ລິ້ງ ສຳຫລັບເຂົ້າຫາ

ອີຣ່ານກໍານົດ ການໂອ້ລົມກັນ ເລື້ອງນີວເຄຍ ໃສ່ເດືອນໜ້າ

  • ສິງ ບູຣົມມະວົງ

ທ່ານ Ali Akbar Salehi ລັດຖະມົນຕີຕ່າງປະເທດອີຣ່ານ. ວັນທີ 28 ມີນາ 2012.

ລັດຖະມົນຕີ​ຕ່າງປະ​ເທດ​ອີຣ່ານກ່າວ​ວ່າ ທ່ານ​ຄາດ​ວ່າການ​ໂອ້​ລົມສົນທະນາ​ກັນ​ຮອບ​ໃໝ່​ກັບ​ພວກ​ປະ​ເທດ​ມະຫາ​ອໍານາດ​ຂອງ​ໂລກກ່ຽວ​ກັບ​ໂຄງການ​ນີວ​ເຄລຍຂອງ​ອີຣ່ານ ຈະ​ເລີ້ມ​ຂຶ້ນ​ໃນ​ວັນ​ທີ 13 ເມສາ​ຕໍ່ໜ້າ​ນີ້ ​ແຕ່​ວ່າຍັງ​ບໍ່​ທັນ​ໄດ້​ກໍານົດ​ສະຖານ​ທີ່​ພົບ​ປະກັນເທື່ອ.

ທ່ານ Ali Akbar Salehi ກ່າວ​ຕໍ່​ສື່​ມວນ​ຊົນ​ຂອງ​ລັດ ​ໃນ​ວັນ​ພຸດ​ມື້ນີ້​ວ່າ ຈະ​ມີ​ການກໍານົດ​ສະຖານ​ທີ່​ໃນ​ອີກ​ບໍ່​ເທົ່າ​ມື້​ຂ້າງ​ໜ້າ​ນີ້ສໍາລັບ​ການ​ພົບ​ປະ​ກັບ 5 ປະເທດ​ສະມາຊິກ​ຖາວອນ​ຂອງ​ສະພາ​ຄວາມ​ໝັ້ນຄົງ​ສະຫະ​ປະຊາ​ຊາດທີ່​ປະກອບ​ດ້ວຍ​ສະຫະລັດ ຈີນ ຣັດ​ເຊຍ ອັງກິດ​ແລະ​ຝຣັ່ງ ບວກ​ກັບເຢຍຣະມັນ.

ການ​ໃຫ້​ຄວາມ​ເຫັນດັ່ງກ່າວຂອງ​ລັດຖະມົນຕີ​ຕ່າງປະ​ເທດ​ອີຣ່ານມີ​ຂຶ້ນ​ໃນ​ຂະນະ​ທ່ານ​ໃຫ້​ການ
ຕ້ອນຮັບ​ນາຍົກລັດຖະມົນຕີ​ເຕີ​ກີທ່ານ Recep Tayyip Erdogan ທີ່​ເດີນທາງໄປຍັງ​ກຸງ
ເຕຫະຣ່ານ​ເພື່ອ​ທໍາ​ການພົບ​ປະ​ກັບ​ປະທານາທິບໍດີ Mahmoud Ahmadinejad ​ແຫ່ງ​
ອີຣ່ານແລະ​ບັນດາ​ເຈົ້າ​ໜ້າ​ທີ່​ອື່ນໆ​ ເພື່ອ​ໂອ້​ລົມ​ສົນທະນາ​ກັນ​ເລື້ອງ​ນີວ​ເຄລຍຂອງ​ອີຣ່ານ
ນັ້ນ.

ໂຄສົກ​ຂອງທ່ານ​ນາງ Catherine Ashton ຫົວໜ້າວາງ​ນະ​ໂຍບາຍຂອງ​ສະຫະພາບ​ຢູ​
ໂຣບກ່າວ​ວ່າ ຍັງ​ບໍ່​ທັນມີ​ຂໍ້​ຕົກລົງ​ກັນ​ເລື້ອງ​ເວລາຫຼື ສະຖານ​ທີ່​ສໍາລັບ​ການ​ເຈລະຈາ​ກັນ​
ຮອບ​ໃໝ່ເທື່ອ.

ອີຣ່ານຢາກ​ທໍາ​ການ​ພົບ​ປະ​ກັບ 6 ປະ​ເທດ​ມະຫາ​ອໍານາດ​ໃນ​ເດືອນ​ໜ້າທີ່​ກຸງ​ອິສຕັງ​ບູລ
ນະຄອນຫຼວງຂອງ​ເຕີ​ກີ ບ່ອນ​ທີ່​ການ​ພົບ​ປະ​ເຈລະຈາ​ກັນ​ຮອບ​ກ່ອນ​ພັງ​ທະລາຍ​ລົງ​ໃນ
ເດືອນ​ມັງກອນ​ປີ 2011 ນັ້ນ.

XS
SM
MD
LG