ລິ້ງ ສຳຫລັບເຂົ້າຫາ

ບັນດາ ປະເທດ ມະຫາອຳນາດ ເລີ້ມເຈລະຈາ ກັບອີຣ່ານ (ວີດີໂອ)


ຫົວໜ້າຄະນະເຈລະຈາຂອງອີຣ່ານ ທ່ານ Saeed Jalili (ຂວາ) ແລະທ່ານນາງ Catherine Ashton ຫົວໜ້ານະໂຍບາຍ ການຕ່າງປະເທດຂອງສະຫະພາບຢູໂຣບ ຖ່າຍຮູບຮ່ວມກັນ ກ່ອນການເຈລະຈາ ທີ່ນະຄອນ Almaty (5 ເມສາ 2013)

ບັນດາປະເທດມະຫາອຳນາດຂອງໂລກແລະອີຣ່ານ ເລີ້ມການ
ປະຊຸມເປັນເວລາ 2 ມື້ ກ່ຽວກັບໂຄງການນິວເຄລຍຂອງເທຫະ
ຣ່ານ.

ການເຈລະຈາຫາລືດັ່ງກ່າວໄຂຂຶ້ນທີ່ນະຄອນ Almaty ປະເທດ Kazakhstan ໃນວັນສຸກ ມື້ນີ້ ໂດຍມີ 5 ປະເທດສະມາຊິກຖາ ວອນຂອງສະພາຄວາມໝັ້ນຄົງອົງການສະຫະປະຊາຊາດບວກ
ເຢຍຣະມັນ ແລະອີຣ່ານເຂົ້າຮ່ວມ.

ໂຄສົກຄົນນຶ່ງຂອງທ່ານນາງ Catherine Ashton ຫົວໜ້າດ້ານ ນະໂຍບາຍການຕ່າງປະເທດຂອງສະຫະພາບຢູໂຣບກ່າວຕໍ່ພວກນັກຂ່າວໃນວັນສຸກມື້ນີ້ວ່າ ກຸ່ມ 5 ປະເທດມະຫາອຳນາດ ບວກເຢຍຣະມັນ ຫຼື P5+1 ຫວັງວ່າ ອີຣ່ານຈະໃຫ້ຄຳຕອບຕໍ່ ຂໍ້ສະເໜີທີ່ກຸ່ມດັ່ງກ່າວໄດ້ມອບໃຫ້ແກ່ອີຣ່ານໃນເດືອນກຸມພາຜ່ານມາ. ຂໍ້ສະເໜີເຫຼົ່ານີ້ແມ່ນ ຮວມທັງໃຫ້ອີຣ່ານອັດສະຖານທີ່ນິວເຄລຍແຫ່ງນຶ່ງແລະກຳຈັດທາດຢູເຣນຽມກັ່ນແລ້ວທີ່ເກັບ ສະສົມໄວ້ເພື່ອເປັນການແລກປ່ຽນກັບການອະນຸຍາດໃຫ້ມີການຄ້າຂາຍຜະລິດຕະພັນບາງ ຢ່າງຊຶ່ງຖືກຫ້າມພາຍໃຕ້ການລົງໂທດຂອງນາໆຊາດໃນເວລານີ້.

ໃນວັນພະຫັດວານນີ້ ຫົວໜ້າເຈລະຈາ ກ່ຽວກັບເລື່ອງນິວເຄລຍຂອງອີຣ່ານ ທ່ານ Saeed Jalili ທວງໃຫ້ບັນດາປະເທດມະຫາອຳນາດຂອງໂລກຮັບຮູ້ສິດທິໃນການກັ່ນທາດຢູເຣນຽມ ຂອງອີຣ່ານ.

ສະຫະລັດແລະບັນດາປະເທດພັນທະມິດ ກ່າວຫາອີຣ່ານວ່າ ເກັບສະສົມທາດຢູເຣນຽມກັ່ນ ແລ້ວທີ່ມີຄຸນນະພາບສູງອັນເປັນພາກສ່ວນນຶ່ງຂອງແຜນການລັບເພື່ອສ້າງອາວຸດນິວເຄລຍ. ເຕຫະຣ່ານຢືນຢັດວ່າ ໂຄງການນິວເຄລຍຂອງຕົນມີຈຸດປະສົງໃນທາງສັນຕິ.

ເຈົ້າໜ້າທີ່ອະວຸໂສທ່ານນຶ່ງຂອງສະຫະລັດກ່າວໃນມື້ວັນພຸດຜ່ານມານີ້ວ່າ ບັນດາປະເທດມະ ຫາອຳນາດຂອງໂລກຕ້ອງການຢາກໃຫ້ອີຣ່ານໃຫ້ຄຳຕອບແບບໜັກແໜ້ນແລະມີແກ່ນສານ ສຳຄັນ ຕໍ່ຂໍ້ສະເໜີຂອງພວກເຂົາເຈົ້າ.

ເຈົ້າໜ້າທີ່ສະຫະລັດທ່ານນີ້ກ່າວຢໍ້າວ່າ ປະທານາທິບໍດີບາຣັກ ໂອບາມາ ຢາກໃຫ້ມີການແກ້ ໄຂບັນຫາດັ່ງກ່າວ ໂດຍທາງການທູດ ແຕ່ກໍຍັງເປີດກວ້າງທາງເລືອກຕ່າງໆໄວ້ຢູ່ ເພື່ອຮັບມື ກັບສະຖານະການ.

XS
SM
MD
LG