ກອງທັບຂອງອິສຣາແອລ ກ່າວວ່າ ທະຫານຄົນນຶ່ງຂອງຕົນອາດ
ໄດ້ຖືກພວກຮາມັສຈັບໄປ ໃນເຂດກາຊາ ບ່ອນທີ່ການຢຸດຍິງຊົ່ວ
ຄາວ ໄດ້ແຕກຫັກລົງ ພຽງບໍ່ເທົ່າໃດຊົ່ວໂມງ ຫຼັງຈາກໄດ້ເລີ້ມຂຶ້ນ
ໃນວັນສຸກມື້ນີ້.
ສື່ຂອງອິສຣາແອລ ໄດ້ອ້າງ ຄຳເວົ້າຂອງເຈົ້າໜ້າທີ່ທະຫານ ທີ່ກ່າວວ່າ ການລັກພາຕົວທີ່ວ່ານີ້ ມີຂຶ້ນໃນເມືອງ Rafah ທາງພາກໃຕ້ຂອງເຂດກາຊາໃນເວລາ ປະມານ 9 ໂມງເຄິ່ງ ເຊົ້າວັນສຸກມື້ນີ້ ຕາມເວລາທ້ອງຖິ່ນ ຄືປະມານນຶ່ງຊົ່ວໂມງເຄິ່ງ ຫຼັງຈາກການຢຸດຍິງເພື່ອມະນຸດສະທຳ ໄດ້ມີຜົນບັງຄັບໃຊ້ ລະຫວ່າງອິສຣາແອລ ແລະປາແລສໄຕນ໌. ສື່ບໍ່ໄດ້ໃຫ້ລາຍລະອຽດເພີ່ມຕື່ມ ກ່ຽວກັບເຫດການດັ່ງກ່າວ.
ໃນເວລາບໍ່ດົນ ຫລັງຈາກເວລາທີ່ ອິສຣາແອລກ່າວວ່າ ທະຫານອິສຣາແອລໄດ້ຖືກຈັບໄປນັ້ນ ອິສຣາແອລກໍໄດ້ເລີ່ມໂຈມຕີຄືນໃໝ່ ໃນພາກໃຕ້ຂອງເຂດກາຊາ ບ່ອນທີ່ທາງເຈົ້າໜ້າທີ່ທ້ອງຖິ່ນກ່າວວ່າ ມີຊາວປາແລສໄຕນ໌ ຢ່າງນ້ອຍ 27 ຄົນ ຖືກສັງຫານ. ແລະພວກຮາມັສກໍໄດ້ເລີ່ມຍິງຈະຫຼວດເຂົ້າໃສ່ພາກໃຕ້ຂອງອິສຣາແອ ລອີກ.
ຫ້ອງການຂອງນາຍົກລັດຖະມົນຕີຂອງອິສຣາແອລ ທ່ານ Benjamin Netanyahu ໄດ້ອອກ ຖະແຫຼງການ ຖິ້ມໂທດໃສ່ກຸ່ມຮາມັສໃນເຂດກາຊາ ວ່າ ເປັນຝ່າຍລະເມີດຢ່າງເປີດແປນ ອັນທີ່ຄວນຈະເປັນການຢຸດຍິງຊົ່ວຄາວເພື່ອມະນຸດສະທຳ ໄລຍະ 3 ມື້ນັ້ນ. ສື່ຂອງ
ອິສຣາແອລ ລາຍງານວ່າ ການຢຸດຍິງຊົ່ວຄາວດັ່ງກ່າວນີ້ ແມ່ນໄດ້ຈົບລົງ ແລະກອງທັບ
ອິສຣາແອລ ກໍໄດ້ເລີ້ມທຳການໂຈມຕີຄືນໃໝ່ ໃນເຂດກາຊາແລ້ວ.
ວີດີໂອ: ພໍການສູ້ລົບຊາລົງ ຊາວກາຊາກໍພາກັນ ຟ້າວຟັ່ງໄປລຽນແຖວຊື້ເຂົ້າຈີ່: