ລິ້ງ ສຳຫລັບເຂົ້າຫາ

50 ຄົນ ເສຍຊີວິດ ຍ້ອນເຫດລະເບີດ ແລະການໂຈມຕີ ຢູ່ອີຣັກ (ວີດິໂອແລະສະໄລດ໌)


ຜູ້ຄົນພາກັນກວດເບິ່ງຄວາມເສຍຫາຍຕໍ່ເຮືອນຊານເຂົາເຈົ້າ ຍ້ອນການວາງລະເບີດລົດ ທີ່ໃຊ້ໂຈມຕີໃນເມືອງ al-Mashtal ໃນນະຄອນ Baghdad ຂອງອີຣັກ ໃນວັນທີ 19 ມີນາ 2013.

ຜູ້ຄົນພາກັນກວດເບິ່ງຄວາມເສຍຫາຍຕໍ່ເຮືອນຊານເຂົາເຈົ້າ ຍ້ອນການວາງລະເບີດລົດ ທີ່ໃຊ້ໂຈມຕີໃນເມືອງ al-Mashtal ໃນນະຄອນ Baghdad ຂອງອີຣັກ ໃນວັນທີ 19 ມີນາ 2013.

ເຈົ້າໜ້າທີ່ອີຣັກເວົ້າວ່າ ການວາງລະເບີດ ແລະການໂຈມຕີ
ຫຼາຍຄັ້ງ ໄດ້ສັງຫານຢ່າງໜ້ອຍ 50 ຄົນແລະເຮັດໃຫ້ອີກ
160 ຄົນໄດ້ຮັບບາດເຈັບ ຢູ່ໃນຄຸ້ມທີ່ມີຊາວ Shi’ite ອາໄສ
ຢູ່ເປັນສ່ວນໃຫຍ່ໃນນະຄອນຫລວງແບກແດດນັ້ນ.

ການກໍ່ຄວາມຮຸນແຮງໃນວັນອັງຄານມື້ນີ້ໄດ້ເກີດຂຶ້ນນຶ່ງມື້ກ່ອນ
ຮອດວັນຄົບຮອບ 10 ປີ ທີ່ໄດ້ມີການບຸກເຂົ້າໄປໃນປະເທດ
ອີຣັກ ພາຍໃຕ້ການນໍາພາຂອງສະຫະລັດ ແລະນຶ່ງເດືອນກ່ອນ
ໜ້າການເລືອກຕັ້ງຄັ້ງທໍາອິດຂອງອີຣັກໃນຮອບສາມປີ.

ຫ້ອງການຂອງນາຍົກລັດຖະມົນຕີອີຣັກ ໄດ້ປະກາດວ່າ ການເລືອກຕັ້ງທີ່ຈະຈັດຂຶ້ນ ໃນວັນທີ 20 ເມສາທີ່ຈະມາເຖິງນີ້ ອາດຈະມີການຊັກຊ້າເຖິງ 6 ເດືອນ ຢູ່ໃນແຂວງ Anbar ແລະ Ninevah ຍ້ອນມີການນາບຂູ່ຕ່າງໆນາໆ ແລະການສັງຫານຜູ້ສະໝັກ
ເລືອກຕັ້ງຫລາຍຄົນ.

ລະເບີດໄດ້ສັ່ນສະເທືອນຫລາຍຄຸ້ມ ໃນນະຄອນຫຼວງ Bagdad ລວມທັງຄຸ້ມ Sadr
ແລະໃກ້ໆເຂດ Green Zone ທີ່ມີການຍາມຮັກສາຄວາມປອດໄພຢ່າງເຄັ່ງຄັດຊຶ່ງ
ເປັນບ່ອນທີ່ສະຖານທູດຂອງບັນດາປະເທດຕາເວັນຕົກຕັ້ງຢູ່.

ເບິ່ງວີດິໂອກ່ຽວຂ້ອງກັບຂ່າວນີ້:

ຍັງບໍ່ມີໃຜອ້າງເອົາຄວາມຮັບຜິດຊອບໃນທັນທີຕໍ່ການໂຈມຕີດັ່ງກ່າວນີ້ເທື່ອ.

ພວກຫົວຮຸນແຮງຊາວຊຸນນີໃນອີຣັກ ມັກທໍາການໂຈມຕີຊາວ Shi’ite ທີ່ ເປັນຊົນເຜົ່າ
ກຸ່ມໃຫຍ່ຂອງປະເທດຢູ່ເລື້ອຍມາ ເພື່ອກໍ່ຄວາມເຄັ່ງຕຶງທາງສາສະໜາ ແລະບ່ອນທໍາ
ລາຍລັດຖະບານຂອງນາຍົກ Nouri al-Maliki ຊຶ່ງເປັນຊາວ Shi’ite ນັ້ນ.

ເບິ່ງຮູບສະໄລດ໌ກ່ຽວຂ້ອງກັບຂ່າວນີ້:

XS
SM
MD
LG