ລິ້ງ ສຳຫລັບເຂົ້າຫາ

ກອງກຳລັງ ອີຣັກ ດີ້ນຮົນກັບການເຄື່ອນເຂົ້າສູ່ ເມືອງ Mosul


ພົນລະເຮືອນຫຼາຍຮ້ອຍຄົນຫຼັ່ງໄຫຼອອກຈາກພາກຕາເວັນອອກຂອງເມືອງ Mosul ໃນວັນພະຫັດທີ່ຜ່ານມາ ດ້ວຍການຂໍຂຶ້ນ
ລົດທີ່ພວກເຂົາເຈົ້າສາມາດຫາໄດ້. 3 ພະຈິກ, 2016. (ພາບໂດຍ: Jamie Dettmer for VOA)

ພົນລະເຮືອນຫຼາຍຮ້ອຍຄົນຫຼັ່ງໄຫຼອອກຈາກພາກຕາເວັນອອກຂອງເມືອງ Mosul ໃນວັນພະຫັດທີ່ຜ່ານມາ ດ້ວຍການຂໍຂຶ້ນ ລົດທີ່ພວກເຂົາເຈົ້າສາມາດຫາໄດ້. 3 ພະຈິກ, 2016. (ພາບໂດຍ: Jamie Dettmer for VOA)

ກອງທະຫານອີຣັກຢູ່ໃນເມືອງ ໂມຊູລ ທີ່ກຳລັງເກີດສົງຄາມຢູ່ ໄດ້ເຄື່ອນຍ້າຍໄປຊ້າໆໃນ ວັນອາທິດມື້ນີ້ ເຂົ້າທາງພາກຕາເວັນອອກຂອງເມືອງບ່ອນທີ່ກຳລັງຂອງພວກລັດອິສລາມ ຫົວຮຸນແຮງຄວບຄຸມຢູ່.

ພັນໂທ ມູຮານັດ ອາລ-ຕີມີມີ ກ່າວວ່າ “ໄດ້ມີພວກພົນລະເຮືອນເຕັມໄປໝົດ ແລະ ພວກ ເຮົາກໍພະຍາຍາມປ້ອງກັນພວກເຂົາເຈົ້າຢູ່. ສົງຄາມຂັ້ນນີ້ເປັນຂັ້ນຕອນທີ່ຍາກລຳບາກ ທີ່ພວກເຮົາໄດ້ປະເຊີນມາຈົນເທົ່າເຖິງປັດຈຸບັນ.”

ວັນເສົາວານນີ້ ນາຍພົນ ອີຣັກ ຄົນນຶ່ງກ່າວວ່າ ກຳລັງຂອງຕົນໄດ້ພະຍາຍາມປິດລ້ອມຕົວ ເມືອງ ແລະ ຂັບໄລ່ກຳລັງພວກຫົວຮຸນແຮງອິສລາມອອກໄປ ຈາກເມືອງສຳຄັນເລັກໆ ນ້ອຍໆທາງແນວໜ້າດ້ານໃຕ້ ແລະ ບັດນີ້ກຳລັງຂອງພວກ ເຄີດ ໄດ້ຢືນຢັນວ່າ ໄດ້ປັກທຸງ ຂອງ ອີຣັກ ຂຶ້ນແລ້ວເທິງອາຄານຕ່າງໆໄກ້ໆກັບເດີ່ນເຮືອບິນຂອງ ໂມຊູລ.

ຄວາມຄືບໜ້າເຂົ້າໄປຫາ ຮາມາມ ອາລ-ອາລີລ 15 ກມ ຫ່າງຈາກເມືອງ ໂມຊູລ ໄປທາງ ໃຕ້ ຕິດຕາມມາດ້ວຍກອງກຳລັງພິເສດຂອງ ອີຣັກ ບຸກເຂົ້າໄປທາງພາກຕາເວັນອອກຂອງ ໂມຊູລ ໄດ້ເຮັດໃຫ້ທີ່ໝັ້ນຂອງພວກ ໄອຊິສ ທີ່ຄວມຄຸມເຂດດັ່ງກ່າວມາເປັນເວລາ 2 ປີ ແຕກພ່າຍໄປ. ອົງການຂ່າວ ເອພີ ໄກ້ໆກັບເມືອງ ກັອກຈາລີ ເວົ້າວ່າ ການສູ້ຮັບກັນຢ່າງ ໜັກໃນວັນເສົາວານນີ້ ພາໃຫ້ກຳລັງຂອງລັດອິສລາມ ຕ້ານຢັນເພື່ອຍາດເອົາຄືນເມືອງດັ່ງ ກ່າວທີ່ໄດ້ເສຍໃຫ້ທະຫານ ອີຣັກ ໄປເມື່ອວັນອັງຄານຜ່ານມານັ້ນ.

ເມື່ອບໍ່ດົນມານີ້ ນາຍົກ ອີຣັກ ໄດ້ໄປຢ້ຽມຢາມທະຫານຂອງທ່ານ ທີ່ແນວໜ້າທາງຕາເວັນ ອອກຂອງ ໂມຊູລ ນຳເອົາສານຂອງທ່ານໄປສູ່ພົນລະເຮືອນທີ່ ໂມຊູລ ທີ່ໄດ້ຕົກເປັນຕົວປະ ກັນຂອງກຸ່ມລັດອິສລາມມາຕັ້ງແຕ່ຖືກຍຶດຄອງນັ້ນ.

ອ່ານຂ່າວນີ້ຕື່ມເປັນພາສາອັງກິດ

XS
SM
MD
LG