ໂຄສົກຂອງອົງການສະຫະປະຊາຊາດກ່າວວ່າ ມີກຳລັງຮັກສາສັນຕິພາບ 7 ຄົນຈາກປະເທດ
Niger ໄດ້ຖືກຂ້າຕາຍ ໃນການດັກສະກັດໂຈມຕີ ຢູ່ໃນພາກຕາເວັນຕົກຂອງ Ivory Coast
ໃກ້ໆຊາຍແດນໄລບີເຣຍ.
ທ່ານ Bert Koenders ທູດພິເສດຂອງອົງການສະຫະປະຊາຊາດປະຈຳ Ivory Coast ໄດ້
ປະນາມຢ່າງແຮງ ຢູ່ໃນຖະແຫຼງການສະບັບນຶ່ງ ກ່ຽວກັບການດັກໂຈມຕີ ກຳລັງຮັກສາສັນຕິ
ພາບໃນມື້ວັນສຸກວານນີ້. ທ່ານເວົ້າວ່າ ອົງການສະຫະປະຊາຊາດຈະດຳເນີນມາດຕະການທີ່
ຈຳເປັນທຸກຢ່າງ ຫຼັງຈາກໄດ້ເກີດໃນອັນທີ່ທ່ານເອີ້ນວ່າ ການລ່ວງລະເມີດຢ່າງຮ້າຍແຮງຕໍ່ກົດ
ໝາຍຂອງນາໆຊາດ.
ພວກທະຫານຈຸນີ້ ເປັນສ່ວນນຶ່ງຂອງໜ່ວຍລາດຕະເວນ ໃນການປະຕິບັດງານຢູ່ທາງທິດໃຕ້
ຂອງເມືອງ Tai ຊຶ່ງເປັນເຂດທີ່ສະຫະປະຊາຊາດໄດ້ເສີມຂະຫຍາຍການມີໜ້າຂອງຕົນ ຍ້ອນ
ການຂົ່ມຂູ່ ທີ່ຈະມີການໂຈມຕີຕໍ່ປະຊາຊົນພົນລະເຮືອນຢູ່ໃນເມືອງດັ່ງກ່າວ. ຍັງບໍ່ທັນເປັນທີ່
ຈະແຈ້ງເທື່ອວ່າ ແມ່ນກຸ່ມໃດເປັນຜູ້ໂຈມຕີໜ່ວຍລາດຕະເວນຂອງສະຫະປະຊາຊາດ.
ທ່ານ Ban Ki-moon ເລຂາທິການໃຫຍ່ຂອງອົງການສະຫະປະຊາຊາດ ໄດ້ສະແດງຄວາມ
ໂກດແຄ້ນຕໍ່ການສັງຫານກຳລັງຮັກສາສັນຕິພາບ. ທ່ານກ່າວຕໍ່ພວກນັກຂ່າວທີ່ນະຄອນນິວ
ຢອກວ່າ ທ່ານມີຄວາມກັງວົນໃຈກ່ຽວກັບທະຫານສະຫະປະຊາຊາດປະມານ 40 ຄົນ ທີ່ຍັງ
ເຫຼືອຢູ່ໃນເຂດສອກຫຼີກຫ່າງໄກດັ່ງກ່າວຂອງ Ivory Coast.
Ivory Coast ກຳລັງຟື້ນໂຕຄືນ ຈາກຄວາມຮຸນແຮງໃນປີກາຍນີ້ ລຸນຫຼັງການເລືອກຕັ້ງທີ່
ໄດ້ກາຍເປັນບັນຫາຖົກຖຽງໂຕ້ແຍ້ງໃນປີ 2010.
ກຸ່ມປົກປ້ອງສິດທິມະນຸດ Human Rights Watch ເຕືອນໃນຕົ້ນອາທິດນີ້ວ່າ ພວກນັກ
ລົບທີ່ຈົງຮັກພັກດີ ຕໍ່ອະດີດປະທານາທິບໍດີ Laurent Gbagbo ໄດ້ທຳການໂຈມຕີ Ivory
Coast ຈາກໄລບີເຣຍ. ກຸ່ມດັ່ງກ່າວເວົ້າຕື່ມວ່າ ມີປະມານ 40 ຄົນໄດ້ເສຍຊີວິດໄປແລ້ວໃນ
ການໂຈມຕີຂ້າມຊາຍແດນຫຼາຍໆຄັ້ງ ນັບແຕ່ ເດືອນກໍລະກົດປີກາຍນີ້ເປັນຕົ້ນມາ.
ທ່ານ Gbagbo ໄດ້ຖືກຈັບ ໃນເດືອນເມສາຜ່ານມາ ແລະໄດ້ຖືກສົ່ງໄປຄຸມຂັງ ທີ່ນະຄອນ
Hague ປະເທດເນເທີແລນນັບແຕ່ເດືອນພະຈິກເປັນຕົ້ນມາ ໃນຂໍ້ຫາກໍ່ອາຊະຍາກຳຕ້ານ
ມະນຸດຊາດຂະນະທີ່ທຳການສູ້ລົບເພື່ອຂັດຂວາງບໍ່ໃຫ້ຜູ້ຊະນະການເລືອກຕັ້ ຄືປະທານາ
ທິບໍດີ Ivory Coast ຄົນປັດຈຸບັນ ທ່ານ Alassane Ouattara ເຂົ້າກຳຕຳແໜ່ງ.