ລິ້ງ ສຳຫລັບເຂົ້າຫາ

ການໂຈມຕີບ່ອນອື່ນ ຂອງພວກ IS ບໍ່ສົ່ງຜົນ ຕໍ່ການເພັ່ງເລັງ ຍຶດຄືນເມືອງ Mosul


ຊາຍໜຸ່ມຊາວ ອີຣັກ ຖີບລົດຜ່ານບໍ່ນ້ຳມັນ ທີ່ມີໄຟກຳລັງລຸກໄໝ້ໃນເມືອງ Qayyara, ປະມານ 50 ກິໂລແມັດ ທາງພາກໃຕ້ຂອງເມືອງ Mosul, ອີີຣັກ. 23 ຕຸລາ, 2016.

ຊາຍໜຸ່ມຊາວ ອີຣັກ ຖີບລົດຜ່ານບໍ່ນ້ຳມັນ ທີ່ມີໄຟກຳລັງລຸກໄໝ້ໃນເມືອງ Qayyara, ປະມານ 50 ກິໂລແມັດ ທາງພາກໃຕ້ຂອງເມືອງ Mosul, ອີີຣັກ. 23 ຕຸລາ, 2016.

ຄວາມພະຍາຍາມໂດຍກຸ່ມກໍ່ການຮ້າຍ ລັດອິສລາມ ຫຼື IS ທີ່ຈະຫັນ​ເຫຄວາມສົນໃຈໄປ ຈາກການໂຈມຕີທີ່ນຳພາໂດຍ ອີີຣັກ ຕໍ່ເມືອງ Mosul ທີ່ມີຄວາມສຳຄັນໃນພາກເໜືອຂອງ ປະ​ເທດນັ້ນ ໄດ້ມີຜົນ​ແຕ່ພຽງໜ້ອຍດຽວ, ອີງຕາມຄຳ​ເວົ້າຂອງເຈົ້າໜ້າທີ່ປ້ອງ​ກັນປະເທດ ແລະ ສືບລັບ ສະຫະລັດ.

ພວກນັກຮົບກຸ່ມ IS ໄດ້ເປີດການໂຈມຕີຕອບໂຕ້ຫຼາຍຄັ້ງ ຫຼາຍຮ້ອຍກິ​ໂລແມັດ ຫ່າງຈາກ​ເຂດ​ແນວ​ໜ້າທີ່ສຳຄັນ ໃນວັນສຸກທີ່ຜ່ານມາ, ດ້ວຍ​ເປີດການໂຈມຕີໃສ່ເມືອງ Kirkuk ທີ່ອຸດົມສົມບູນໄປດ້ວຍນ້ຳມັນ ແລະ ເມືອງ Dibis.

ປະຊາຊົນຫຼາຍກວ່າ 100 ຄົນ, ລວມທັງເຈົ້າໜ້າທີ່ຮັກສາຄວາມປອດໄພ, ໄດ້ຖືກຂ້າຕາຍ ໃນການໂຈມຕີເມືອງ Kirkuk ເຊິ່ງພວກເຈົ້າໜ້າທີ່ຊາວ ເຄີດ ໄດ້ຖິ້ມ​ໂທດໃສ່ສາຍລັບຂອງ ພວກ IS ກຸ່ມໜຶ່ງ. ປະຊາຊົນຢ່າງໜ້ອຍ 14 ຄົນ, ລວມທັງຄົນ ອີຣ່ານ ຫຼາຍຄົນໄດ້ຖືກຂ້າ ຕາຍໃນການໂຈມຕີທີ່ເມືອງ Dibis.

ສອງມື້ຕໍ່ມາ, ພວກນັກຮົບ IS ໄດ້ໂຈມຕີເມືອງ Rutba, ໃນແຂວງ Anbar, ບັງຄັບໃຫ້ລັດ ຖະບານ ອີຣັກ ຕ້ອງສົ່ງກຳລັງ​ໄປເສີມທີ່​ນັ້ນ.

ເຈົ້າໜ້າທີ່ປ້ອງກັນປະເທດ ສະຫະລັດ ໄດ້ກ່າວຕໍ່ວີໂອເອ ເມື່ອຖືກຖາມ ກ່ຽວກັບ ການໂຈມ ຕີຕອບໂຕ້ຂອງພວກ IS ວ່າ “ເຫດການແບບນີ້ແມ່ນໄດ້ຖືກຄາດການໄວ້ກ່ອນແລ້ວຢ່າງ ແນ່ນອນ, ​ເຊິ່ງກໍໄດ້ຖືກຮວມຢູ່ໃນການວາງແຜນຂອງພວກເຮົາ.”

ບັນດາເຈົ້າໜ້າທີ່ ສະຫະລັດ ກ່າວວ່າ ການໂຈມຕີຊະນິດດັ່ງກ່າວເພີ່ມເຕີມ ແມ່ນຈະມີຂຶ້ນ ໃນຊ່ວງເວລາໃດໜຶ່ງ.

ແຜນທີ່ການບຸກໂຈມຕີເມືອງ Mosul.

ແຜນທີ່ການບຸກໂຈມຕີເມືອງ Mosul.

ເຈົ້າໜ້າທີ່ຕໍ່ຕ້ານພວກກໍ່ການຮ້າຍ ສະຫະລັດ ໄດ້ກ່າວຕໍ່ວີໂອເອ ໂດຍໃຊ້ອັກສອນຫຍໍ້ ຂອງ​ກຸ່ມ​ດັ່ງກ່າວ ​ໂດຍ​ເວົ້າວ່າ “ການໂຈມຕີຂອງພວກ ISIL ໃນເມືອງ Kirkuk ໄດ້ສະ ທ້ອນໃຫ້ ເຫັນກົນລະຍຸດການຕໍ່ສູ້ໃນສະໜາມຮົບ ທີ່ໄດ້ຖືກໃຊ້ໂດຍທົ່ວໄປຂອງກຸ່ມ. ຜ່ອນຄາຍ ຄວາມກົດດັນໃນຈຸດຕໍ່ສູ້ທີ່ສຳຄັນ ດ້ວຍການໂຈມຕີຢູ່ບ່ອນອື່ນ. ໃນຂະນະ ທີ່ພວກ ISIL ສູນ​ເສຍເຂດແດນ ແລະ ຊັບພະຍາກອນຕ່າງໆນັ້ນ ພວກເຂົາເຈົ້າໄດ້ອາ ໄສການໂຈມຕີແບບກອງໂຈນ ເພື່ອຫັນເຫຄວາມສົນໃຈ​ໄປຈາກບ່ອນຫຼົບລີ້ຂອງພວກ ເຂົາ."

ບັນດາເຈົ້າໜ້າທີ່ ຍັງໄດ້ກຽມພ້ອມສຳລັບການເພີ່ມຂຶ້ນ ຂອງສິ່ງທີ່ເອີ້ນວ່າ ການໂຈມຕີຄັ້ງ ໃຫຍ່ຄື ລະເບີດສະຫຼະຊີບໃນຫຼາຍເມືອງທີ່ສຳຄັນໃນ ອີຣັກ ແລະ ບ່ອນອື່ນໆ, ໃນຂະນະ ທີ່ຄວາມກົດດັນຕໍ່ພວກ IS ໄດ້ເພີ່ມຫຼາຍຂຶ້ນ ຢູ່ພາຍໃນ ແລະ ນອກເມືອງ Mosul.

ອ່ານຂ່າວນີ້ຕື່ມເປັນພາສາອັງກິດ

ສະແດງຄວາມເຫັນໃຫ້ເບິ່ງ

XS
SM
MD
LG