ລິ້ງ ສຳຫລັບເຂົ້າຫາ

ຊີວະປະຫວັດຫຍໍ້ ຂອງທ່ານ Ariel Sharon ມື້ລາງຜູ້ນໍາອິສຣາແອລ (ວີດີໂອ/ສະໄລດ໌)


ອະດີດນາຍົກລັດຖະມົນຕີອິສຣາ​ແອ​ລ ທ່ານ
Ariel Sharon ​ໄດ້​ເຖິງ​ແກ່​ອະສັນ​ຍະ​ກໍາ​ໄປ​ແລ້ວ ຫລັງຈາກ
ໄດ້ຕົກ​ຢູ່​ໃນ​ສະພາບ​ເປັນ​ໂຄ​ມ່າ ບໍ່​ຮູ້ສຶກ​ໂຕ ນັບ​ຕັ້ງ​ແຕ່​ເປັນ​ລົມ​
ສາລະ​ບາດ​ຕິດຕໍ່​ກັນຫລາຍ​ຄັ້ງ ໃນ​ປີ 2006. ຜູ້​ສື່​ຂ່າວ​ວີ​ໂອ​ເອ
Scott Bobb ມີ​ລາຍ​ງານ​ກ່ຽວ​ກັບຊີວະ​ປະ​ຫວັດ​ຫຍໍ້ ຂອງ​ມື້​ລາງ​
ຜູ້​ນໍາ​ອິສຣາ​ແອ​ລທ່ານ​ນີ້ ທີ່​ໄດ້​ປະ​ມູນ​ເຊື້ອ​ມໍລະດົກ ທັງທີ່ດີ​ແລະ
​ບໍ່​ດີ​ປະ​ປົນກັນໄວ້​ເບື້ອງ​ຫລັງ ດັ່ງ​ດາຣາຈະ​ນໍາ​ມາສະ​ເໜີ​ທ່ານ​.


ອະດີດນາຍົກລົດຖະມົນຕີ Ariel Sharon ໄດ້ເຖິງແກ່ອະສັນ
ຍະກໍາໄປ ເມື່ອວັນເສົາທີ່ ຜ່ານມາ ລວມອາຍຸໄດ້ 85 ປີ ຫລັງ
ຈາກໄດ້ ນອນ​ຢູ່​ໃນ​ສະພາບ​ບໍ່​ຮູ້ສຶກ​ໂຕ ມາເປັນເວລາ 7-8 ປີ.

ທ່ານ Shlomo Noy ຜູ້ອໍານວຍການຄົນ​ນຶ່ງ​ຂອງ ສູນກາງການແພດ Chaim Sheba Medical Center ເປັນຜູ້ປະກາດຂ່າວການເສຍຊີວິດ ຂອງອະດີດຜູ້ນໍາທະຫານແລະ ການເມືອງອິສຣາແອລ ທີ່ໄດ້ ຮັບໃຊ້ປະເທດຊາດ ມາເປັນເວລາດົນນານ.

"ສູນກາງການແພດ Chaim Sheba Medical Center ທີ່ Tel Hashomer
ຂໍປະກາດ ດ້ວຍຄວາມເສົ້າເສຍໃຈວ່າ ອະດີດນາຍົກລັດຖະມົນຕີອິສຣາແອລ
ທ່ານ Ariel Sharon ໄດ້ເສຍຊີວິດໄປແລ້ວ. ພວກເຮົາໄດ້ລົງຄວາມເຫັນວ່າ ທ່ານໄດ້ສິ້ນໃຈໄປ ເມື່ອນຶ່ງຊົ່ວໂມງຜ່ານມານີ້ເອງ. ທ່ານ Sharon ໄດ້ຮັບການ
ຮັກສາພະຍາບານມາ ເປັນເວລາດົນກ່ວາ 7 ປີ ຢູ່ທີ່ໂຮງໝໍຟື້ນຟູຂອງສູນກາງ
ການແພດນີ້. ມື້ນີ້ ທ່ານໄດ້ຈາກໄປດ້ວຍຄວາມສະຫງົບ ໂດຍມີພັນລະຍາແລະ
ຄອບຄົວຂອງທ່ານ ຢູ່ຄຽງຂ້າງທ່ານ."


