ລິ້ງ ສຳຫລັບເຂົ້າຫາ

ອີຣ່ານ ແລະສະຫະລັດ ໂອ້ລົມກັນ ກ່ຽວກັບ ການບັນເທົາ ການລົງໂທດ


ພະນັກງານໃນສະຖານທີ່ກັ່ນທາດ Uranium ໃນ Iran, 30 ມີນາ, 2005.

ພະນັກງານໃນສະຖານທີ່ກັ່ນທາດ Uranium ໃນ Iran, 30 ມີນາ, 2005.

ຄວາມເປັນ​ຫ່ວງ​ເປັນ​ໃຍ​ຂອງ​ອີຣ່ານ ກ່ຽວ​ກັບ​ການບໍ່​ໄດ້​ຮັບການບັນ​ເທົາ ໃນການ​ຫຼຸດຜ່ອນ​ການລົງ​ໂທດ​ຕໍ່​ຕົນ ​ແລະການ​ເຈລະຈາ​ທາງ​ການ​ເມືອງ​ຂອງ​ຊິ​ເຣຍທີ່​ເກີດ​ມີ​ບັນຫາ ຈະ​ເປັນ​ຈຸດ​ເພັ່ງ​ເລັງ​ຂອງ​ລັດຖະມົນຕີ​ການ​ຕ່າງປະ​ເທດ​ສະຫະລັດ ທ່ານ John Kerry ​ໃນ​ຂະນະ​
ທີ່​ທ່ານ​ໄດ້​ນັ່ງ​ໂອ້​ລົມສົນທະນາ​ກັນ​ກັບ​ຄູ່​ຕຳ​ແໜ່​ງຝ່າຍອີຣ່ານ ໃນ​ວັນ​ອັງຄານ​ມື້​ນີ້.

ທ່ານ Kerry ​ແລະ​ທ່ານ Mohammad Javad Zarif ລັດຖະມົນຕີ​ການ​ຕ່າງ​ປະ​ເທດຂອງ​ອີຣ່ານຈະ​ພົບ​ປະກັນ​ທີ່​ນະຄອນນິວຢ໊ອກ ໃນ​ການ​ເລີ້ມ​ຕົ້ນ​ການ​ຢ້ຽມຢາມາຂອງ​ທ່ານ Kerry ທີ່ຈະ​ຮວມ​ທັງ​ການ​ຢຸດ​ແວ່ທີ່​ປະ​ເທດອີ​ຈິບ ​ແລະ Saudi Arabia.

​ເຈົ້າ​ໜ້າ​ທີ່​ອີຣ່ານ ​ໄດ້​ຈົ່ມ​ວ່າ ປະ​ເທດ​ຂອງ​ຕົນ ​ແມ່ນ​ບໍ່​ໄດ້​ຮັບ​ການ​ບັນ​ເທົາ​ຈາກການ​ລົງ​ໂທດ ​ຕາມ​ທີ່​ໄດ້​ກຳນົດ​ໄວ້ ​ໃນ​ແຜນປະຕິບັດ​ງານ​ຮ່ວມຮອບດ້ານ ຫຼື JCPOA ກໍ​ຄື​ ຂໍ້​ຕົກລົງນິວ​ເຄລຍ​ຄັ້ງປະຫວັດສາດ ທີ່ເລີ້ມມີ​ການຈັດຕັ້ງປະຕິບັດ​ໃນ​ເດືອນ​ມັງກອນແລ້ວນີ້.

ລັດຖະມົນຕີ ການຕ່າງປະເທດສະຫະລັດ ທ່ານJohn Kerry, ຊ້າຍ, ພົບປະກັບທ່ານ Mohammad Javad Zarif ລັດຖະມົນຕີ ການຕ່າງປະເທດອີຣ່ານ ສະໜັກງານໃຫຍ່ຂອງອົງການສະຫະປະຊາຊາດ, 26 ກັນຍາ, 2015.

ລັດຖະມົນຕີ ການຕ່າງປະເທດສະຫະລັດ ທ່ານJohn Kerry, ຊ້າຍ, ພົບປະກັບທ່ານ Mohammad Javad Zarif ລັດຖະມົນຕີ ການຕ່າງປະເທດອີຣ່ານ ສະໜັກງານໃຫຍ່ຂອງອົງການສະຫະປະຊາຊາດ, 26 ກັນຍາ, 2015.

