ລິ້ງ ສຳຫລັບເຂົ້າຫາ

ຈຳນວນ ຜູ້ເສຍຊີວິດ ຊາວອີຣ່ານ ໃນ ການສະແຫວງບຸນ Hajj ມີ 464 ຄົນ


ບັນດາຜູ້ສະແຫວງບຸນ ຊາວມຸສລິມ ແລະ ພະນັກງານກູ້ໄພ ເຕົ້າໂຮມກັນອ້ອມສົບຜູ້ເຄາະຮ້າຍ ຈາກເຫດຢຽບກັນຕາຍ ໃນເມືອງ Mina ປະເທດຊາອຸດີ ອາຣາເບຍ ໃນລະຫວ່າງ ການສະແຫວງບຸນ hajj ປະຈຳປີ, ວັນພະຫັດ ທີ 24 ກັນຍາ 2015.

ບັນດາຜູ້ສະແຫວງບຸນ ຊາວມຸສລິມ ແລະ ພະນັກງານກູ້ໄພ ເຕົ້າໂຮມກັນອ້ອມສົບຜູ້ເຄາະຮ້າຍ ຈາກເຫດຢຽບກັນຕາຍ ໃນເມືອງ Mina ປະເທດຊາອຸດີ ອາຣາເບຍ ໃນລະຫວ່າງ ການສະແຫວງບຸນ hajj ປະຈຳປີ, ວັນພະຫັດ ທີ 24 ກັນຍາ 2015.

ອົງ​ການ​ຈັດ​ງານ​ສະ​ແຫວ​ງບຸນ Hajj ຂອງອີຣ່ານ ກ່າວ​ໃນ​ວັນ​
ພະຫັດ​ມື້​ນີ້ ວ່າ ​ປັດຈຸ​ບັນ​ນີ້ ໄດ້ມີ​ການ​ຢັ້ງຢືນແລ້ວວ່າ ​ມີຊາວ​
ອີຣ່ານ 464 ຄົນ ​ໄດ້ເສຍ​ຊີວິດ ຫຼັງຈາກ​ເຫດການ​ຢຽບກັນຕາຍ
​ເມື່ອ​ອາທິດ​ແລ້ວ​ນີ້ ​ໃນ​ລະຫວ່າງ ການສະ​ແຫວ​ງບຸນປະຈຳ​ປີ​
ຂອງ​ຊາວ​ມຸສລິ​ມ ຢູ່​ໃນ ຊາ​ອຸ​ດີ ອາຣາ​ເບຍ.

ກ່ອນ​ໜ້າ​ວັນ​ພະຫັດ​ມື້​ນີ້ ຕົວ​ເລກ​ລວມຂອງພວກທີ່​ເສຍ​ຊີວິດ
ຊາວອີຣ່ານ ​ແມ່ນ​ເຄິ່ງນຶ່ງ​ຂອງ​ຈຳນວນ​ດັ່ງກ່າວ ​ເພາະຍັງ​ບໍ່​ຮູ້ຈັກ
ຊາຕາ​ກຳ​ຂອງ​ຜູ້​ຄົນອີກຈຳນວນນຶ່ງນັບ​ຕັ້ງ​ແຕ່​ການ​ຢຽບກັນຕາຍ
​ຂອງ​ພວກສະ​ແຫວ​ງບຸນ ທີ່ໄດ້​ເກີດ​ຂຶ້ນຢູ່​ນອກ​ນະຄອນ Mecca
​ເມື່ອ​ອາທິດ​ແລ້ວ​ນີ້. ບັນດາ​ເຈົ້າ ໜ້າ​ທີ່ ຊາ​ອຸ​ດີ ອາຣາ​ເບຍ ​ໄດ້​ກ່າວ​ວ່າ ຕົວ​ເລກ​ລວມຂອງ​ຜູ້​
ເຄາະ​ຮ້າຍ ​ມີຢາງ​ໜ້ອຍ 769 ຄົນ ​ໂດຍ​ມີຊາວ​ອີຣ່ານ​ເປັນ​ສ່ວນ​ໃຫຍ່.

ພວກ​ສະ​ແຫວ​ງບຸນ ​ໄດ້​ຕຳ​ໜິການ​ຢຽບ​ກັນ​ຕາຍ ຢູ່​ທີ່ເມືອງ Mina ວ່າ ​ເປັນ​ຍ້ອນ​ການ​ປິດທາງ​ຂອງ​ຕຳຫຼວດ ​ແລະ ການ​ຈັດການ​ທີ່​ຂີ້ຮ້າຍ.

ບັນດາ​ເຈົ້າໜ້າ​ທີ່​ອີຣ່ານ​ໄດ້​ຕຳໜິຕິຕຽນ​ ຊາ​ອຸ​ດີ ອາຣາ​ເບຍ ຢ່າງ​ໜັກ ​ໃນ​ຂະນະ​ທີ່ ຊາວ​ອີຣ່ານ​
ໄດ້​ຈັດຕັ້ງການ​ປະ​ທ້ວງ​ປະຈຳ​ວັນ ຢູ່​ນອກ​ສະຖານທູດ​ຊາອຸ​ດີ​ອາຣາ​ເບຍ ​ໃນ​ນະຄອນຫຼວງ​ເຕຫະຣ່ານ.

ທັງ​ສອງ​ປະ​ເທດ ​ໄດ້​ທຳ​ການ​ເຈລະຈາ ​ໃນ​ວັນ​ພຸດ​ວານ​ນີ້ ​ແລະ ​ໄດ້​ຕົກລົງ​ກັນ ​ເພື່ອ​ສົ່ງ​ມອບ​ສົບ​ຊາວ​ອີຣ່ານ ຜູ້​ທີ່​ເສຍ​ຊີວິດກັບຄືນ​ປະ​ເທດ ໂດຍໄວເທົ່າ​ທີ່​ເປັນ​ໄປ​ໄດ້.

ຜູ້ນຳ​ສູງ​ສຸດ​ຂອງ​ອີຣ່ານ Ayatollah Ali Khamenei ​ໄດ້ເຕືອນ​ວ່າ ຊາ​ອຸ​ດີ ອາຣາ​ເບຍ ຈະ​ຕ້ອງ​ປະ​ເຊີນ​ໜ້າ​ກັບ ມາດ​ຕະການ​ທີ່ “ຮຸນ​ແຮງ” ຖ້າ​ຄູ່​ປໍ​ລະ​ປັກ​ໃນ​ຂົງ​ເຂດ​ ບໍ່​ສົ່ງ​ສົບຂອງ​ພວກ​ສະ​ແຫວ​ງບຸນຊາວ​ອີຣ່ານ ກັບ​ຄືນ​ປະ​ເທດ.

​ໄດ້​ມີເຫດ​ຢຽບ​ກັນ​ຕາຍມາຫຼາຍຄັ້ງ​ແລ້ວ ​ໃນ​ລະຫວ່າງ ການສະ​ແຫວ​ງ ບຸນ Hajj ​ແຕ່​ການ ສະ​ແຫວ​ງບຸນ​ໃນ​ປີ​ນີ້ ​ແມ່ນ​ຮ້າຍແຮງ​ທີ່​ສຸດ ນັບ​ຕັ້ງ​ແຕ່ ປີ 1990 ​ເປັນຕົ້ນມາ ​ເວລາຫຼາຍກວ່າ 1,400 ຄົນ​ໄດ້​ເສຍ​ຊີວິດ.

XS
SM
MD
LG