ທ່ານ Sharon ໄດ້ຕົກຢູ່ໃນສະພາບ coma ບໍ່ຮູ້ສຶກໂຕຫຍັງເລີຍ ຫລັງຈາກເປັນລົມສາ
ລະບາດ ຫລື stroke ເມື່ອ 8 ປີກ່ອນ. ອາການຂອງທ່ານເລີ້ມຊຸດໂຊມລົງ ເມື່ອຫລາຍ
ອາທິດຜ່ານມາ ເຖິງແມ່ນພວກນາຍແພດຈະກ່າວວ່າ ທ່ານໄດ້ພະຍາຍາມຕໍ່ສູ້ຄືນ ຢ່າງ
ກ້າຫານ ກໍຕາມ.

ບັນດາລັດຖະມົນຕີໃນຄະນະລັດຖະບານອິສຣາແອລ ຕ່າງກໍໄດ້ອອກ ຄໍາຖະແຫລງ ສະແດງຄວາມເສົ້າສະລົດໃຈ ນໍາການເສຍຊີວິດຂອງທ່ານ ແລະສັນລະເສີນທ່ານວ່າ ເປັນຜູ້ປົກປ້ອງທີ່ຍິ່ງໃຫຍ່ຂອງລັດ ຂອງຊາວຍິວ.

ສ່ວນບັນດາຜູ້ນໍາປາແລສຕາຍ ກໍໄດ້ພາກັນກ່າວເຖິງ ການສິ້ນຊີວິດຂອງທ່ານ Sharon ໂດຍບໍ່ມີຄວາມເສຍໃຈແຕ່ປະການໃດເລີຍ ເວົ້າວ່າທ່ານເປັນຕົ້ນເຫດເຮັດໃຫ້ຫລາຍໆຄົນ
ເສຍຊີວິດ ແລະສ້າງຄວາມທຸກທໍລະມານ ໃຫ້ປະຊາຊົນຂອງເຂົາເຈົ້າຢ່າງຫລວງຫລາຍ.

ທ່ານ Sharon ເປັນຜູ້ນໍາ ທີ່ເຂ້ມແຂງແລະມີຈິດໃຈເປັນເອກກະລາດ ທີ່ໄດ້ຮັບຄວາມຊຶ່ນ
ຊົມ ແລະນິຍົມຊົມຊອບຈາກຊາວອິສຣາແອລ ຫລາຍໆຄົນແຕ່ກໍໄດ້ຮັບການຕໍາໜິຕິຕຽນ
ຈາກເພື່ອoຮ່ວມຊາດຂອງທ່ານ ອີກຫລາຍໆຄົນ ເຊັ່ນກັນ ຂະນະທີ່ຊາວປາແລສຕາຍ
ພາກັນ ດູຖູກຢຽດຢາມ ແລະ ກຽດຊັງທ່ານ.

