ລິ້ງ ສຳຫລັບເຂົ້າຫາ

ເຮືອບິນລົບ ອິສຣາແອລ ໂຈມຕີ ເປົ້າໝາຍຕ່າງໆ ໃນແຫຼມ ກາຊາ (ສະໄລດ໌/ວີດີໂອ)


ຊາວປາແລສໄຕນ໌ ຄົນນຶ່ງ ກວດເບິ່ງຄວາມເສຍຫາຍ ຂອງຄ້າຍເຝິກແອບແຫ່ງນຶ່ງ ຂອງກຸ່ມ ຮາມັສ ຫຼັງຈາກ ເຮືອບິນອິສຣາແອລ ໂຈມຕີ ທີ່ເມືອງກາຊາ ໃນເຊົ້າພະຫັດມື້ນີ້. ວັນທີ 3 ກໍລະກົດ 2014.

ພວກ​ເຮືອບິນ​ລົບອາຍ​ພົ່ນ ຂອງ​ອິສຣາ​ແອ​ລ ​ໄດ້​ໂຈມ​ຕີ​ເປົ້າ​ໝາຍ
​ຕ່າງໆ​ໃນ​ແຫລມ​ກາຊາ ​ໃນ​ວັນ​ພະຫັດ​ມື້​ນີ້ ​ໃນ​ຂະນະ​ທີ່​ພວກ​ຫົວ​
ຮຸນ​ແຮງ​ສືບ​ຕໍ່​ຍິງ​ຈະ​ຫຼວດ​ເຂົ້າ​ໃສ່​ໃນ​ພາກ​ໃຕ້​ຂອງ​ອິສຣາ​ແອ​ລ
ທ່າມກາງ​ຄວາມ​ເຄັ່ງ​ຕຶງ​ພວມເພີ່ມ​ທະວີ​ຂຶ້ນ ກ່ຽວ​ກັບ​ກາ​ນສັງຫານ​
ເດັກ​ໄວ​ລຸ່ນອາຮັບ​ຄົນ​ນຶ່ງໃນ​ກ້ຳ​ຕາ​ເວັນ​ອອກ​ຂອງ​ນະຄອນ Jeru
salem.

ທະຫານ​ອິສຣາ​ແອ​ລ ກ່າວ​ວ່າ ພວກ​ເຮືອບິນ​ລົບ​ຂອງ​ຕົນ ​ໄດ້​ແນ
​ເປົ້າ​ໃສ່ 15 “ຈຸດ ຂອງ​ກຸ່ມ​ກໍ່​ການ​ຮ້າຍ​ຮາ​ມັສ” ​ໃນ​ແຫຼມ​ກາຊາ.
ບັນດາ​ເຈົ້າໜ້າ​ທີ່​ປາ​ແລ​ສ​ໄຕ​ນ໌ ກ່າວ​ວ່າ ພວກ​ພົນລະ​ເຮືອນ 10
ຄົນ​ໄດ້​ຮັບ​ບາດ​ເຈັບ ​ໃນ​ນັ້ນ ​ມີນາ​ຍ Ahmad al-Hatoum ຮວມຢູ່​ນຳ.

ນາຍ Ahmad al-Hatoum ກ່າວ​ວ່າ “​ເມຍ​ຂ້ອຍ​ກຳລັງ​ຄົວ​ອາຫານເຊົ້າ ​ເວລາ​ພວກ​ເຮົາ​ໄດ້​ຍິນ​ສຽງ​ລະ​ເບີດ​ແຕກ​ຂຶ້ນ​ຄັ້ງ​ໃຫຍ່​ຢ່າງ​ກະທັນຫັນ. ຂ້ອຍ​ມີ​ຄວາມ​ຮູ້ສຶກ​ວ່າ​ແມ່ນ​ສຽງ​ປືນ​ຢູ່​ໃນ​ເຮືອນ​ຂ້ອຍທີ່​ຍິງ​ມາ​ໃສ່ຂ້ອຍ​ແລະ​ພວກ​ລູກ​ສາວ​ຂ້ອຍ. ພວກ​ເຮົາ​ພາກັນ​ແລ່ນ​ ອອກ​ໄປ​ຂ້າງ​ນອກ ​ແລະ​ເຫັນລົດ​ພວກ​ເຮົາ ທີ່​ໄດ້​ຮັບ​ຄວາມ​ເສຍ​ຫາຍ ທີ່ທ່ານໄດ້ເຫັນ​ ​ແລະ​ພວກ​ເຮືອນ​ທັງ​ໝົດ​ຢູ່​ອ້ອມ​ເຮືອນ​ພວກ​ເຮົາ​ໄດ້​ຮັບຄວາມ​ເສຍຫາຍ ມັນ​ເສຍ​ຫາຍ​ທັງໝົດ​ເລີຍ.

ບັນດາ​ເຈົ້າ​ໜ້າ​ທີ່​ອິສຣາແອ​ລ ກ່າວ​ວ່າ ການ​ໂຈມ​ຕີ​ດັ່ງກ່າວ ​ແມ່ນ​ເປັນ​ການຕອບ​ໂຕ້ຕໍ່ການ​ຍິງ ​ຈະ​ຫຼວດ 20 ກວ່າ​ລູກ​ ໄປ​ໃສ່​ອິສຣາ​ແອ​ລ ນັບ​ແຕ່​ວັນ​ພຸດ​ວານ​ນີ້​ເປັນ​ຕົ້ນ​ມາ. ພວກ​ລູກ​ຈະ​ຫຼວດ ສ່ວນ​ຫຼາຍ ຖືກ​ສະກັດ​ກັ້ນ​ໄວ້​ໄດ້ ​ແຕ່​ຢ່າງ​ໜ້ອຍ 2 ລູກ​ໄດ້​ຖືກ​ເຮືອນ 2 ຫຼັງ ​ໃນ​ເມືອງ Sderot ຊຶ່ງເປັນເມືອງ​ຊາຍ​ແດນ ​ແຕ່​ບໍ່​ມີ​ລາຍ​ງານ​ແຈ້ງ​ໃຫ້​ຊາບ​ກ່ຽວ​ກັບ​ຜູ້ບາດ​ເຈັບ.

​ໃນ​ຂະນະ​ດຽວ​ກັນ ບັນດາ​ເຈົ້າ​ໜ້າ​ທີ່​ອິສຣາ​ແອ​ລ ດຳ​ເນີນ​ການ​ສືບສວນ​ສອບ​ສວນ​ຕໍ່​ໄປ ກ່ຽວ​ກັບ​ການ​ເສຍ​ຊີວິດ​ຂອງ​ທ້າວ Mohammed Abu Khudair ​ໄວ 17 ປີ ທີ່​ໄດ້​ຖືກ​ລັກ​ພາ​ໂຕ​ໄປ ​ແລະ​ເຫັນ​ສົບ​ຜູ້ກ່ຽວ​ໃນ​ປ່າ​ແຫ່ງ​ນຶ່ງ ​ໃນ​ນະຄອນ Jerusalem ​ໃນ​ວັນ​ພຸດ​ວານ​ນີ້.

ຄວາມເຫັນຂອງທ່ານ

ສະແດງຄວາມເຫັນໃຫ້ເບິ່ງ

XS
SM
MD
LG