ລິ້ງ ສຳຫລັບເຂົ້າຫາ

ເຈົ້າໜ້າທີ່ອີຣັກ ລາອອກ ຫລັງຈາກ ເຫດລະເບີດ ທີ່ຮ້າຍແຮງ


ພວກໄວ້ອາໄລພາກັນຫາມຫີບສົບ ປົກດ້ວຍທຸງອີຣັກ.

ພວກໄວ້ອາໄລພາກັນຫາມຫີບສົບ ປົກດ້ວຍທຸງອີຣັກ.

ລັດຖະມົນຕີກະຊວງ​ພາຍ​ໃນ​ອີຣັກ ​ໄດ້​ສະ​ເໜີ​ລາ​ອອກ​ຈາກ​ຕຳ​ແໜ່​ງ ອັນ​ເປັນ​ພາກສ່ວນ​ນຶ່ງໃນ​ການ​ຕົກ​ຈາກ​ອຳນາດ​ທາງການ​ເມືອງ ຍ້ອນ​ການ​ໂຈມ​ຕີ​ດ້ວຍ​ລະ​ເບີດ​ທີ່​ຮ້າຍ​ແຮງ​ໃນ​ວັນ​ອາທິດ​ແລ້ວ​ນີ້.

ທ່ານ Mohammed Ghabban ​ໃນ​ວັນ​ອັງຄານ​ວານ​ນີ້ ​ໄດ້​ມອບ​ອຳນາດ​ໃຫ້​ແກ່​ຜູ້​ຮອງ​ຂອງ​ທ່ານ ​ຈົນ​ກວ່າ​ວ່າການສະ​ເໜີ​ລາ​ອອກ​ຂອງ​ທ່ານ ໄດ້​ຮັບ​ການພິຈາລະນາໂດຍນາຍົກ
ລັດ ຖະມົນຕີ Haider al-Abadi ຊຶ່ງ​ທ່ານ​ເອງ​ກໍເປັນ​ເປົ້າ​ໝາຍ​ໃນ​ຄວາ​ມ​ໂກດ​ແຄ້ນ​ຂອງ​ປະຊາຊົນຫລັງຈາກ​ການ​ໂຈມ​ຕີ​ດ້ວຍ​ລະ​ເບີດ​ລົດ​ສະຫລະ​ຊີບ ທີ່​ໄດ້​ສັງຫານ​ຢ່າງ​ໜ້ອຍ 175 ຄົນ.

ພວກ​ກູ້​ໄພ​ຍັງ​ສືບ​ຕໍ່​ຊອກ​ຄົ້ນ ​ຢູ່ທີ່​ບ່ອນ​ເກີດ​ລະ​ເບີດ ​ໃນ​ເຂດ Karrada ​ຫາ​ຜູ້​ທີ່​ຫາຍ​ສາບ​ສູນ​ໃນ​ການໂຈມຮ້າຍ​ແຮງ​ສຸດ ທີ່​ໄດ້​ເກີດ​ຂຶ້ນ​ຢູ່​ນະຄອນ​ຫຼວງຂອງ​ອີຣັກ ນັບ​ແຕ່​ສະຫະລັດ​ໄດ້​ບຸກລຸກເຂົ້າ​ໄປ​ ໃນ​ປີ 2003​.

ພວກ​ຫົວ​ຮຸນ​ແຮງ​ລັດ​ອິສລາມ ​ໄດ້​ອ້າງ​ເອົາ​ຄວາມ​ຮັບຜິດຊອບກ່ຽວ​ກັບການວາງ​ລະ​ເບີດ ​ໂດຍ​ກ່າວ​ວ່າ ​ເຂົາ​ເຈົ້າແນ​ເປົ້າ​ໝາຍໃສ່ພວກ Shi’ites.

ການ​ໂຈມ​ຕີ​ໄດ້​ເກີດ​ຂຶ້ນ​ໃກ້​ກັບ​ວັນ​ສຸດ​ທ້າຍ​ຂອງເດືອນ​ສັກສິດ Ramadan​ ​ເວ ລາທູດ​ພິ​ເສດ​ສະຫະ​ປະຊາ​ຊາດ ​ປະຈຳອີ​ຣັກ ທ່ານ Jan Kubis ຫວັງວ່າ​ຢູ່​ທີ່​ນັ້ນຄວາມຮຸນ​ແຮງຈະ​ສະຫງົບ​ລົງ​ເປັນ​ການ​ຊົ່ວຄາວ.

