ລິ້ງ ສຳຫລັບເຂົ້າຫາ

ວັນສຸກ, ໒໙ ມີນາ ໒໐໒໔

ບັນດາບໍລິສັດພາກັນ ລະມັດລະວັງ ກ່ຽວກັບໂຄງການອອກ ວີຊາ H1B ໃຫ້ແກ່ ພະນັກງານຂໍ້ມູນ ຫລື IT


IT Workers, Companies Cautious on H1B Visa Program Review
please wait

No media source currently available

0:00 0:03:05 0:00

ບັນດາບໍລິສັດຕ່າງໆພາກັນ ລະມັດລະວັງ ກ່ຽວກັບ ການທົບທວນ ໂຄງການ ອອກ ວີຊາ H1B ໃຫ້ແກ່ ພະນັກງານຂໍ່່ມູນ ຫລື IT.

ລະຫວ່າງ​ການ​ຢ້ຽມ​ຢາ​ມ ລັດ Wisconsin ​ເມື່ອມໍ່ໆ​ມາ​ນີ້ ປະທານາທິບໍດີ ດໍ​ໂນ​ລ ທຣໍາ
ໄດ້​ປະກາດ​ວ່າ ທ່ານ​ໄດ້​ເຊັນ​ດຳລັດ​ທົບ​ທວນ​ໂຄງການ​ຂໍວີ​ຊາ ທີ່​ນຳໄດ້​ອຳນວຍ​ໃຫ້
ບັນດາ​ຄົນງານ​ດ້ານ​ເທັກ​ນິກ ຈຳນວນ​ຫຼວງຫລາຍເຂົ້າ​ມາ​ໃນ ສະ​ຫະລັດ ທີ່​ຮູ້ກັນໃນ​ຊື່
ວີ​ຊາ H1B. ພວກ​ຄົນງານປະມານ 85,000 ຄົນ​ໄດ້ ​ເຂົ້າ​ມາສະ​ຫະລັດ​ໃນ​ແຕ່ລະ​ປີ
ໂດຍ​ການໃຊ້​ວີ​ຊາ H1B. ດັ່ງ​ທີ່​ນັກ​ຂ່າວວີ​ໂອ​ເອ Kane Farabaugh ລາຍ​ງານມານັ້ນ
ມີຫລາຍ​ບໍລິສັດ ​ແລະ​ພະນັກງານ ຜູ້​ທີ່​ກາງ​ຕໍ່​ໂຄງການ​ນີ້ ຫວັງ​ວ່າ ກາ​ນທົບ​ທວນ​ຈະ​
ເຮັດ​ໃຫ້ມີ​ການ​ອອກວີ​ຊາເພີ້​ມຂຶ້ນ ​ໃນ​ແຕ່ລະ​ປີ ​ແລະຍັງ​ຈະ​ຊຸກ​ຍູ້​ໃຫ້​ຊາວ​ອາ​ເມຣິກັນ
ຊອກ​ຫາ​ທາງ​ໃຫ້​ໄດ້​ຮັບການ​ເຝິກ​ອົບຮົມຫລາຍ​ຂຶ້ນ ໃນວຽກການທີ່​ບັນດາ​ນາຍ​ຈ້າງ​
ຕ້ອງ​ໄດ້​ຈ້າງ​ຜູ້​ຄົນ​ເຂົ້າມາເຮັດ​ວຽກຊຶ່ງ ກິ່ງ​ສະຫວັນ ມີ​ລາຍ​ລະອຽດ ​ມາສະ​ເໜີ​ທ່ານ​ໃນ​
ອັນ​ດັບຕໍ່​ໄປ.

ລິງໂດຍກົງ

ທ່ານ Pete Tapaskar ເກີດຢູ່ປະເທດອິນເດຍ ຢູ່ໃນເຮືອນທີ່ບໍ່ມີນໍ້າກ໊ອກ ຫລື
ໄຟຟ້າໃຊ້. ມາດຽວນີ້ ທ່ານເຮັດວຽກຢູ່ສະຫະລັດ ​ໃນຂະ​ແໜງເທັກໂນໂລຈີດ້ານ​ໃຫ້ຂໍ້
ມູນ ຫລື IT. ການເດີນທາງຂອງທ່ານຈາກອິນເດຍ ສູ່ສະຫະລັດ ຜ່ານການາດາ ຍ້ອນ
​ໄດ້​ຮັບການອຸປະຖໍາຂອງວີຊາສໍາລັບຄົນເຂົ້າເມືອງ ປະ​ເພດ​ H1B.

