ອົບພະຍົບ 2 ຄົນຈາກອີຣັກ ຖືກຈັບ ໃນຂໍ້ຫາພົວພັນກັບການກໍ່
ການຮ້າຍໂດຍເຈົ້າໜ້າທີ່ລັດຖະບານກາງສະຫະລັດຊຶ່ງພາໃຫ້
ມີການຕຳໜິຕິຕຽນຄືນອີກຕໍ່ແຜນການຂອງທຳນຽບຂາວ ທີ່ຈະ
ຮັບເອົາອົບພະຍົບຫລາຍພັນຄົນ ຈາກຫຼາຍໆເຂດທີ່ປະສົບໄພ
ສົງຄາມໃນພາກຕາເວັນອອກກາງ.
ເຈົ້າໜ້າທີ່ສະຫະລັດກ່າວວ່າ ບຸກຄົນທັງສອງເປັນຊາວປາແລສ
ໄຕນ໌ຈາກອີຣັກຊຶ່ງໄດ້ເຂົ້າມາຢູ່ໃນສະຫະລັດຫຼາຍປີແລ້ວ ແລະ
ພວກເຂົາເຈົ້າ ອາດໄດ້ທຳການຕິດຕໍ່ກັນ ແຕ່ບໍ່ໄດ້ປາກົດວ່າ ມີ
ການວາງແຜນໂຈມຕີໃດໆເທື່ອຢູ່ໃນສະຫະລັດ.
ອີງຕາມກະຊວງຍຸຕິທຳຂອງສະຫະລັດແລ້ວ ທ້າວ Aws Mohammed Younis Al-
Jayap ອາຍຸ 23 ປີີ ໄດ້ຖືກຈັບໃນວັນພະຫັດວານນີ້ທີ່ນະຄອນ Sancramento ລັດ
ຄາລີຟໍເນຍ ບ່ອນທີ່ຜູ້ກ່ຽວໄດ້ຖືກຂໍ້ຫາ ໃຫ້ຂໍ້ມູນເທັດ ກ່ຽວກັບ ພວກກໍ່ການຮ້າຍນາໆ
ຊາດ.
ທ້າວ Al-Jayap ໄດ້ເດີນທາງເຂົ້າມາໃນສະຫະລັດໃນນາມອົບພະຍົບຈາກຊີເຣຍໃນ
ປີ 2012. ລາວໄດ້ຖືກກ່າວຫາວ່າຕົວະເຈົ້າໜ້າທີ່ ກ່ຽວກັບການເດີນທາງຂອງລາວໄປ
ຊີເຣຍ ຊຶ່ງອີງຕາມຮູບພາບທີ່ນຳອອກເຜີຍແຜ່ທາງຕາໜ່າງສື່ສັງຄົມແລ້ວ ລາວໄດ້ໄປ
ສູ້ລົບໃຫ້ກຸ່ມຫົວຮຸນແຮງຈັດຫຼາຍກຸ່ມ ຮວມທັງກຸ່ມ Ansar-al-Islam.
ສ່ວນທ້າວ Omar Faraj Saeed al-Hardan ອາຍຸ 24 ປີ ຖືກຈັບທີ່ນະຄອນ Hous-
ton ລັດເທັກຊັສ. ລາວຖືກກ່າວຫາວ່າ ພະຍາຍາມສະໜອງການສະໜັບສະໜຸນທາງ
ດ້ານວັດຖຸ ຮວມທັງໃຫ້ການຝຶກແອບພ້ອມທັງຄຳແນະນຳແລະການຊ່ອຍເຫລືອຕ່າງໆ
ແກ່ກຸ່ມລັດອິສລາມ ອີງຕາມສຳນວນຟ້ອງຂອງລັດຖະບານກາງ.
ທ້າວ al-Hardan ຊຶ່ງໄດເຂົ້າມາໃນສະຫະລັດ ໃນຖານະອົບພະຍົບຈາກອີຣັກ ໃນປີ
2009 ແລະຫລັງຈາກນັ້ນກໍໄດ້ຮັບໃບອະນຸຍາດໃຫ້ຢູ່ໃນສະຫະລັດໄດ້ຢ່າງເປັນການ
ຖາວອນ ກໍໄດ້ຖືກກ່າວຫາວ່າ ໃຫ້ການເທັດ ຫຼືບໍ່ຈິງ ແກ່ເຈົ້າໜ້າທີ່ກວດຄົນເຂົ້າເມືອງ
ກ່ຽວກັບການພົວພັນຂອງຜູ້ກ່ຽວກັບກຸ່ມກໍ່ການຮ້າຍຕ່າງໆ.
ບຸກຄົນທັງສອງມີກຳນົດທີ່ຈະໄປປາກົດໂຕຢູ່ສານໃນວັນສຸກມື້ນີ້.