ທ່ານໄດ້​ດໍາລົງ​ຕໍາແໜ່​ງ​ເປັນ​ນາຍົກລັດຖະມົນຕີອິສຣາ​ແອ​ລ ຕັ້ງ​ແຕ່​ປີ 2001 ຈົນ​ຮອດ​
ເວລາ​ທ່ານ​ເປັນ​ລົມ​ສາລະ​ບາດ ຫລື stroke ​ໃນ​ປີ 2006. ທ່ານ​ເປັນລັດຖະມົນຕີ​ປ້ອງ​ກັນ​
ປະ​ເທດ ​ເວລາ​ອິສຣາ​ແອ​ລ​ເຂົ້າ​ບຸກລຸກ ​ເລ​ບານອນ ປະ​ເທດ​ເພື່ອນ​ບ້ານ​ໃນ​ປີ 1982 ແລະ
​ຖືກ​ຖື​ວ່າ ມີ​ສ່ວນ​ຮັບຜິດຊອບ​ເປັນ​ບາງ​ສ່ວນ ທີ່​ບໍ່​ໄດ້​ປ້ອງ​ກັນ​ການ​ເຂັ່ນຂ້າ​ຊາວ​ປາ​ແລ​ສຕາຍ
ຫລາຍ​ຮ້ອຍ​ຄົນ ​ໂດຍພວກທະຫານບ້ານຊາວຄຣິສເລບານອນ ທີ່ເປັນພັນທະມິດກັບອິສ
ຣາແອລ ຢູ່​ສູນ​ອົບ​ພະຍົບສອງ​ແຫ່ງ​ນອກ​ນະຄອນຫລວງ​ເບຣຸຕ ຂອງ​ເລ​ບາ​ນອນ​ນັ້ນ. ການສອບສວນຂອງລັດຖະບານ ໄດ້ຍັງຜົນໃຫ້ທ່ານ Sharon ຕ້ອງລາອອກຈາກຕໍາແໜ່ງ
ລັດຖະມົນຕີ​ປ້ອງ​ກັນ​ປະ​ເທດ.


ໃນ​ຕອນ​ທີ່​ເປັນ​ລັດຖະມົນຕີ​ກະຊວງເຄ​ຫາ​ສະຖານ​ແລະ​ຕັ້ງ​ຖິ່ນ​ຖານ ​ໃນ​ຊຸມ​ປີ 1990 ນັ້ນ ທ່ານ​ໄດ້​ເປັນ​ຜູ້​ສະໜັບສະໜຸນ​ຢ່າງ​ແຮງ​ກ້າ ​ໃຫ້ຊາວ​ຍິວ​ໄປຕັ້ງ​ຖິ່ນ​ຖານ​ ຢູ່​ໃນ​ດິນ​ແດນ​ຂອງ​ປາ​ແລ​ສຕາຍ. ​ແຕ່​ວ່າ ​ໃນ​ບັ້ນ​ສຸດ​ທ້າຍ​ແລ້ວ ທ່ານ​ກໍ​ໄດ້​ສັ່ງ​ໃຫ້​ທະຫານ​ອິສຣາ​ແອ​ລ
ຖອນ​ອອກ​ໄປຈາກ​ເຂດ​ກາຊາ ແຕ່ຝ່າຍດຽວ ​ແລະ​ໃຫ້ທັບ​ມ້າງ​ທໍາລາຍບ່ອນ​ຕັ້ງ​ຖິ່ນ​ຖານ​ຂອງ​ຊາວ​ຍິວ ຢູ່​ທີ່​ນັ້ນ​ຖີ້ມໝົດ ​ໃນ​ປີ 2005.

ນັກວິ ​ເຄາະ​ຄົນ​ນຶ່ງ​ກັບ​ກຸ່ມ​ນິຍົມ​ອິສຣາ​ແອ​ລ ທີ່​ຊື່ວ່າ The Israeli Project ທ່ານ Omri Ceren ມີ​ຄວາມ​ເຫັນ​ວ່າ ​ແມ່ນ​ແຕ່​ສັດຕູ​ຂອງ​ທ່ານ Sharon ​ເອງ ກໍ​ຍັງອົດ​ບໍ່​ໄດ້​ທີ່​ຈະບໍ່ຮູ້
ສຶກນິຍົມ​ຊົມ​ຊອບ ໃນ​ຄວາມ​ສາມາດ​ດ້ານ​ການ​ທະຫານ​ຂອງ​ທ່ານ ​ແຕ່​ວ່າທ່ານ Sharon ​
ເປັນ​ບຸກຄົນ​ທີ່ມັກ​ສ້າງ​ຄວາມ​ຂັດ​ແຍ້​ງ.

ທ່ານ Ceren ​ເວົ້າ​ວ່າ “ທ່ານ Sharon ​ໄດ້​ຖືກ​ຮັບ​ຮູ້​ໃນ​ຫລາຍໆ​ທາງວ່າ ບຸກຄົນ​
ທີ່​ອາດ​ສາມາດ​ເຮັດ​ໃຫ້​ມີ​ການ​ຕົກລົງ​ສັນຕິພາບ​ກັນ​ໄດ້. ​ແນ່ນອນ​ວ່າ ​ແນວ​ຄິດ​
ອັນ​ນີ້​ບໍ່​ມີ​ຢູ່​ໃນ​ຈິດ​ໃຈ​ຂອງ​ຊາວ​ອາຣັບທົ່ວ​ ໄປ ​ແຕ່​ອະດີດ​ລັດຖະມົນຕີ​ຕ່າງປະ​
ເທດ​ສະຫະລັດ ທ່ານ​ນາງ Condoleeza Rice ​ເຄີຍ​ໄດ້​ກ່າວ​ວ່າ ຖ້າ​ຫາກ​ທ່ານ
Sharon ບໍ່​ໄດ້​ເປັນ​ລົມ​ສາລະ​ບາດ ທີ່​ເຮັດ​ໃຫ້​ທ່ານ​ຕ້ອງ​ຕົກ​ຢູ່​ໃນ​ສະພາບ​ເປັນ​
ໂ​ຄມ່ານັ້ນ​ແລ້ວ ທ່ານ​ນາງ​ເຊື່ອ​ວ່າ ອິສຣາ​ແອ​ລກັບປາ​ແລ​ສຕາຍ​ກໍ​ອາດ​ຈະ​ໄດ້
​ບັນລຸ​ຂໍ້​ຕົກລົງ​ສັນຕິ​ພາບກັນ​ແລ້ວ​ກໍ​ໄດ້. ສະ​ນັ້ນ ມັນ​ກໍ​ຂຶ້ນ​ຢູ່​ກັບ​ວ່າ ທ່ານ​ເບິ່ງ​
ຈາກ​ມຸມ​ມອງ​ໃດ.”


​ແຕ່​ຝ່າຍ​ປາ​ແລ​ສຕາຍ​ຄັດຄ້ານ ທ່າ​ອ່ຽງ​ໃນ​ການ​ມັກ​ໃຊ້​ກໍາລັງ​ຂອງທ່ານ Sharon.

ທ່ານ Sharon ​ເກີດ​ເມື່ອ​ປີ 1928 ​ໃນ​ປະຊາ​ຄົມ​ຊາວ​ໄຮ່​ຊາວ​ສວນ ​ໃກ້​ນະຄອນຫລວງ Tel Aviv. ທ່ານ​ໄດ້​ເຂົ້າ​ຮ່ວມ​ກັບ​ໜ່ວຍ​ໃຕ້​ດິນ​ຂອງຊາວ​ຍິວ ໃນຊຸມ​ປີ 1940 ຕອນ​ທີ່​ດິນ​ແດນ​ອິສຣາ​ແອ​ລຍັງ​ຢູ່​ ໃຕ້​ການ​ດູ​ແລ​ຂອງ​ອັງກິດ. ຕໍ່​ມາ ​ຫລັງ​ຈາກ​ທີ່​ມີ​ການ​ສ້າງ​ຕັ້ງ​ລັດ​ອິສຣາ​ແອ​ລຂຶ້ນ​ແລ້ວ ທ່ານ​ກໍ​ໄດ້​ຮ່ວມ​ຕໍ່ສູ້​ໃນ​ສົງຄາມ 4 ບັ້ນ ​ລະຫວ່າງອິສຣາ​ແອ​ລກັບ ຝ່າຍ​ອາຣັບ ຈາກ​ປີ 1948 ຫາ 1973.