ທ່ານ Zarif ​ໄດ້​ກ່າວ​ໃນ​ກອງ​ປະຊຸມ​ຖະ​ແຫຼ​ງຂ່າວ​ຮ່ວມ​ ກັບຫົວໜ້າ​ດ້ານ​ນະ​ໂຍບາຍ​ຕ່າງປະ ເທດ​ ຂອງ​ສະຫະພາບ​ຢູ​ໂຣບ ທ່ານນາງ Federica Mogherini ​ວ່າ “ທຸກ​ປະ​ເທດ ​ຄວນ​ເອົາ​ມາດ​ຕະການ​ທີ່ຈຳ​ເປັນ ເພື່ອ​ກຳຈັດອຸບປະສັກຕ່າງໆ ໃນ​ການຈັດຕັ້ງປະຕິບັດ ​ຂໍ້​ຕົກລົງ​ ​ນິວ​ເຄລຍດັ່ງກ່າວນີ້”

ທ່ານ Zarif ​ໄດ້​ກ່າວ​ເພີ້​ມຕື່ມ​ວ່າ “ພວກ​ເຮົາ​ໄດ້​ເຫັນທ່າ​ທີຂອງ​ສະຫະລັດ​ແລ້ວ ​ສະ​ນັ້ນພວກ​ເຮົາ ຈະ​ກົດ​ດັນ​ໃຫ້​ສະຫະລັດ ​ແລະ​ສະຫະພາບ​ຢູ​ໂຣບ ກໍ​ຈະ​ແຜ່ວທາງ ຊຶ່ງ​ຈະ​ປ​ະສານ​ງານ​ກັນ ລະຫວ່າງ​ບັນດາ​ທະນາຄານຕ່າງໆ ​ທີ່​ບໍ່​ແມ່ນ​ຂອງ​ສະຫະລັດ ​ແລະ​ອິຣ່ານ.”

ທ່ານ Josh Earnest ​ໂຄສົກ​ທຳນຽບຂາວ ​ໄດ້​ກ່າວວ່າ “ສະຫະລັດ ​ໄດ້​ເຮັດ​ພັນທະ​ຂອງ ຕົນ ຕໍ່ຂໍ້​ຕົກລົງ JCPOA. ທ່ານ​ຍັງ​ໄດ້​ກ່າວ​ອີກ​ຕື່ມ​ວ່າ ການ​ເຂົ້າ​ເຖິງ​ຂອງ​ລະບົບ​ການ​ເງິນ​ຂອງ​ສະຫະລັດ ​ໂດຍ​ອີຣ່ານນັ້ນ ບໍ່​ແມ່ນ​ສ່ວນ​ນຶ່ງ​ຂອງ​ຂໍ້​ຕົກລົງ.”

ໃນ​ວັນ​ຈັນ​ວານ​ນີ້ ​ທ່ານ John Kirby ໂຄສົກ ​ກະຊວງ​ການ​ຕ່າງປະ​ເທດ ​ໄດ້​ຮັບ​ຮູ້ວ່າ ທ່ານ​ຄາດ​ຫວັງ​ວ່າ ບັນຫາ​ການ​ລົງ​ໂທດດັ່ງກ່າວ​ນີ້ ຈະ​ຖືກ​ນຳ​ຂຶ້ນ​ມາ​ໂອ້​ລົມ​ກັນລະຫວ່າງ​ທ່ານ John Kerry ແລະ​ທ່ານ Javad Zarif ໃນ​ວັນ​ອັງຄານ ມື້​ນີ້.

“ພວກ​ເຮົາ​ຮູ້​ໄດ້ເຖິງ ຄວາມ​ເປັນ​ຫວ່ງ​ເປັນໃຍທິ່ພວກ​ທ່ານໄດ້ສະ​ແດງ​ອອກ ກ່ຽວ​ກັບ​ສະພາບ​ການ​ບັນ​ເທົາການ​ລົງ​ໂທດທີ່​ວ່າ​ນີ້ ​ແລະ​ລັດຖະມົນຕີ Kerry ​ກໍຄຳນຶງ​ເຖິງ​ເລື້ອງ​ນີ້ ​ແລະ​ວ່າ​ຈະ​ຖືກນຳ​ຂຶ້ນ​ມາ​ໂອ້​ລົມ​ກັນ.”

ເຊີນອ່ານເພີ້ມຕື່ມໃນພາສາອັງກິດ

XS
SM
MD
LG