ລິ້ງ ສຳຫລັບເຂົ້າຫາ

ສຫລ 'ກັງວົນ' ໃນການເລັ່ງລັດ ຂະຫຍາຍ ພື້ນທີ່ ຕັ້ງຖິ່ນຖ່ານໃໝ່ ຂອງອິສຣາແອລ


ພວກຄົນງານ ແລະ ລົດດຸດ ກຳລັງດຳເນີນງານ ຢູ່ສະຖານທີ່ກໍ່ສ້າງ ໃນພີ້ນທີ່ຕັ້ງຖິ່ນຖານໃໝ່ຂອງເມືອງ Givat Zeev ຕັ້ງຢູ່ໃກ້ກັບເມືອງ Ramallah ຂອງຝັ່ງ​ຕາ​ເວັນ​ຕົກ​ຂອງ​ແມ່ນ້ຳຈໍ​ແດັນ ຫຼື West Bank, ວັນທີ 14 ເມສາ 2016.

ພວກຄົນງານ ແລະ ລົດດຸດ ກຳລັງດຳເນີນງານ ຢູ່ສະຖານທີ່ກໍ່ສ້າງ ໃນພີ້ນທີ່ຕັ້ງຖິ່ນຖານໃໝ່ຂອງເມືອງ Givat Zeev ຕັ້ງຢູ່ໃກ້ກັບເມືອງ Ramallah ຂອງຝັ່ງ​ຕາ​ເວັນ​ຕົກ​ຂອງ​ແມ່ນ້ຳຈໍ​ແດັນ ຫຼື West Bank, ວັນທີ 14 ເມສາ 2016.

ສະຫະລັດ ໄດ້ສະແດງຄວາມບໍ່ພໍໃຈກັບອິສຣາແອລ ຕໍ່ແຜນການຂອງປະເທດດັ່ງກ່າວ ທີ່ຈະເລັ່ງລັດການຕັ້ງຖິ່ນຖານ​ໃໝ່ຂອງຊາວຢິວ ຢູ່ໃນເຂດຝັ່ງ​ຕາ​ເວັນ​ຕົກ​ຂອງ​ແມ່ນ້ຳຈໍ​ແດັນ ຫຼື West Bank ທ່າມກາງທີ່​ມີຄວາມກັງວົນ ທີ່ເພີ້ມຂຶ້ນຂອງນານາຊາດ.

ໂຄສົກທຳນຽບຂາວ ທ່ານ Josh Earnest ໄດ້ກ່າວໃນວັນພຸດວານນີ້ ວ່າ “ການຂະ ຫຍາຍ ພື້ນທີ່ ທີ່ສຳຄັນຂອງກິດຈະການຕັ້ງຖິ່ນຖານ​ໃໝ່​ນີ້ ອາດຈະກໍ່ໃຫ້ເກີດຄວາມ ເສຍຫາຍຮ້າຍ​ແຮງ ແລະ ເປັນໄພຂົ່ມຂູ່ຫຼາຍຂຶ້ນ ຕໍ່ການຢູ່​ລອດ ​ໃນການແກ້ໄຂ ​ແບບ ມີສອງປະເທດ ຄຽງ​ຄູ່​ກັນນັ້ນ.”

ໃນການອະນຸຍາດຄັ້ງຫຼ້າສຸດນີ້ ຄະນະກຳມະການແຜນການ ຂອງກອງທັບອິສຣາແອລ ໄດ້​ແຈ້ງ​ໃຫ້​ຊາບ ກ່ຽວ​ກັບແຜນການສ້າງທີ່ພັກອາໄສ 463 ຫຼັງ ຢູ່ໃນຫຼາຍໆ​ເຂດ ຂອງ West Bank ອີງຕາມລາຍ​ງານ​ ເວັບໄຊ Haaretz ຂອງອິສຣາແອລ ແລະ ກຸ່ມສິ້ງຊອມ ການຕັ້ງຖິ່ນຖານ Peace Now.

51 ຫຼັງ ຂອງຈຳນວນດັ່ງກ່າວ ຈະເປັນການກໍ່ສ້າງໃໝ່ ໃນຂະນະທີ່ 178 ຫຼັງ ສ້າງຂຶ້ນ ຢູ່ໃນເຂດຕັ້ງຖິ່ນຖານແຫ່ງໜຶ່ງ ໂດຍບໍ່​ໄດ້​ຮັບອະນຸ ຍາດ ໃນຊຸມປີ 1980 ​ແຕ່ໄດ້ຮັບ ການອະນຸຍາດຢ້ອນຄືນຫຼັງ ອີງຕາມ ລາຍ​ງານ​ຂອງເວັບໄຊ Haaretz.

ທ່ານ Earnest ໄດ້ກ່າວອີກວ່າ “ໂດຍສະເພາະຢ່າງຍິ່ງ ພວກເຮົາມີຄວາມກັງວົນ ກ່ຽວກັບນະໂຍບາຍ ຂອງການອະນຸມັດຢ້ອນຄືນຫຼັງ ທີ່ພັກ​ອາ​ໄສຕ່າງໆ ທີ່ຜິດ​ກົດ ໝາຍ ແລະ ການຕັ້ງຖິ່ນຖານທີ່ບໍ່ໄດ້ຮັບອະນຸຍາດ. ຂ້າພະເຈົ້າຄິດວ່າ ພວກເຮົາບໍ່ມີ​ຄວາມ​ຄຸມ​ເຄືອ​ເລີຍ ກ່ຽວກັບຄວາມເປັນຫ່ວງເປັນໃຍ ທີ່ພວກເຮົາມີຢູ່ ຕໍ່ບັນຫານີ້.”

ເມື່ອຕົ້ນສັບປະດານີ້ ທູດພິເສດ ຂອງອົງການສະຫະປະຊາຊາດ ຮັບຜິດ​ຊອບ ​ກ່ຽວ​ກັບ ​ພາກ​ຕາ​ເວັນ​ອອກ​ກາງ ທ່ານ Nicolay Mladenov ໄດ້ກ່າວຕໍ່ສະພາຄວາມໝັ້ນຄົງ ອົງການສະຫະປະຊາຊາດ ວ່າ ການຂະຫຍາຍການຕັ້ງຖິ່ນຖານ ໂດຍອິສຣາແອລ ແມ່ນລວມຢູ່ໃນຈຳພວກອຸປະສັກທີ່ໃຫຍ່ສຸດ ຕໍ່ສັນຕິພາບ ກັບ ຊາວປາແລສໄຕນ໌.

ແຕ່ອິສຣາແອລ ໄດ້ປະຕິເສດ ຕໍ່ຄວາມກັງວົນຕ່າງໆຂອງທ່ານ Mladenov. ທ່ານ David Keyes ໂຄສົກຂອງນາຍົກລັດຖະມົນຕີ Benjamin Netanyahu ໄດ້ກ່າວວ່າ ຄຳເຫັນດັ່ງກ່າວ “ເປັນການບິດເບືອນປະຫວັດສາດ.”

ອ່ານຂ່າວນີ້ຕື່ມ ເປັນພາສາອັງກິດ

XS
SM
MD
LG