ພວກຈົງຮັກພັກດີຕໍ່ກຸ່ມລັດອິສລາມຫຼື IS ໃນປະເທດອັຟການິສ
ຖານ ໄດ້ນຳວີດີໂອໃໝ່ ອອກເຜີຍແຜ່ ໃນວັນສຸກມື້ນີ້ ທີ່ສະແດງ
ໃຫ້ເຫັນເຖິງການໂຈມຕີດ້ວຍລະເບີດລົດສະຫຼະຊີບໃສ່ດ່ານຮັກ ສາຄວາມປອດໄພແຫ່ງໜຶ່ງ ຂອງອັຟການິສຖານ ແລະການກະ
ທຳຄວາມຮຸນແຮງອີກຫຼາຍຢ່າງຮວມທັງໃນປະເທດປາກິສຖານ
ທີ່ຢູ່ໃກ້ຄຽງນຳດ້ວຍ.
ວິດີໂອທີ່ອ້າງວ່າ ແມ່ນຂອງພວກ IS ໄດ້ຖືກເປີດເຜີຍ ຕໍ່ບັນດາ
ນັກຂ່າວ ມີຊື່ວ່າ “Khurasan ຫຼືຂຸມຝັງສົບ ຂອງພວກນອກສາ
ສະໜາ” ທີ່ສະແດງໃຫ້ເຫັນພາບ ຂອງພວກຫົວຮຸນແຮງດັກສະ
ກັດໂຈມຕີຂະບວນລົດຂອງກອງກຳລັງຮັກສາຄວາມປອດໄພປາກິສຖານທີ່ເດີນທາງຜ່ານ ຮ່ອມພູ ການຍິງປະທະກັນ ກັບກຳລັງຮັກສາຄວາມປອດໄພຢູ່ແຫ່ງອື່ນໆ ແລະການໂຈມຕີ
ດ້ວຍລະເບີດແຄມຖະໜົນ 2 ຄັ້ງໃສ່ລົດຂອງລັດຖະບານອັຟການິສຖານ ອີງຕາມຂໍ້ຄວາມ
ອະທິບາຍໃນພາສາ Pashto.
ຊາຍຄົນໜຶ່ງໄດ້ຖືກຕັດຫົວແລະອີກ 2 ຄົນຖືກຍິງໃນໄລຍະເຜົາຂົນຈາກດ້ານຫຼັງຂອງຫົວ.
ວີດີໂອເວົ້າວ່າ ການກໍ່ຄວາມຮຸນແຮງ ໄດ້ຖືກນຳມາໃຊ້ ໃນພາກຕາເວັນອອກຂອງອັຟກາ
ນິສຖານ ທີ່ແຂວງ Logar Nangarhar ແລະ Paktik ໃກ້ກັບເຂດຊາຍແດນປາກິສຖານ.
ໃນຕອນຈົບຂອງວີດີໂອ ຜູ້ຊາຍຄົນໜຶ່ງໄດ້ກ່າວອຳລາ ຕໍ່ພວກໝູ່ຫົວຮຸນແຮງກ່ອນຈະຂັບ
ລົດກະບະທີ່ບັນທຸກລະເບີດ ແລະແລ່ນເຂົ້າໄປໃນຄ້າຍທະຫານບົກແຫ່ງນຶ່ງ ຂອງອັຟກາ ນິສຖານ.
ການລະເບີດຂະໜາດແຮງໄດ້ສົ່ງແປວຄວັນຂະໜາດໃຫຍ່ຂຶ້ນສູ່ທ້ອງຟ້າເຊິ່ງເຫັນໄດ້ຊັດ
ເຈນວ່າ ສະຖານທີ່ທັງໝົດ ຊຶ່ງຕັ້ງຢູ່ໃນເມືອງ Azra ແຂວງ Logar ໄດ້ຖືກທຳລາຍໝົດ.
ຄວາມເຊື່ອຖືໄດ້ຂອງວິດີໂອ ແລະວັນເວລາທີ່ໄດ້ເກີດຄວາມຮຸນແຮງນັ້ນ ແມ່ນບໍ່ສາມາດ ຢືນຢັນໄດ້ໃນທັນທີເທື່ອ.
