ບັນດາເຈົ້າໜ້າທີ່ ອີຕາລີ ໄດ້ເຂົ້າຄວບຄຸມເຮືອຂົນເຄື່ອງລຳໜຶ່ງ
ທີ່ບັນທຸກພວກອົບພະຍົບຫຼາຍຮ້ອຍຄົນ ຊຶ່ງພວກລູກເຮືອໄດ້ປະ
ຖິ້ມໜີໄປ ຢູ່ນອກແຄມຝັ່ງຂອງອີຕາລີ.
ນີ້ແມ່ນເທື່ອທີສອງ ໃນອາທິດນີ້ ທີ່ໜ່ວຍຍາມຝັ່ງອີຕາລີ ໄດ້ຊ່ວຍ
ກູ້ໄພເຮືອປະເພດນີ້.
ພວກເຈົ້າໜ້າທີ່ ຈາກໜ່ວຍຍາມຝັ່ງອີຕາລີ ໄດ້ຖືກຢ່ອນລົງໄປ
ໃສ່ເຮືອ Ezadeen ຈາກເຮືອບິນເຮຣີຄອບເຕີ້.
ເຮືອລຳນີ້ ທີ່ຕິດທຸງຂອງປະເທດ ຊີແອຣາ ເລອອນ ແມ່ນບໍ່ມີ
ລູກເຮືອຢູ່ເທິງເຮືອເລີຍ ແລະ ໄດ້ສູນເສຍການຄວບຄຸມ ໃນທະເລທີ່ປັ່ນປ່ວນ ຢູ່ນອກ
ແຄມຝັ່ງທາງທິດຕາເວັນອອກສຽງໃຕ້ ຂອງອີຕາລີ. ເຈົ້າໜ້າທີ່ໄດ້ປະມານວ່າ ມີປະມານ
450 ຄົນຢູ່ໃນເຮືອດັ່ງກ່າວ ຮວມທັງພວກ ແມ່ຍິງ ແລະເດັກນ້ອຍ. ສ່ວນໃຫຍ່ແລ້ວຄິດວ່າ
ເປັນຊາວຊີເຣຍ.
ກ່ອນໜ້ານີ້ ຜູ້ໂດຍສານຄົນໜຶ່ງສາມາດນຳໃຊ້ວິທະຍຸຂອງເຮືອດັ່ງກ່າວ ແລະ ໄດ້ແຈ້ງໃຫ້
ເຈົ້າໜ້າທີ່ຊາບວ່າ ພວກລູກເຮືອໄດ້ໜີອອກຈາກເຮືອໄປແລ້ວ.
ໃນວັນພຸດຜ່ານມາ ທະຫານເຮືອອີຕາລີ ໄດ້ສະກັດກັ້ນ ເຮືອລຳໜຶ່ງ ທີ່ ບັນທຸກອົບພະຍົບ
700 ກວ່າຄົນ ທີ່ລ່ອງລອຍຢູ່ກາງທະເລ ໂດຍລະບົບຄວບຄຸມເຮືອອັດຕະໂນມັດ ໃຫ້ໄປ
ຕຳໂງ່ນຫີນ ຢູ່ທາງຝັ່ງທະເລກ້ຳ ຕາເວັນອອກສຽງໃຕ້ຂອງອີຕາລີ. ເຮືອລຳນີ້ ໄດ້ຖືກປະຖິ້ມ ໂດຍພວກລັກລອບເອົາຄົນຂ້າມຟາກເຊັ່ນກັນ.
ເຮືອບັນທຸກ ທີ່ຊື່ວ່າ Blue Sky ຊຶ່ງໄດ້ຈົດທະບຽນເປັນຂອງປະເທດ Moldova ນັ້ນ ແມ່ນ ຢູ່ໃນລັດສະໝີ 8 ກິໂລແມັດ ທີ່ຈະເກີດໄພພິບັດ ກ່ອນໜ້າທະຫານເຮືອ 6 ຄົນ ໄດ້ຖືກຢ່ອນລົງໄປໃນເຮືອ ໂດຍເຮລິຄອບເຕີ້ ແລະໄດ້ເຂົ້າໄປຄວບຄຸມເຮືອດັ່ງກ່າວຢ່າງສຳເລັດຜົນ. ເຮືອ ລຳນີ້ໄດ້ຖືກນຳໄປຈອດຢູ່ເມືອງທ່່າ Gallipoli ທາງທິດໃຕ້ຂອງອີຕາລີ ຢ່າງປອດໄພແລ້ວ.
ພວກຄົນທີ່ຢູ່ໃນເຮືອ Blue Sky ນັ້ນ ສ່ວນໃຫຍ່ແລ້ວແມ່ນອົບພະຍົບ ຊາວຊີເຣຍ ແລະ
ຊາວເຄີດ.