ລິ້ງ ສຳຫລັບເຂົ້າຫາ

ການຢຸດຍິງ ລະຫວ່າງ ອິສຣາ​ແອ​ລ ​ແລະກຸ່ມຮາ​ມັສ ​ຍັງບໍ່ມີ ການລະເມີດ ຫຼັງຈາກຕໍ່ເວລາ ອີກ 5 ​ມື້ (ສະໄລດ໌/ວີດີໂອ)


ທະຫານອິສຣາແອລ ກຳລັງຍາມບໍລິເວນທີ່ຊາວປາແລສໄຕນ໌ ອອກມາປະທ້ວງ ຕໍ່ຕ້ານການປະຕິບັດງານທາງທະຫານ ຂອງອິສຣາແອລ ໃນເຂດກາຊາ ທີ່ດ່ານກວດ Qalandia ໃກ້ເມືອງ Ramallah ໃນເຂດ West Bank ເມື່ອວັນທີ 13 ສິງຫາ 2014.

ທະຫານອິສຣາແອລ ກຳລັງຍາມບໍລິເວນທີ່ຊາວປາແລສໄຕນ໌ ອອກມາປະທ້ວງ ຕໍ່ຕ້ານການປະຕິບັດງານທາງທະຫານ ຂອງອິສຣາແອລ ໃນເຂດກາຊາ ທີ່ດ່ານກວດ Qalandia ໃກ້ເມືອງ Ramallah ໃນເຂດ West Bank ເມື່ອວັນທີ 13 ສິງຫາ 2014.

ການ​ຢຸດ​ຍິງ ລະຫ​ວ່າງອິສຣາ​ແອ​ລ ​ແລະກຸ່ມ​ຮາ​ມັສ ​ຍັງດຳ
ເນີນຢູ່ຕໍ່ມາໃນ​ວັນ​ພະຫັດ​ມື້​ນີ້ເຖິງ​ແມ່ນ​ວ່າໄດ້​ມີ​ການແລກ
ປ່ຽນ​ການ​ຍິງ​ຈະ​ຫລວດ ​ແລະການ​ໂຈມ​ຕີ​ທາງ​ອາກາດ​ໃນ
ລະຍະຂ້າມ​ຄືນ ເປັນເວລາສັ້ນໆກໍ​ຕາມ.

ທັງ​ສອງ​ຝ່າຍ ​ໄດ້​ຕົກລົງ​ກັນ ໃນ​ວັນ​ພຸດ​ວານ​ນີ້ ​ຕໍ່ເວລາໃນການ
ຢຸດຍິງ ອອກໄປຕື່ມອີກ 5 ​ມື້​ ເພື່ອອຳນວຍໃຫ້ການເຈລະຈາທີ່​
ໄກ່​ເກ່ຍໂດຍອີ​ຈິບ ​ໄດ້​ມີໂອ​ກາດ​ ທີ່​ຈະ​ນຳ​ມາ​ ຊຶ່ງການ​ຕົກລົງ​ກັນ
​ເພື່ອ​ຍຸດຕິບັນຫາຂັດ​ແຍ້​ງ ທີ່​ດຳເນີນມາໄດ້ເປັນ​ເວລາດົນກວ່າ​
ນຶ່ງເດືອນແລ້ວນັ້ນ.


ຫຼັງຈາກ​ໄດ້​ມີ​ການ​ປະກາດ ​ກ່ຽວກັບການຕໍ່ເວລາ ໃນການຢຸດຍິງ​ນັ້ນ ອິສຣາ​ແອ​ລກ່າວ
​ວ່າ ມີການຍິງຈະ​ຫລວດຫຼາຍລູກ​ໃສ່ອິສຣາແອລຈາກ ​ເຂ​ດ​ກາຊາ ​ແລະ ກອງ​ທະຫານ
​ຂອງ​ຕົນ​ ໄດ້​ຕ້ອບ​ໂຕ້​ດ້ວຍ​ການ​ໂຈມ​ຕີ​ ທາງ​ອາກາດຫຼາຍບັ້ນ. ຄວາມ​ຮຸນ​ແຮງ​ດັ່ງກ່າວ​
ໄດ້​ຢຸດ​ລົງ​ກ່ອນຟ້າແຈ້ງ ຂອງ​ມື້​ວັນ​ພະ​ຫັດນີ້ ​ແລະບໍ່ໄດ້ມີ​ລາຍ​ງານໃດໆກ່ຽວ​ກັບ​ຜູ້​ທີ່ໄດ້
​ຮັບ​ບາດ​ເຈັບ​ລົ້ມຕາຍ.

ນັບແຕ່ຕົ້ນ​ເດືອນ​ກໍລະກົດມາ ຊາວ​ປາ​ແລ​ສ​ໄຕ​ນ໌ປະມານ 1,950 ຄົນ ​ໄດ້ຖືກ​ຂ້າ​ຕາຍ​
ໃນ​ເຂດ​ກາຊາ ສ່ວນ​ຫຼາຍ​ແລ້ວ​ ແມ່ນ​ພວກ​ພົນລະ​ເຮືອນ. ຂະນະດຽວກັນ ກໍມີ​ຊາວ​ອິສ
ຣາແອ​ລ 67 ຄົນເສຍ​ຊີວິດ ສ່ວນ​ໃຫຍ່​ແລ້ວ​ເປັນພວກ​ທະຫານ.

XS
SM
MD
LG