ໃນປີ 2000 ທ່ານ Sharon ໄດ້ໄປຢ້ຽມຢາມສະຖານ​ທີ່​ສັກສິດ​ທາງ​ສາສະໜາ ທີ່​ເອີ້ນ​ວ່າ Temple Mount ຫລື Haram al-Sharif ອັນ​ເປັນ​ທີ່​ສັກກາລະ​ບູຊາ​ຂອງ​ທັງ​ຊາວ​ມຸສລິ​ມ
​ແລະຊາວ​ຍິວໃນນະຄອນ Jerusalem ນັ້ນ ຊຶ່ງໄດ້ສ້າງຄວາມໂກດແຄ້ນໃນໝູ່ຊາວມຸສລິ​ມ
ກໍ​ຄື​ຊາວປາແລສຕາຍ ແລະໄດ້ກະຕຸ້ນໃຫ້ເກີດການລຸກຮືຂຶ້ນ ທີ່ເອິ້ນວ່າ Intifada ເປັນຄັ້ງ
ທີສອງ. ​ແລະ​ນັ້ນ​ໄດ້​ນໍາ​ໄປ​ສູ່​ການ​ກໍ່​ການ​ຮ້າຍ​ໂຈມ​ຕີພົນລະເຮືອນຊາວຍິວ​ ​ແລະ​ການໂຈມ​ຕີ​
ແກ້​ແຄ້ນ​ຄືນຢ່າງ​ໂຫດຮ້າຍ ​ໂດ​ຍກໍາ​ລັງ​ຮັກສາ​ຄວາມ​ປອດ​ໄພ​ຂອງ​ອິສຣາ​ແອ​ລ ຊຶ່ງ​ໂຮມ​ທັງ​
ການ​ປະຕິບັດ​ງານ​ທາງ​ທະຫານ ຢູ່​ໃນ​ເຂດ​ກາຊາ ທີ່​ໄດ້​ສົ່ງ​ຜົນ​ໃຫ້​ຊາວ​ປາ​ແລ​ສຕາຍ ​ເສ​ຍ
ຊີວິດ​ໄປຫລາຍ​ກ່ວາ 1 ພັນ​ຄົນ ​ແລະ​ຊາວອິສຣາ​ແອ​ລ 13 ຄົນ.

ທ່ານ Sharon ​ໄດ້​ເປັນ​ສະມາຊິກ​ຂອງ​ພັກ Likud ຫົວ​ນິຍົມ​ແນວ​ທາງ​ເດີມ​ ມາ​ເປັນ​ເວລາ​
ດົນ​ນານ ​ແຕ່​ທ່ານ​ໄດ້​ແຍກ​ອອກ​ໄປ​ໃນ​ປີ 2005 ແລະ​ໄດ້​ຕັ້ງ​ພັກ Kadima ທີ່​ນິຍົມ​ສາຍ​ກາງ
​ຂຶ້ນມາ ​ເພື່ອກຽມ​ລົງແຂ່ງຂັນໃນການເລື​ອກຕັ້ງຄັ້ງ​ເດືອນ​ມີນາ ​ປີ 2006 ​ແຕ່​ທ່ານ​ມາ​ເປັນ​ລົມສາລະ​ບາດຂັ້ນ​ຮ້າຍ​ແຮງ​ເສຍ​ກ່ອນ ​ໃນ​ເດືອນ​ມັງ​ກອນ ​ເຖິງ​ຂັ້ນທີ່​ນາຍ​ແພດ​ຕ້ອງ​ໄດ້​ສັກ​ຢາ​ໃຫ້​ທ່ານ​ຢູ່​ໃນ​ສະພາບ​ໂຄ​ມ່າ ​ແລະ​ທ່ານ​ກໍ​ບໍ່​ເຄີຍ​ຟື້ນ​ຄືນ​ມາ​ຮູ້ສຶກ​ໂຕ ຢ່າງ​ເຕັມທີ່​ອີກ​ເລີຍ.

Some Twitter Comments on Sharon, From Rage to Praise:

XS
SM
MD
LG