ລິ້ງ ສຳຫລັບເຂົ້າຫາ

ວັນສຸກ, ໒໙ ມີນາ ໒໐໒໔

ອີຣ່ານ ຈະໃຊ້ເວລາ ຢ່າງໜ້ອຍນຶ່ງປີ ຈຶ່ງຈະສ້າງ ອາວຸດ ນິວເຄລຍໄດ້


ຊາວປະແລສຕາຍ ຄົນນຶ່ງຢ່າງຜ່ານໃກ້ບ່ອນ ທີ່ທ່ານ Barack Obama ຈະໄປຢ້ຽມຢາມໃນເມຶອງ Ramalla, West Bank
ຊາວປະແລສຕາຍ ຄົນນຶ່ງຢ່າງຜ່ານໃກ້ບ່ອນ ທີ່ທ່ານ Barack Obama ຈະໄປຢ້ຽມຢາມໃນເມຶອງ Ramalla, West Bank
ປະທານາທິບໍດີ​ສະຫະລັດ ທ່ານ Barack Obama ກ່າວ​ວ່າ
ອີຣ່ານ​ຈະ​ໃຊ້​ເວລາ​ຫລາຍ​ກວ່າ​ນຶ່ງ​ປີ ຫລື​ຫຼາຍ​ກວ່ານັ້ນອີກ ທີ່​
ຈະ​ສ້າງ​ລະ​ເບີດ​ນິວ​ເຄລຍ​ໄດ້ ​ແຕ່​ກໍ​ເວົ້າ​ວ່າ ທ່ານບໍ່​ຢາກ​ລໍຖ້າ
ຈົນໃກ້ຈະ​ຮອດເສັ້ນຕາຍ.

ທ່ານ Obama ກ່າວ​ຕໍ່​ໂທລະພາບ ອິສຣາ​ແອ​ລ ​ໃນ​ວັນ​ພະ
ຫັດ​ວານ​ນີ້ ວ່າ ທາງ​ເລືອກ​ທັງ​ໝົດ ​ແ​ມ່ນ​ວາງ​ໄວ້​ຢູ່​ເທິງ​ໂຕະ
ແລະສະຫະລັດມີ​ຄວາມສາມາດ​ທີ່​ສໍາຄັນ ຖ້າວ່າການ​ທູດຫາກ​ລົ້ມ​ແຫລວ.

ຮອງ​ທີ່​ປຶກສາ​ ດ້ານຄວາມ​ປອດ​ໄພ​ແຫ່ງ​ຊາດ ​ຂອງສະຫະລັດ ທ່ານ Ben Rhodes ກ່າວໃນ​ວັນ​ພະຫັດ​ວານ​ນີ້​ວ່າ ອີຣ່ານຄວນ​ຮູ້​ວ່າ ທ່ານ Obama ​ແມ່ນ​ເອົາ​ຈິງ​ເອົາ​ຈັງ
ກ່ຽວກັບ​ການ​ຍຸຕິບໍ່ໃຫ້​ອີຣ່ານມີອາວຸດ​ນິວ​ເຄລຍຢູ່​ໃນ​ຄວາມ​ຄອບ​ຄອງ. ທ່ານ Rhodes ກ່າວ​ວ່າ ປະ​ທາ​ນາ​ທິບໍ ດີບໍ່​ໄດ້ໃຫ້ການຄໍ້າປະກັນ​ຢ່າງ​ເປັນ​ການ​ເປີດ​ເຜີຍ ​ໂດຍປາສ
ຈາກຄວາມ ໝັ້ນໝາຍ​ທີ່​ຈະ​ປະຕິບັດ​ຕາມ. ​

ທ່ານ Obama ຈ​ະ​ເດີນທາງ​ໄປ​ ອິສຣາ​ແອ​ລ ເປັນ​ຄັ້ງ​ທໍາ​ອິດ​ ໃນ​ນາມ ປະທານາທິບໍດີໃນ​ວັນ​ພຸດ​ນີ້ ຊຶ່ງ​ຈະ​ຮວມ​ທັງການ​ຢຸດແວະ​ທີ່ເມືອງ Ramallah ​ໃນ​ເຂດ​ຝັ່ງ​ຕາ​ເວັນ​ຕົກ​ຂອງ​ແມ່​ນໍ້າ​ຈໍ​ແດັນ ​ແລະ​ປະ​ເທດ Jordan.

ທ່ານ Rhodes ກ່າວ​ວ່າ ບໍ່​ມີ​ການ​ທົດ​ແທນໃດໆ​ໄດ້​ໃນ​ການກ່າວ​ໂດຍ​ກົງ ຕໍ່ປະຊາຊົນ
ອິສຣາ​ແອ​ລ ກ່ຽວ​ກັບ​ບັນຫາ​ຕ່າງໆເຊັ່ນວ່າ ອີຣ່ານ ຊີ​ເຣຍ ​ແລະສັນຕິພາບກັບຊາວປາແລ​ສຕາຍ. ​

ທ່ານ Obama ຍັງຈະ​ເ​ພີ້ມການ​ໃຫ້​ຄວາມ​ສະໜັບສະໜຸນ​ຂອງສະຫະ ລັດ ​ແກ່​ອຳນາດ​ການ​ປົກຄອງປາ​ແລ​ສຕາຍ ຊຶ່ງ​ທ່ານ Rhodes ຮ້ອງ​ວ່າ ​ເປັນ​ຜູ້ນໍາພາ​ທີ່​ຖືກ​ຕ້ອງຊອບ​ທຳ​ຂອງ​ປະຊາຊົນປາແລ​ສຕາຍ.
XS
SM
MD
LG