ລິ້ງ ສຳຫລັບເຂົ້າຫາ

ຕົວ​ເລກ ຜູ້​ເສຍ​ຊີວິດ ຈາກ​ການ​ໂຈມ​ຕີ ​ດ້ວຍລະ​ເບີດລົດ ສະຫລະ​ຊີ​ບ ເພີ້ມຂຶ້ນ ເປັນ 130 ຄົນແລ້ວ


ພົນລະເມືອງສ່ວນໜຶ່ງ ພາກັນໄປເຕົ້າໂຮມກັນ ຢູ່​ທີ່​ບ່ອນ​ໂຈ​ມ​ຕີ ດ້ວຍລົດລະເບີດສະຫລະຊີບ ໃນຕະຫລາດ ທີ່ເມືອງ Khan Bani Saad ຂອງແຂວງ Diyala ຕັ້ງຢູ່ປະມານ
30 ກິໂລແມັດ ໄປທາງທິດຕາເວັນອອກສຽງເໜືອ ຂອງນະຄອນຫຼວງແບກແດດ ປະເທດອີຣັກ, ວັນທີ 18 ກໍລະກົດ 2015.

ພົນລະເມືອງສ່ວນໜຶ່ງ ພາກັນໄປເຕົ້າໂຮມກັນ ຢູ່​ທີ່​ບ່ອນ​ໂຈ​ມ​ຕີ ດ້ວຍລົດລະເບີດສະຫລະຊີບ ໃນຕະຫລາດ ທີ່ເມືອງ Khan Bani Saad ຂອງແຂວງ Diyala ຕັ້ງຢູ່ປະມານ 30 ກິໂລແມັດ ໄປທາງທິດຕາເວັນອອກສຽງເໜືອ ຂອງນະຄອນຫຼວງແບກແດດ ປະເທດອີຣັກ, ວັນທີ 18 ກໍລະກົດ 2015.

ຕົວ​ເລກຈຳນວນ​ຜູ້​ເສຍ​ຊີວິດ ຈາກ​ການ​ໂຈມ​ຕີ​ດ້ວຍລະ​ເບີດລົດ
ສະຫລະ​ຊີ​ບຄັນ​ໜຶ່ງ ໃກ້ໆ​ກັບ​ນະຄອນຫຼວງ ບາກ​ແດດ ​ສືບ​ຕໍ່
ສູ​ງຂຶ້ນຕື່ມ​ອີກ ໃນ​ວັນ​ເສົາ​ວານ​ນີ້ ​ເປັນ​ຈຳນວນຫຼາຍ​ເຖິງ 130
ຄົນ ຊຶ່ງ​ການ​ໂຈມຕີ​ດັ່ງກ່າວ​ໄດ້​ຖືກ​ອ້າງ​ເອົາ​ຄວາມ​ຮັບຜິດຊອບ
​ໂດຍພວກ​ຫົວ​ຮຸນ​ແຮງ​ຈັດ ລັດ​ອິສລາມ.​ ບັນດາ​ເຈົ້າໜ້າ​ທີ່ ​ເອີ້ນ
​ການ​ໂຈມ​ຕີ​ ທີ່​ໄດ້​ເຮັດ​ໃຫ້ຢ່າງ​ນ້ອຍ ອີກ 170 ຄົນບາດ​ເຈັບນີ້
ວ່າ ​ເປັນ​ການ​ໂຈມ​ຕີ​ວາງ​ລະ​ເບີດ​ທີ່ແນ​ໃສ່​ພົນລະ​ເຮືອນອີ​ຣັກ
ທີ່​ຮ້າຍ​ແຮງ​ທີ່​ສຸດ ​ໃນ​ຮອບ​ທົດ​ສະວັດຜ່ານ​ມາ.

ໃນຖະ​ແຫລ​ງການ​ຂອງທຳ​ນຽບຂາວ ສະບັບ​ໜຶ່ງ ​ໄດ້​ປະນາມ
​ການ​ໂຈມ​ຕີ ຢູ່​ທີ່​ຕະຫລາດ ​ໃນ​ແຂວງ ດີ​ຢາ​ລາ ​ໃນວັນ​ເສົາ​
ວານ​ນີ້ ທີ່​ກ່າວ​ວ່າ “​ເປັນເຈດ​ຕະນາ​ເຈາະ​ຈົງ ​ແລະ ມີຈຸດປະສົງ​ອັນໂຫດຮ້າຍ ທີ່​ແນ​ໃສ່ພົນລະ​ເຮືອນ​ອີຣັກ ທີ່​ພວມ​ສະ​ເຫຼີມສະຫຼອງ ວັນພັກສາສະໜາ Eid-al-Fitr”
ທີ່​ເປັນ​ຂີດ​ໝາຍ​ການ​ສິ້ນ​ສຸດ ຂອງເດືອນ​ສັກ​ສິດ Ramadan.