ທ່ານ Pete Tapaskar ປະທານສະມາຄົມຂອງ​ບັນດານາຍ​ຈ້າງອາ​ເມຣິກັນດ້ານ IT ຂະໜາດນ້ອຍ ​ແລະ​ກາງກ່າວວ່າ “ວີຊາ H1B ໄດ້ປະ​ກອບສ່ວນ​ຢ່າງຫລວງຫລາຍ​
ເຂົ້າ​ໃນ​ດ້ານປະດິດ ​ຄິດ​ສ້າງສິ່ງ​ໃໝ່ໆ ​ແກ່​ປະ​ເທດອາເມຣິກາ.”

ບັດນີ້​ ໃນ​ເມື່ອໄດ້​ກາຍ​ເປັນພົນລະ​ເມືອງສັນຊາດອາເມຣິກັນຄົນນຶ່ງ, ທ່ານ Tapaskar ໄດ້ໃຊ້ເວລາສິບຫ້າປີເຮັດວຽກໃຫ້ແກ່ ບໍລິສັດ IT ບໍລິສັດ ProSoftໃນນາມຜູ້ຈັດການ
ຢູ່ໃນໂຄງການ​ດ້ານຄົນເຂົ້າເມືອງຂອງເຂົາເຈົ້າ. ພະນັກງານສ່ວນໃຫຍ່ທີ່ທ່ານ
Tapaskar ຈ້າງນັ້ນ ​ແມ່ນມາຈາກອິນເດຍ ແຕ່ທ່ານກໍກ່າວວ່າ ການຈ້າງບັນດາຄົນ
ເຫລົ່ານີ້ ກໍບໍ່​ແມ່ນ​ວ່າ​ຈະ​ເປັນ​ການ​ດີ​ທີ່​ສຸດ ສະເໝີໄປ.

ທ່ານ Tapaskar ກ່າວວ່າ “ມັນຈະຖືກກ່ອນສໍາລັບພວກເຮົາ ຖ້າ​ເຮົາຈ້າງຊາວອາເມ
ຣິກັນ ຊຶ່ງເຂົາເຈົ້າມີພ້​ອມໄວ້ຢູ່ໜີ້​ແລ້ວ ເພາະວ່າການເອົາຄົນມາ​ຈາກ​ຕ່າງປະ​ເທດ ພວກເຮົາຕ້ອງ​ໄດ້ຜ່ານຂັ້ນຕອນດຳເນີນການ​ຂໍ ວີຊາ H1B ທີ່ໃຊ້ເວລາດົນ ແລ້ວກໍ
​ຍັງ​ໄດ້ລໍຖ້າ​ເປັນເວລານານກວ່ານັ້ນອີກ ແລະ​ເມື່ອ​ຮອດເວລາ​ເຂົາ​ເຈົ້າ​ໄດ້​ມາ​ຮອດ​
ແລ້ວ ຄວາມຮຽກຮ້ອງຕ້ອງການກໍໄດ້ປ່ຽນແປງໄປ.”

ແຕ່ທ່ານ Tapaskar ກໍກ່າວວ່າ ບໍ່ມີຄົນອາເມຣິກັນທີ່ມີປະສົບການຫລາຍພໍທີ່ຈະມາ
ຮັບທີ່​ເຫລົ່າ​ນີ້​ໄດ້.

ທ່ານ Richard Burke ຫົວໜ້າບໍລິຫານຂອງ​ບໍລິສັດ Envoy Global ກ່າວວ່າ “ກະຊວງແຮງງານສະຫະລັດ ​ເວົ້າວ່າ ພຽງ​ແຕ່​ຢູ່​ໃນຝ່າຍ​ສ້າງ​ໂປຣ​ແກມ ຫລື
solfware ເທົ່າ​ນັ້ນ ກໍ​ຂາດ​ຄົນ​ມາ​ເຮັດ​ວຽກຢູ່​ແລ້ວ​ 1 ລ້ານ 4 ແສນຄົນ. ຈະ​ມີຕໍາ​ແໜ່ງງານວ່າງໃນ​ຂະ​ແໜງ​ສ້າງ solfware ຢູ່ 1 ລ້ານ 4 ​ແສນຕໍາ​ ແໜ່ງ​ໃນປີ 2020. ເພາະສະນັ້ນ ຄວາມ​ຂາດ​ເຂີນ​ດ້ານຄວາມຊຳນິຊຳນານນັ້ນ​ແມ່ນ​ມີ​ຈິງ​ແທ້.

