ລິ້ງ ສຳຫລັບເຂົ້າຫາ

ທະຫານອິສຣາແອລ ເຂົ້າຮ່ວມກັບຕຳຫຼວດ ປະຕິບັດງານ ເພື່ອຢຸດຢັ້ງ ການໂຈມຕີ


ທະຫານອິສຣາແອລ ສອງຄົນ ຢຸດພັກຫາຍໃຈ ຊົ່ວຄາວ ໃນລະຫວ່າງ ປະທະກັນ ກັບ ພວກປາແລັສໄຕນ໌ ໃນເມືອງ Hebron ຢູ່ທີ່ເຂດຝັ່ງ​ຕາ​ເວັນ​ຕົກ​ ຂອງ​ແມ່ນ້ຳຈໍ​ແດັນ ຫຼື West Bank. ເມື່ອວັນອັງຄານ ທີ 13 ຕຸລາ 2015.

ທະຫານອິສຣາແອລ ສອງຄົນ ຢຸດພັກຫາຍໃຈ ຊົ່ວຄາວ ໃນລະຫວ່າງ ປະທະກັນ ກັບ ພວກປາແລັສໄຕນ໌ ໃນເມືອງ Hebron ຢູ່ທີ່ເຂດຝັ່ງ​ຕາ​ເວັນ​ຕົກ​ ຂອງ​ແມ່ນ້ຳຈໍ​ແດັນ ຫຼື West Bank. ເມື່ອວັນອັງຄານ ທີ 13 ຕຸລາ 2015.

ທະຫານ​ອິສະຣາ​ແອ​ລ ຫຼາຍຮ້ອຍ​ຄົນ ​ໄດ້​ເຂົ້າຮ່ວມ​ເຈົ້າໜ້າ​ທີ່​
ຕຳຫຼວດ ປະຈຳການ​ຢູ່​ສະຖານ​ທີ່​ຕ່າງໆ ໃນທົ່ວ​ປະ​ເທດ ​ໃນ​
ວັນ​ພຸດ​ມື້​ນີ້ ​ຂະນະ​ທີ່​ບັນດາ​ເຈົ້າໜ້າ​ທີ່ ພະຍາຍາມ ຍຸດຕິຄື້ນ
ຟອງ​ການ​ໂຈມ​ຕີ​ ດ້ວຍ​ການ​ໃຊ້ມີດແທງ ​ແລະ ຍິງ ຂອງ​ຊາວ
​ປາ​ແລັສ​ໄຕ​ນ໌.

ຄະນະ​ລັດຖະບານ ຂອງນາຍົກລັດຖະມົນຕີ Benjamin
Netanyahu ໄດ້​ປະກາດ​ເມື່ອຕອນ​ເຊົ້າຂອງ​ມື້​ນີ້ ວ່າ ຕົນ​ໄດ້
​ອະນຸຍາດ​ໃຫ້​ຕຳຫຼວດ ປິດລ້ອມ “ສູນ​ກາງຂອງ​ການເກີດ
ບັນຫາ ​ແລະ ການ​ປຸກລະດົມຍຸຍົງ ໃຫ້ກໍ່ຄວາມ​ຮຸນ​ແຮງ
​ໃນ ນະຄອນ Jerusalem.”

ພວກ​ທຳ​ການ​ໂຈມ​ຕີຫຼາຍໆ​ຄົນ ​ເມື່ອ​ບໍ່​ດົນ​ມາ​ນີ້ ​ແມ່ນ​ມາ​ຈາກເຂດຂອງ ຊາວ​ອາຣັບ​ ໃນ
​ບໍລິ​ເວນ​ນະຄອນ Jerusalem ​ແລະ ​ໃນ​ຂະນະ​ດຽວ​ກັນ ຄວາມ​ຮຸນ​ແຮງ​ເຫຼົ່ານັ້ນ​ໄດ້​ເກີດ​
ຂຶ້ນຢູ່​ໃນ​ພາກ​ຕາ​ເວັນ​ອອກ​ ຂອງນະຄອນ Jerusalem ​ແລະ ​ເຂດຝັ່ງ​ຕາ​ເວັນ​ຕົກ​ ຂອງ​
ແມ່ນ້ຳຈໍ​ແດັນ ​ແລະ ການ​ໂຈມ​ຕີຍັງ​ໄດ້​ແຜ່​ລາມ​ອອກ​ໄປ ​ໃນ​ບໍລິ​ເວນ​ອື່ນໆ​ອີກ ​ຂອງ​
ອິສຣາແອ​ລ.

