ລິ້ງ ສຳຫລັບເຂົ້າຫາ

​ປະທານາທິບໍດີ ທີ່ຖືກເລືອກຕັ້ງໃໝ່ ຂອງອີຣ່ານ ​ສັນຍາວ່າ ຈະເປີດຍຸກໃໝ່ ໃຫ້ປະເທດຂອງທ່ານ (ວີດິໂອ)


ທ່ານ Ayatollah Ali Khamenei (ຊ້າຍ) ຜູ້ນໍາສູງສຸດຂອງອີຣ່ານ ພົບກັບ ທ່ານ Hasan Rowhani ທີ່ຫາກໍ່ຖືກເລືອກຕັ້ງເປັນ ປະທານາທິບໍດີຄົນຕໍ່ໄປຂອງອີຣ່ານ ທີ່ກຸງ Tehran, ວັນທີ 16 ມິຖຸນາ 2013.

ທ່ານ Ayatollah Ali Khamenei (ຊ້າຍ) ຜູ້ນໍາສູງສຸດຂອງອີຣ່ານ ພົບກັບ ທ່ານ Hasan Rowhani ທີ່ຫາກໍ່ຖືກເລືອກຕັ້ງເປັນ ປະທານາທິບໍດີຄົນຕໍ່ໄປຂອງອີຣ່ານ ທີ່ກຸງ Tehran, ວັນທີ 16 ມິຖຸນາ 2013.

ທ່ານ Hassan Rowhani ​ປະທານາທິບໍດີທີ່ຫາກໍ່ຖືກເລືອກ​
ຕັ້ງຂອງອີຣ່ານ ໄດ້ຊົມ​ເຊີຍ​ໄຊຊະນະຂອງທ່ານໃນການເລືອກ
ຕັ້ງຂອງ​ປະ​ເທດວ່າ​ ເປັນການຊະນະ “ພວກຫົວ​ຮຸນແຮງຈັດ” ໃນຂະນະທີ່ພວກສະໜັບສະໜຸນທ່ານ ຫລາຍ​ພັນ​ຄົນ ພາກັນ
ສະເຫລີມສະຫລອງ ຢູ່ຕາມຖະໜົນຫົນທາງຂອງກຸງເຕຮະຣ່ານ.

ທ່ານ Rowhani ໄດ້ໄປຢ້ຽມຄໍານັບສຸສານຂອງມື້ລາງທ່ານ
Ayatollah Roohollah Khomeini ອະດີດຜູ້ນໍາຂອງອີຣ່ານ
ຢູ່​ໃນ​ເຂດໃຕ້ ຂອງກຸງເຕຫະຣ່ານ ໃນວັນອາທິດວານນີ້.

ການໄປຢ້ຽມຢາມສະຖານທີ່ດັ່ງກ່າວຖືກ​ເບິ່ງ​ເຫັນ​ວ່າ ເປັນການ
ເຄື່ອນໄຫວ ທີ່ເປັນສັນຍາລັກ ເພື່ອສະແດງໃຫ້ເຫັນວ່າ ທ່ານຍັງຈະສືບຕໍ່ຈົງຮັກພັກດີຕໍ່
ຫລັກການ ຂອງການປະຕິວັດອິສລາມໃນປີ 1979.

ຝຸງ​ຊົນ​ຈໍານວນຫລວງຫລາຍ ທີ່​ສົ່ງ​ສຽງ​ດັງ​ຟົດສະໜັ່ນ ລໍຖ້າທ່ານ Rowhani ແລະຮັບ
ຕ້ອນທ່ານດ້ວຍຄວາມຫ້າວຫັນດີ​ອົກ​ດີ​ໃຈ ເວລາທ່ານໄປຮອດສຸສານແຫ່ງນັ້ນ.

ຢູ່ໃນຄໍາຖະແຫລງຂອງທ່ານຄັ້ງທໍາອິດຕໍ່ຝູງຊົນ ນັບແຕ່ການ​ເລືອກ​ຕັ້ງໃນວັນສຸກຜ່ານມາ
ນັກບວດຫົວປະຕິຮູບທ່ານ​ນີ້ ໄດ້ເອີ້ນການເລືອກຕັ້ງເອົາທ່ານນັ້ນ ວ່າແມ່ນໄຊຊະນະຂອງ
ການປ່ຽນແປງໃໝ່ ຊຶ່ງທ່ານກ່າວວ່າ:

“ດ້ວຍ​ການ​ເຫັນ​ດີ​ເຫັນ​ພ້ອມ​ນໍາຂອງເທບພະເຈົ້າ ​ເຫດການທີ່​ຜັນ​ຂະຫຍາຍ​ ອອກ​ມານີ້ ຈະເປັນການເບີກທາງ ​ໄປ​ສູ່ການປ່ຽນແປງທີ່ປະຊາຊົນຮຽກຮ້ອງ. ສິ່ງນີ້ ແນ່ນອນ ​ແມ່ນລວມທັງ ການປະຕິວັດດ້ານເສດຖະກິດ, ວັດທະນະທໍາ, ສັງຄົມ ແລະການເມືອງ.”

ເບິ່ງວີດິໂອກ່ຽວຂ້ອງກັບຂ່າວນີ້:



​ພວກນັກວິເຄາະຫລາຍຄົນເຫັນວ່າ ໄຊຊະນະຂອງທ່ານ Rowhani ເປັນການປະຕິ​ເສດ​
ຂອງ​ມະຫາຊົນ ຕໍ່ພວກອະນຸລັກນິຍົມຫົວແຂງ​ກະດ້າງ ທີ່​ສະມັກແຂ່ງຂັນ ໃນການເລືອກ
ຕັ້ງຄັ້ງນີ້.

ປະທານາທິບໍດີທີ່ຫາກໍ່ຖືກເລືອກ​ຕັ້ງ ໄດ້ໃຫ້ຄໍາໝັ້ນສັນຍາວ່າ ຈະປັບປຸງສາຍສໍາພັນກັບ
ປະຊາຄົມສາກົນ ເຖິງແມ່ນວ່າ ຜູ້ນໍາສູງສຸດຂອງອີຣ່ານ ທ່ານ Ayatollah Ali Khamenei
ຈະ​ເປັນ​ຜູ້ຕັດສິນຊີ້ຂາດໃນທຸກບັນຫາທີ່ມີລັກສະ ນະຍຸດທະສາດ, ຊຶ່ງລວມທັງ ນະໂຍ
ບາຍດ້ານອາວຸດນີວເຄລຍນັ້ນ ກໍຕາມ.

ເບິ່ງວີດິໂອກ່ຽວກັບທ່ານ Rowhani ຖະແຫລງຕໍ່ນັກຂ່າວ:



XS
SM
MD
LG