ລິ້ງ ສຳຫລັບເຂົ້າຫາ

ຊາວອີຣ່ານ ໄປປ່ອນບັດ ເລືອກຕັ້ງສະພາ ຮອບສອງ

  • ໄພສານ ວໍຣະຈັກ

ແມ່ຍິງອີຣ່ານຄົນນຶ່ງ ພວມປ່ອນບັດ ທີ່ນະຄອນຫຼວງເຕຫະຣ່ານ ໃນການເລືອກຕັ້ງສະພາຮອບສອງ (4 ພຶດສະພາ 2012)

ບັນດາ​ຜູ້​ມີ​ສິດ​ປ່ອນ​ບັດ​ຊາວ​ອີຣ່ານ ພາກັນ​ໄປ​ລົງ​ຄະ​ແນນ​ສຽງ​ໃນ​ການ​ເລືອກ​ຕັ້ງສະພາ​ແຫ່ງ
​ຊາດ​ຮອບ​ສອງ​ໃນ​ວັນ​ສຸກ​ມື້ນີ້ ທີ່​ອາດ​ໃຫ້​ຮ່ອງຮອຍ​ກ່ຽວ​ກັບ​ຮູບ​ຮ່າງ​ໃນການ​ເລືອກ​ຕັ້ງປະທາ
ນາທິບໍດີ​ໃນ​ປີ 2013.

ການ​ປ່ອນ​ບັດ​ໃນ​ມື້ນີ້ ​ແມ່ນ​ເພື່ອ​ເລືອກ​ເອົາສະມາຊິກ 65 ຄົນ ​ເພື່ອ​ເຂົ້າ​ໄປ​ນັ່ງ​ໃນ​ສະພາ​ແຫ່ງ​
ຊາດ​ຂອງ​ອີຣ່ານ ທີ່​ມີ​ບ່ອນ​ນັ່ງ​ທັງ​ໝົດ 290 ບ່ອນ ຊຶ່ງ 25 ຄົນ ​ຂອງ​ຈຳນວນ​ດັ່ງກ່າວ​ແມ່ນ​ຢູ່
​ໃນ​ເຂດ​ນະຄອນຫຼວງ​ເຕຫະຣ່ານ. ​

ພວກ​ນິຍົມ​ແນວທາງເດີມ ​ຊຶ່ງ​ເປັນ​ຄູ່​ແຂ່ງ​ຂອງ​ປະທານາທິບໍດີ Mahmoud Ama dinejad
​ເປັນ​ຜູ້​ຊະນະ​ບ່ອນ​ນັ່ງ​ສ່ວນ​ຫຼາຍ​ໃນ​ການ​ເລືອກ​ຕັ້ງຮອບ​ທຳ​ອິດ ຊຶ່ງ​ມີຂຶ້ນ​ໃນ​ເດືອນ​ມີນາ​ຜ່ານ
ມາ.

ຫຼາຍໆ​ຄົນ​ຂອງ​ຄູ່​ແຂ່ງ​ທ່ານແມ່ນ​ພວກ​ທີ່​ຈົງ​ຮັກ​ພັກດີ​ຕໍ່​ຜູ້ນຳ​ສູງ​ສຸດ​ຂອງ​ອີີຣ່ານຄື Ayatollah
Ali Khamenei.

ພວກ​ນັກວິ​ເຄາະ​ກ່າວ​ວ່າ ຄວາມ​ສຳ​ພັນ​ລະຫວ່າງ​ບຸກຄົນ​ທັງ​ສອງ ​ໄດ້​ເກີດ​ຄວາມ​ເຄັ່ງ​ຕຶງ​ຂຶ້ນ. ​
ໃນ​ປີ​ກາຍ​ນີ້ ປະທານາທິບໍດີ Amadinejad ​ໄດ້​ເຮັດ​ໃຫ້​ພວກ​ສະໜັບສະ​ໜຸນ Ayatollah
Khamenei ບໍ່ພໍ​ໃຈ ​ເວລາ​ທ່ານ​ໄດ້​ທ້າ​ທາຍ​ຕໍ່​ອຳນາດຂອງ​ຜູ້ນຳ​ສູງ​ສຸດ​ອີຣ່ານ ໃນ​ການ​ແຕ່ງ
ຕັ້ງ​ເຈົ້າໜ້າ​ທີ່​ລັດຖະບານ​ນັ້ນ.

XS
SM
MD
LG