ຊາວອິສຣາແອລ ເຊື້ອສາຍອາຣັບ ເຂົ້າຮ່ວມ ໃນການໂຮມຊຸມນຸມ ເດີນຂະບວນ ສະໜັບສະໜູນ ປາແລັສໄຕນ໌ ຢູ່ທີ່ເມືອງ Sakhnin ທາງພາກເໜືອ ຂອງອິສຣາແອລ, ວັນທີ 13 ຕຸລາ 2015.

ຊາວອິສຣາແອລ ເຊື້ອສາຍອາຣັບ ເຂົ້າຮ່ວມ ໃນການໂຮມຊຸມນຸມ ເດີນຂະບວນ ສະໜັບສະໜູນ ປາແລັສໄຕນ໌ ຢູ່ທີ່ເມືອງ Sakhnin ທາງພາກເໜືອ ຂອງອິສຣາແອລ, ວັນທີ 13 ຕຸລາ 2015.

ຖະ​ແຫລ​ງການ​ໃນວັນ​ພຸດ​ມື້​ນີ້ ຈາກ​ສຳນັກງານ​ຂອງທ່ານ Netanyahu ກ່າວ​ວ່າ ລັດຖະບານ
ຈະ​ຍົກ​ເລີກສິດໃນການ​ເປັນ​ຜູ້​ອາ​ໄສ​ຢູ່​ໃນ​ປະ​ເທດ​ຖາວອນ ຂອງ​ພວກ​ກໍ່​ການ​ຮ້າຍ ​ແລະ ຈະ​ຢຶດ
​ເອົາ​ຊັບ​ສິນ​ຂອງ​ພວກ​ຜູ້​ທີ່​ທຳ​ການ​ໂຈມ​ຕີ.

ຄວາມ​ຮຸນ​ແຮງ ໄດ້​ເຂົ້າສູ່ຂັ້ນອັນຕະລາຍສຸດ ​ໃນ​ວັນ​ອັງຄານ​ວານ​ນີ້ ​ໂດຍ​ມີ​ຊາວ​ອິສຣາ​ແອລ
ຢ່າງໜ້ອຍ 3 ຄົນ​ ​ໄດ້ຖືກ​ຂ້າ​ຕາຍ.

ລັດຖະມົນຕີ​ຕ່າງປະ​ເທດ​ສະຫະລັດ ທ່ານ John Kerry ​ໄດ້​ກ່າວເມື່ອ​ຕອນ​ແລງ​ວັນອັງຄານ
​ວານ​ນີ້ ວ່າ ທ່ານ​ຈະ​ເດີນທາງ​ໄປ​ຍັງ​ອິສຣາ​ແອ​ລ ​ແລະ ​ປາ​ແລັສ​ໄຕ​ນ໌ ​ເພື່ອ​ພະຍາຍາມຫາທາງ​
ເກ້ຍກ່ອມໃຫ້ຫລຸດຜ່ອນ​ຄວາມ​ຮຸນ​ແຮງໃຫ້​ສະຫງົບລົງ ລະຫວ່າງຊາວ​ປາ​ແລັສ​ໄຕ​ນ໌ ​ແລະ
ຊາວ​ອິສຣາ​ແອ​ລ.

ທ່ານ Kerry ​ເວົ້າວ່າ “ຂ້າພະ​ເຈົ້າ ຈະ​ໄປ​ທີ່​ນັ້ນ ​ໃນ​ໄວ້ໆ​ນີ້ ​ໃນ​ເວລາ ທີ່​ເຫັນ​ວ່າ​ ເໝາະ​ສົມ​
​ແລະ ຈະພະຍາຍາມຫາທາງ​ເພື່ອ ​ໃຫ້​ມີການພົວພັນກັນອີກ​ເທື່ອ​ນຶ່ງ ​ແລະ ​ເບິ່ງ​ວ່າ
ຖ້າ​ພວກ​ເຮົາ​ບໍ່​ສາມາດ​ເຄື່ອນ​ໄຫວ ​ ອອກໄປຈາກ ​ໜ້າຜາ​ອັນ​ນີ້.”

ສະແດງຄວາມເຫັນໃຫ້ເບິ່ງ

XS
SM
MD
LG