ທ່ານ Richard Burke ຫົວໜ້າບໍລິຫານ ບໍລິສັດ Envoy Global ທີ່ຂາຍ ໂປຣ​ແກມ
ຫລື solfware ​ແລະ​ໃຫ້ບໍລິການດ້ານກົດໝາຍແກ່ບໍລິສັດສະຫະລັດ ທີ່ຊອກຫາຈ້າງ
ພະນັກງານມາ​ຈາກຕ່າງປະເທດ ​ໃຫ້ແກ່ບໍລິສັດສະຫະລັດ ແລະຊ່ວຍກະກຽມສົ່ງພະ
ນັກງານຂອງ​ບໍລິສັດ​ເຫລົ່ານັ້ນ​ໄປຕ່າງປະເທດ.

ທ່ານ Burke ກ່າວວ່າ ຄວາມ​ຂາດ​ເຂີນ​ດ້ານ​ຄວາມຊຳນິຊຳນານ​ແມ່ນມີແທ້ ເພາະວ່າ
ຈໍານວນ​ຄົນອາເມຣິກັນທີ່​ໄດ້ຮັບການສຶກສາ ຫລືຝຶກອົບຮົມເພື່ອ​ເຮັດວຽກງານທີ່ມີ​ຄວາມຕ້ອງການສູງ ໃນດ້ານວິທະຍາສາດ ເທັກໂນໂລຈີ ວິຊະວະກໍາ ແລະຄະນິດ
ສາດ ທີ່​ເອີ້ນກັນວ່າ ຂະແໜງ STEM ນັ້ນ​ແມ່ນບໍ່ພຽງພໍ. ແລະບັນດານັກຮຽນຕ່າງ
ປະເທດ ທີ່ໄດ້ຮັບການສຶກສາຢູ່ໃນສະຫະລັດ ບໍ່​ໄດ້ພາກັນຢູ່ຕໍ່​ທີ່ນີ້ເພື່ອເຮັດວຽກ
ດັ່ງກ່າວ.

ທ່ານ Burke ກ່າວ​ເພີ້ມ​ເຕີ​ມວ່າ “ແຕ່ລະປີ ໄດ້​ມີ​ນັກ​ສຶກສາຕ່າງປະເທດຫລາຍ​ກວ່າ
300,000 ຄົນ ທີ່​ໄດ້​ຮັບປະລິນຍາ ດ້ານ STEM ຈາກມະຫາວິທະຍາ ໄລອາເມຣິ
ກັນ​ຕ່າງໆ. ພວກເຮົາບໍ່ໄດ້ໃຫ້ໂອກາດແກ່ເຂົາເຈົ້າ​ເພື່ອ​ຈະ​ສືບຕໍ່​ເຮັດ​ວຽກຢູ່ທີ່ນີ້​ໄດ້. ເພາະສະນັ້ນ ຂ້າພະ​ເຈົ້າບໍ່​ເຫັນ​ວ່າ ນະໂຍບາຍນີ້ມີຄວາມສະຫລາດ​ແນວ​ໃດ ​ໃນ​ເມື່ອພວກເຮົາຮູ້ຢູ່ວ່າມີການ​ຂາ​ດ​ແຄນ​ດ້ານຄວາມຊຳນິຊຳນານ, ເຮົາຮູ້ຢູ່ວ່າພວກ
ຮົາໄດ້ໃຫ້ການສຶກສາ​ແກ່ ນັກ​ສຶກສາຜູ້ທີ່ດີສຸດ ແລະສະຫລຽວສະຫລາດສຸດ
300,000 ຄົນ ​ໃຫ້​ເຊົາ​ເຈົ້າຮຽນຈົບ​ແລ້ວ ກໍສົ່ງເຂົາເຈົ້າກັບ​ໄປບ້ານ ເພື່ອມາ
ແຂ່ງ
ຂັນກັບພວກເຮົາ.”


ທ່ານ Burke​ ໃຫ້ຄໍາ​ເຫັນ​ອີກ​ວ່າ ທ່ານຫວັງວ່າດຳລັດຂອງປະທານາທິບໍດີທຣໍາ ທົບ
ທວນໂຄງການວີຊາ H1B ທີ່ຈະ​ເຮັດ​ໃຫ້ຈຳນວນວີຊາປະ​ເພດນີ້​ໃນແຕ່ລະປ​ເພີ້ມຂຶ້ນ ກ່ອນທີ່ວຽກງານເຫລົ່ານີ້ ຈະໜີອອກຈາກສະຫະລັດ​ໄປ.

