ Ital-Thai ຫຼື Italian-Thai ກໍກໍາລັງສໍາຫຼວດ ​ເບິ່ງຄວາມເປັນ
ໄປໄດ້​ໃນການດຶງ​ເອົາປະເທດອື່ນໆ ນອກເໜືອຈາກຍີ່ປຸ່ນ ມາລົງທຶນຢູ່ໃນໂຄງການ Dawei ນັ້ນ.

ທ່ານ ທິນ ອ່ອງ ເວົ້າວ່າ ພວກເຂົາເຈົ້າມີແຜນການຈະສົນທະນາ​ເລື້ອງ​ການເປີດໂຄງ ການນີ້ ໃຫ້​ແກ່ບໍລິສັດຕ່າງປະ​ເທດ​ອື່​ນໆ ໂຮມທັງບໍລິສັດ ຈາກສະຫະລັດ ຈີນ ສະຫະ ພາບຢູໂຣບ ແລະຣັດເຊຍ ໃນລະຫວ່າງ ກອງປະຊຸມ​ໃນເດືອນມິຖຸນານີ້ ທີ່ບາງກອກ.
XS
SM
MD
LG