ລິ້ງ ສຳຫລັບເຂົ້າຫາ

ອິສຣາແອລ ແລະ ປາແລສໄຕນ໌ ຍັງສືບຕໍ່ ເຈລະຈາກັນ ກ່ອນການຢຸດຍິງ ໝົດອາຍຸ (ສະໄລດ໌/ວີດີໂອ)


ໃນຂະນະທີ່ຕາເວັນກຳລັງຈະຕົກ Ahmad ແລະ Mahmoud al Masri ນັ່ງຢູ່ເທິງຊາກຫັກພັງ ຂອງເຮື້ອນເຂົາເຈົ້າທັງສອງ ທີ່ຖືກໂຈມຕີທາງອາກາດ ໂດຍອິສຣາແອລ ໃນເມືອງ Beit Hanoun ຢູ່ທາງພາກເໜືອ ເຂດກາຊາ.

ໃນຂະນະທີ່ຕາເວັນກຳລັງຈະຕົກ Ahmad ແລະ Mahmoud al Masri ນັ່ງຢູ່ເທິງຊາກຫັກພັງ ຂອງເຮື້ອນເຂົາເຈົ້າທັງສອງ ທີ່ຖືກໂຈມຕີທາງອາກາດ ໂດຍອິສຣາແອລ ໃນເມືອງ Beit Hanoun ຢູ່ທາງພາກເໜືອ ເຂດກາຊາ.

ຄະນະ​ເຈລະຈາ​ ຂອງອິສຣາ​ແອ​ລ ​ແລະປາ​ແລ​ສ​ໄຕ​ນ໌ ​ກຳລັງ
ປະຊຸມ​ກັນ​ອີກ​ຄັ້ງນຶ່ງ ​ໃນ​ວັນ​ພຸດ​ມື້​ນີ້ ​ຢູ່ ນະຄອນຫລວງ Cairo
​ໃນ​ການ​ພະຍາຍາມ​ຄັ້ງສຸດ​ທ້າຍ ​ເພື່ອ​ຊອກ​ຫາ​ຊ່ອງທາງແກ້ໄຂ
ວິ​ກິດ​ການ ກ່ອນ​ການ​ຢຸດ​ຍິງ ເປັນ​ເວລາ 72 ຊົ່ວ​ໂມງ ຈະໝົດ
ອາຍຸລົງນັ້ນ.

ການ​ຢຸດ​ສູ້​ລົບກັນ ​ແມ່ນ​ມີ​ກຳນົດ​ທີ່​ຈະ​ສິ້ນ​ສຸດລົງ​ໃນ​ຕອນແລງ
ຂອງ​ວັນ​ພຸດ​ມື້​ນີ້ ຊຶ່ງ​ຂົ່ມຂູ່ວ່າ ຈະສືບ​ຕໍ່​ບັນຫາ​ຂັດ​ແຍ້​ງ ທີ່​ໄດ້​ສັງ
ຫານ​ຜູ້ຄົນໄປ ເກືອບ 2,000 ຄົນ​ແລ້ວ ​ຊຶ່ງສ່ວນຫຼາຍ​ແມ່ນຊາວ​
ປາ​ແລ​ສ​ໄຕ​ນ໌ ນັບຕັ້ງ​ແຕ່ Israel ​ໄດ້​ເລີ້ມ​ປະຕິບັດ​ການທາງ
​ທະ​ຫານ ​ເພື່ອ​ຢຸດ​ການ​ຍິງ​ຈະ​ຫລວດ​ ​ຈາກ​ເຂດກາ​ຊາ ​ຂອງ​ພວກ
​ຫົວ​ຮຸນແຮງ​ເມື່ອວັນ​ທີ 8 ກໍ​ລະ​ກົດຜ່ານ​ມາ.

ກຸ່ມ​ຫົວ​ຮຸນແຮງຮາ​ມັສ ຊຶ່ງ​ເປັນຜູ້ຄວບ​ຄຸມ​ເຂດ​ກາຊາ ​ແມ່ນຮຽກຮ້ອງ ໃຫ້ອິສຣາ​ແອ​ລ
ຍົກເລີກການປິດລ້ອມຂອງຕົນ ​ຕໍ່ເຂດ​ດິນ​ແດນທີ່​ທຸກ​ຍາກ​ຕາມແຄມຝັ່ງທະ​ເລ
Mediterranean. ສ່ວນ​ອິສຣາ​ແອ​ລຢາກໃຫ້ ​ພວກຮາ​ມັສ ປົດ​ອາວຸດ​ຢ່າງສິ້ນ​ເຊີງ.

ການ​ຢຸດ​ຍິງ​ເປັນ​ເວລາ​ 3 ມື້ ທີ່ຄ້າຍ​ຄື​ກັນ​ນີ້ ຊຶ່ງ​ອີ​ຈິບ​ໄດ້​ໄກ່​ເກ່ຍ ໝົດ​ອາຍຸລົງ​ໃນ​ອາທິດ​
ແລ້ວ​ ໂດຍ​ບໍ່​ມີ​ການ​ຕົກລົງ​ກັນ​ໄດ້ ​ແລະ ຄວາມເປັນ​ປໍ​ລະ​ປັກກັນ​ລະຫວ່າງ​ທັງ​ສອງ​ຝ່າຍ
ໄດ້ເລີ້ມຄືນໃໝ່ ​ດ້ວຍການ​ຍິງ​ຈະ​ຫລວດຫຼາຍລູກ​ຈາກ​ເຂດ​ກາຊາ ​ແລະ ກອງ​ກຳລັງ
ອິສຣາ​ແອ​ລ ກໍຕອບ​ໂຕ້​ດ້ວຍ​ການ​ໂຈມ​ຕີ​ທາງ​ອາກາດ.

XS
SM
MD
LG