ພົນລະເມືອງຈຳນວນໜຶ່ງ ພາກັນຢືນເບິ່ງ ຫລຸມທີ່ເກີດຈາກ ລົດລະເບີດສະຫລະຊີບ ຢູ່ທີ່ຕະຫລາດແອອັດ ໃນເມືອງ Khan Bani Saad ຂອງແຂວງ Diyala ທີ່ຕັ້ງຢູ່ປະມານ 30 ກິໂລແມັດ ທາງທິດຕາເວັນອອກສຽງເໜືອ ຂອງນະຄອນຫຼວງແບກແດດ ປະເທດອີຣັກ, ວັນທີ 18 ກໍລະກົດ 2015.

ພົນລະເມືອງຈຳນວນໜຶ່ງ ພາກັນຢືນເບິ່ງ ຫລຸມທີ່ເກີດຈາກ ລົດລະເບີດສະຫລະຊີບ ຢູ່ທີ່ຕະຫລາດແອອັດ ໃນເມືອງ Khan Bani Saad ຂອງແຂວງ Diyala ທີ່ຕັ້ງຢູ່ປະມານ 30 ກິໂລແມັດ ທາງທິດຕາເວັນອອກສຽງເໜືອ ຂອງນະຄອນຫຼວງແບກແດດ ປະເທດອີຣັກ, ວັນທີ 18 ກໍລະກົດ 2015.

​ທຳນຽບຂາວ​ ເອີ້ນ​ການ​ໂຈມ​ຕີດ້ວຍ​ລະ​ເບີດ ເມື່ອ​ຕອນ​ຄ່ຳ ​ວັນ​ສຸກ​ຜ່ານ​ມາ ​ໃນ​ຕະຫລາດ
​ຂອງ​ເມືອງ Khan Beni Saad ທີ່​ມີຊາວຊີ​ໄອອາ​ໄສ​ຢູ່ເປັນ​ສ່ວນ​ໃຫຍ່ ນັ້ນ ວ່າ “ມັນຍັງ​
ເປັນ​ຕົວຢ່າງ​ ອັນ​ແສນ​ສາຫັດ​ອີກ​ອັນ​ໜຶ່ງ ຂອງ​ຄວາມ​ຮ້າຍ​ກາດ ທີ່​ກຸ່ມ​ກໍ່​ການ​ຮ້າຍ
ISIL ສືບ​ຕໍ່​ຮຸກ​ຮານ​ປະຊາຊົນ​ອີກຣັກ.”

ລະ​ເບີດ​ທີ່​ແຕກ​ຂຶ້ນດັ່ງກ່າວ​ ໄດ້ທະ​ລົ່ມອາຄານຕ່າງໆ ລົງທັບ​ເອົາຜູ້​ເຄາະ​ຮ້າຍຫຼາຍໆ​ຄົນ
​ແລະ ​ເຮັດ​ໃຫ້​ຖະໜົນ​ຫົນທາງ​ໃນ​ບໍລິ​ເວນ ເຕັມ​ໄປ​ດ້ວຍ​ຊາກ​ຫັກ​ພັງ ​ແລະ ຊິ້ນ​ສ່ວນ​ຂອງ
ຊາກສົບຕ່າງໆ. ບັນດາ​ເຈົ້າໜ້າ​ທີ່ ຍັງ​ພາກັນ​ທຳ​ງານ​ຈົນ​ຮອດ​ເດິກ​ຂອງ​ວັນ​ເສົາວານ​ນີ້
​ເພື່ອ​ທີ່​ຊອກ​ຫາ​ຜູ້ເຄາະ​ຮ້າຍ ທີ່​ຖືກ​ຝັງ​ຢູ່​ໃຕ້​ຊາກ​ຫັກ​ພັງ​ນັ້ນ.

ທູດ​ພິ​ເສດອົງການ​ສະຫະ​ປະຊາ​ຊາດ ປະຈຳຢູ່ໃນປະ​ເທດ​ອີຣັກ ​ໄດ້​ອອກ​ຖະ​ແຫລ​ງການ
​ສະບັບ​ໜຶ່ງ ທີ່​ບັນ​ລະ​ຍາຍ​ເຖິງ​ການ​ໂຈມ​ຕີ​ວ່າ “ການ​ເຂັ່ນຂ້າ​ທີ່ສະ​ຍົດ​ສະ​ຍອງນີ້ ​ແທ້
ຈິງ​ແລ້ວ ​ແມ່ນ​ນອກ​ເໜືອ ຈາກຂອບ​ເຂດ ​ພຶດຕິ​ກຳ​ຂອງອາຣິຍະ​ທຳທີ່​ຈະ​ເລີ​ນ
ຮຸ່ງ​ເຮືອງ.”

ພວກຫົວ​ຮຸນ​ແຮງ​ລັດ​ອິສລາມ ​ໄດ້​ເຂົ້າ​ໄປ​ໃນ​ອິນ​ເຕີ​ເນັດ​ໃນ​ວັນ​ເສົາ​ວານ​ນີ້ ​ເພື່ອ​ໂອ້​ອວດ​
ການ​ໂຈມ​ຕີ​ນັ້ນ ​ໂດຍ​ກ່າວ​ວ່າ ມັນ​ເປັນ​ການ​ແນ​ໃສ່​ເພື່ອ​ສັງຫານ​ຊາວ​ມຸສລິ​ມຊີ​ໄອ.

XS
SM
MD
LG