ທ່ານ Burke ກ່າວວ່າ “ວຽກງານແມ່ນເຄື່ອນຍ້າຍໄດ້. ບໍລິສັດທັງຫລາຍລົມ​ກັບພວກ
ເຮົາ ແລະເຂົາເຈົ້າກໍບອກກັນວ່າ “ຖ້າຫາກຂ້ອຍບໍ່ສາມາດເຮັດວຽກໃຫ້ສຳຢູ່ທີ່ນີ້​ໄດ້
ຂ້ອຍ​ກໍມີ​ແຕ່ຈະ​ເອົາວຽກຍ້າຍ​ໄປ​ເຮັດ​ຢູ່ຕ່າງປະເທດ ​ເທົ່າ​ນັ້ນ​ແຫລະ.”

ມັນ​ກໍ​ໄດ້ເກີດຂຶ້ນກັບທ່ານ Pete Kapaskar ​ແລ້ວ. ບໍລິສັດຂອງທ່ານໄດ້ຖືກຂາຍໃຫ້
ແກ່ບໍລິສັດອື່ນ ທີ່ທ່ານ Tapaskar ​ເວົ້າວ່າ ​ໄດ້​ເອົາໜ້າວຽກສະເພາະ ​ໃດ​ນຶ່ງ​ຂອງ​ທ່ານ
​ໄປ​ໃຫ້​ຄົນຢູ່​ໃນອິນເດຍ​ເຮັດ.

ທ່ານສະໜັບສະໜູນດຳລັດປະທານາທິບໍດີທຣໍາ ທີ່ຈະປະຕິຮູບໂຄງການວີຊາ H1B
ດ້ວຍ​ຄວາມ​ຫວັງວ່າ ມັນຈະນຳໄປສູ່ການທັບມ້າງການໃຊ້ວີ​ຊາ ​ໂດຍບໍ່ຖືກຕ້ອງ. ທ່ານ
Tapaskar ກໍ​ຄິດ​ຄື​ກັນ​ກັບ​ຫລາຍຄົນທີ່ເປັນຫ່ວງວ່າ ຈໍານວນວີຊາປະ​ເພດ​ນີ້ ​ແມ່ນໃຫ້
ແຕ່ບໍລິສັດໃຫຍ່ໆ ທີ່ໃຫ້ເງິນເດືອນຫລາຍສຸດ ຊຶ່ງ​ເຮັດ​ໃຫ້ບັນດາບໍລິສັດທີ່ນ້ອຍກວ່າ ທີ່ທ່ານເຮັດວຽກນຳນັ້ນ ຍາກ​ທີ່​ຈະ​ບໍ່ມີ​ໂອກາດ​ໄດ້ຮັບ.

ທ່ານ Pete ກ່າວຢໍ້າວ່າ “ມັນຄວນຈະເຮັດໃຫ້ມີໄວ້ແກ່ທຸກຂະ​ແໜງ​ການ. ​ມັນ​ຄວນ​ຈະ
ເຊື່ອມໂຍງ​ໃສ່ກັບໂຄງການຝຶກ​ອົບຮົມ. ອາເມຣິກາຂາດເຂີນໂຄງຮ່າງການຝຶກ​ອົບຮົມ
​ແທໆ ໃນປັດຈຸບັນນີ້.”

ປີນີ້ ບັນດາເຈົ້າໜ້າທີ່ຄົນເຂົ້າເມືອງສະຫະລັດ ໄດ້ລາຍງານວ່າ ມີ​ຄໍາຂໍຮ້ອງຮັບປະກັນ
ເກືອບ 200,000 ສະບັບ ​ເພື່ອ​ຂໍ​ເອົາວີຊາ H1B ທີ່​ມີໄວ້ໃຫ້​ແຕ່ 85,000 ຄົນ​ເທົ່າ​ນັ້ນ ​
ຢູ່ໃນ​ຊ່ວງການຈົກສະຫລາກ ທີ່ສິ້ນສຸດລົງໃນເດືອນເມສາ ຜ່ານ​ມານີ້.

ອ່ານຂ່າວນີ້ເພີ້ມເປັນພາສາອັງກິດ

XS
SM
MD
LG