ລິ້ງ ສຳຫລັບເຂົ້າຫາ

ອິສຣາແອລ ໂຈະການຕິດຕໍ່ ບາງດ້ານ ກັບ EU


ເຫຼົ້າ ໄວນ໌ ທີ່ຜະລິດໃນຖິ່ນຖານຊາວຢິວ ແຫ່ງໜຶ່ງ ໃນເຂດ West Bank ວາງຂາຍຢູ່ຮ້ານສັບພະສິນຄ້າໃນນະຄອນ ເຈຣູຊາເລັມ. 11 ພະຈິກ, 2015.

ເຫຼົ້າ ໄວນ໌ ທີ່ຜະລິດໃນຖິ່ນຖານຊາວຢິວ ແຫ່ງໜຶ່ງ ໃນເຂດ West Bank ວາງຂາຍຢູ່ຮ້ານສັບພະສິນຄ້າໃນນະຄອນ ເຈຣູຊາເລັມ. 11 ພະຈິກ, 2015.

ອິສຣາແອລ ໄດ້ໂຈະໄວ້ ການພົວພັນທາງການທູດກັບ ສະຫະພາບ ຢູໂຣບ ຫຼື EU ເຊິ່ງກ່ຽວຂ້ອງກັບການດຳເນີນສັນຕິພາບທີ່ມີບັນຫາ ລະຫວ່າງ ອິສຣາແອລ ກັບ ປາແລັສໄຕນ໌, ເພື່ອປະທ້ວງການເຄື່ອນ ໄຫວຂອງ EU ທີ່ຕິດເຄື່ອງໝາຍພະລິດຕະພັນທີ່ເຮັດຢູ່ໃນຖິ່ນຖານ ຂອງ ອິສຣາແອລ ໃນເຂດ West Bank ແລະ ເຂດແດນອື່ນໆທີ່ ປົກຄອງໂດຍ ອິສຣາແອລ.

ນາຍົກລັດຖະມົນຕີ ອິສຣາແອລ ທ່ານ Benjamin Netanyahu ໄດ້ ປະກາດການເຄື່ອນໄຫວດັງກ່າວໃນວັນອາທິດວານນີ້ໂດຍ ກ່າວວ່າ ການຕິດຕໍ່ ກັບອົງການ EU ແລະ ຕົວແທນຂອງພວກ ເຂົາເຈົ້າແມ່ນຍັງຈະຖືກ ໂຈະໄວ້ ຈົນກວ່າລັດຖະບານຂອງທ່ານ ສຳເລັດຂະບວນການ ປະເມີນຄ່າຄືນເສຍກ່ອນ.

ທ່ານ Netanyahu ບໍ່ໄດ້ເປີດເຜີຍຂໍ້ມູນກ່ຽວກັບການຢຸດສະງັກທາງດ້ານ ການທູດ ແລະ ບໍ່ ໄດ້ກ່າວວ່າ ສະຖາບັນໃດແດ່ ຈະໄດ້ຮັບຜົນກະທົບ.

ການປະກາດໃນວັນອາທິດວານນີ້ໄດ້ສະຫຼຸບຄວາມເຄັ່ງຕຶງທາງດ້ານ ການທູດທີ່ເພີ່ມຂຶ້ນກັບ EU, ການກີດກັນດ້ານການຄ້າທີ່ໃຫຍ່ຫຼວງ ເຊິ່ງໄດ້ກົດດັນ ອິສຣາແອລ ໃຫ້ຫຼຸດຜ່ອນຂະ ຫຍາຍການຕັ້ງຖິ່ນຖານ ໃນເຂດ West Bank.

ບັນດາລັດຖະບານຂອງ EU ໄດ້ໂຕ້ຖຽງວ່າດິນແດນທີ່ໄດ້ຖືກຍຶດໂດຍ ອິສຣາແອລ ໃນສົງຄາມ ປີ 1967 ລວມມີເຂດ West Bank, ພາກ ຕາເວັນອອກຂອງນະຄອນ Jerusalem, ເຂດ Gaza ແລະ ພູເຂົາ Golan ຂອງ ຊີເຣຍ ບໍ່ແມ່ນພາກສ່ວນເຂດຊາຍແດນຂອງ ອິສຣາແອລ ທີ່ຮັບຮູ້ໂດຍສາກົນ. ຜູ້ນຳ ປາເລສໄຕນ໌ ໄດ້ພິຈາລະນາ ການຕັ້ງຖິ່ນວ່າຜິດກົດໝາຍ ແລະ ໄດ້ ອ້າງຢ່າງຊ້ຳແລ້ວຊ້ຳອີກວ່າ ການຂະຫຍາຍການຕັ້ງຖິ່ນຖານ ແມ່ນອຸປະສັກຕົ້ນຕໍສຳລັບສັນຕິ ພາບອັນຍືນຍົງໃນພາກພື້ນ.

ໃນຕົ້ນເດືອນນີ້, EU ໄດ້ເຜີຍແຜ່ແນວທາງປະຕິບັດໃໝ່ສຳລັບ ການຕິດເຄື່ອງໝາຍຜະລິດຕະ ພັນຂອງຊຸມຊົນ, ເຊິ່ງເປັນການເຄື່ອນ ໄຫວໜຶ່ງທີ່ ອິສຣາແອລ ໄດ້ສະແດງໃຫ້ເຫັນທັນທີວ່າ ເປັນການຈຳແນກ ແລະຖືກກະຕຸ້ນທາງການເມືອງ.

XS
SM
MD
LG