ທ່ານ Kubis ກ່າວ​ວ່າ “ພວກ​ກໍ່​ການ​ຮ້າຍ​ບໍ່​ໄດ້​ລະ​ເວັ້ນ​ໂອກາດ​ການ​ໂຈມ​ຕີ​ຢູ່​ບັນດາຕະ
ຫລາດ ວັດ​ມຸສລິມ ​ແລະ​ບໍລິ​ເວນທີ່​ມີ​ຝູງຊົນ​ເຕົ້າ​ໂຮມ​ກັນ​ ເພື່ອ​ເຮັດ​ໃຫ້​ມີ ​ຈຳນວນ​ພົນລະ​ເຮືອນ​ເສຍ​ຊີວິ​ດຫຼາຍທີ່​ສຸດ ທັງໆ​ທີ່​ເປັນພິທີ​ທາງສາສະໜາ ​ແລະ ບໍ່ເຄົາລົບ​ຕໍ່​ຄຸນ​ຄ່າ​ຂອງ​ອິສລາ​ມ​ເລີຍ.”

ພວກແມ່ຍິງອີຣັກ ພາກກັນໂສກເສົ້າ ໃນຂະນະທີ່ຝຸງຊົນພາກັນໃຕ້ທຽນໄວ້ທຸກແກ່ ຜູ້ເຄາະຮ້າຍຈາກການວາງລະເບີດ.

ພວກແມ່ຍິງອີຣັກ ພາກກັນໂສກເສົ້າ ໃນຂະນະທີ່ຝຸງຊົນພາກັນໃຕ້ທຽນໄວ້ທຸກແກ່ ຜູ້ເຄາະຮ້າຍຈາກການວາງລະເບີດ.

ທີ່​ນະຄອນຫລວງ ວໍຊິງຕັນ ​ໂຄສົກ​ກະຊວງ​ຕ່າງປະ​ເທດ​ສະຫະລັດ ທ່ານ John Kirby ກ່າວ​ໃນ​ວັນ​ອັງຄານ​ວານ​ນີ້​ວ່າ ການ​ໂຈມ​ຕີ​ທາງ​ທະຫານ​ບໍ່​ເປັນ​ທີ່​ພຽງພໍ​ທີ່​ຈະ​ເອົາຊະນະ​ກຸ່ມ​ກໍ່​ການ​ຮ້າຍ​ລັດ​ອິສລາມ​ໄດ້ ​ໂດຍ​ກ່າວ​ຕື່ມ​ວ່າ “ການ​ປຸກລະດົມ​ ​ເພື່ອ​ແກ້​ໄຂ​ບັນຫາ​ຮາກ​ເຫງົ້າຂອງ​ລັດທິ​ຫົວ​ຮຸນ​ແຮງ​ຈັດແມ່ນ​ວິທີ​ທາງ​ດຽວ​ເທົ່າ​ນັ້ນ ທີ່​ຈະ​ເອົາ​ຊນະ​ແບບ​ຍືນ​ຍົງ​ໄດ້.”

ແມ່ຍິງຄົນນຶ່ງຍ່າງຜ່ານບ່ອນຖືກວາງລະເບີດ ທີ່ເຂດ Karrada ທີ່ຊາວ Shi'ite ພັກພາອາຢູ່ອາໄສເປັນສ່ວນໃຫຍ່.

ແມ່ຍິງຄົນນຶ່ງຍ່າງຜ່ານບ່ອນຖືກວາງລະເບີດ ທີ່ເຂດ Karrada ທີ່ຊາວ Shi'ite ພັກພາອາຢູ່ອາໄສເປັນສ່ວນໃຫຍ່.

ທ່ານ Kirby ກ່າວ​ວ່າ ສະຫະລັດ ກຳລັງ​ປະ​ຕິ​ບັດ​ງານ​ຢ່າງ​ໃກ້​ຊິດ​ກັບ​ບັນດາ​ຄູ່​ຮ່ວມ​ງານ ​ຈາກ​ທົ່ວ​ໂລກ ​ເພື່ອ​ຕັດ​ການ​ສື່ສານ ການ​ເງິນແລ​ະຕາໜ່າງການ​ເກັບເກນຂອງ​ລັດ​ອິສ
ລາມ. “ສະຫະລັດໃນ​ເວລາ​ນີ້​ມີ​ຂໍ້ຕົກລົງ ເພື່ອ​ແບ່ງປັນ​ຂໍ້ມູນ​ກັບ ​ຄູ່​ຮ່ວມ​ງານນາໆ​ຊາດ 55 ປະ​ເທດ ເພື່ອ​ລະບຸ​ແລະ​ຕິດ​ຕາມເບິ່ງການ​ເດີນທາງ​ຂອງ​ຜູ້​ຕ້ອງ​ສົງ​ໄສ​ກໍ່​ການ​ຮ້າຍ.

ອ່ານຂ່າວນີ້ເພີ້ມເປັນພາສາອັງກິດ

XS
SM
MD
LG