ລິ້ງ ສຳຫລັບເຂົ້າຫາ

ອີຣ່ານວ່າ ການແຊກແຊງ ຂອງຕ່າງປະເທດ ແມ່ນທີ່ມາ ຂອງບັນຫາຕ່າງໆ ຢູ່ໃນຂົງເຂດ

  • ໄພສານ ວໍຣະຈັກ

ປະທານາທິບໍດີ Hamid Karzai ແຫ່ງອັຟການິສຖານ (ຊ້າຍ), ປະທານາທິບໍດີປາກິສຖານ ທ່ານ Asif Ali Zardari (ກາງ) ແລະ ປະທານາທິບໍດີອີຣ່ານ ທ່ານMahmoud Ahmadinejad ຈັບມືກັນ ເພື່ອຖ່າຍຮູບຫລັງ ຈາກກອງປະຊຸມທີ່ນະຄອນອິສລາມາບັດ ທີ່ 17 ກູມພາ 2012.

ທ່ານ Mahmoud Ahmadinejad ປະທານາທິບໍດີອີຣ່ານ ກ່າວ​ວ່າການ​ແຊກ​ແຊ​ງຂອງ​
ຕ່າງປະ​ເທດນັ້ນແມ່ນເປັນແຫ​ລ່ງ​ທີ່​ມາ​ຂອງ​ບັນຫາຕ່າງໆຢູ່​ໃນ​ຂົງ​ເຂດ.

ທ່ານ​ບໍ່​ໄດ້ລະບຸ​ຊື່​ແລະ​ໝາຍ​ເຖິງມະຫາ​ອໍານາດປະ​ເທດໃດ ​ໃນເວ​ລາ​ທີ່​ທ່ານໃຫ້​ຄວາມເຫັນ
ດັ່ງກ່າວ​ ໃນ​ວັນ​ສຸກ​ນີ້​ ຢູ່​ທີ່ນະຄອນອິສ​ລາມາ​ບັດ. ທ່ານ Ahmadinejad ກໍາລັງເຈລະຈາ​
ກັນ​ກັບ​ຜູ້​ນໍາປາ​ກິ​ສຖານ ແລະອັ​ຟກາ​ນິສຖານ ກ່ຽວ​ກັບ​ການເອົາບາດກ້າວ​ຕ່າງໆທີ່​ມີ​ຄວາມ​
ຈຳ​ເປັນ​ເພື່ອ​ສ້າງ​ສະຖຽນ​ລະ​ພາບຢູ່ໃນ​ຂົງ​ເຂດ.

ປາ​ກິ​ສຖານ ຊຶ່ງ​ມີ​ຄວາມສໍາພັນ​ທາງ​ປະຫວັດສາດ ກັບກຸ່​ມທາ​ລິ​ບານ ພ້ອມ​ດ້ວຍ​ການ​ມີ​ເຂດ​
ຊາຍ​ແດນທີ່​ບໍ່​ມີ​ການ​ຄວບ​ຄຸມ​ຕິ​ດຕໍ່​ກັນລະ​ຫວ່າງ​ສາມ​ປະ​ເທດ​ເພື່ອນ​ບ້ານ ​ແມ່ນເປັນ​ພື້ນຖານ
ຂອງ​ການ​ປະ​ຊຸ​ມສຸດ​ຍອດ ​ໃນ​ຄັ້ງນີ້. ກຸ່​ມທາ​ລິ​ບານ​ຂອງ​ອັຟການ ​ແລະຫຼາຍໆ​ກູ່​ມທີ່​ເປັນ​ເຄືອ
ຂ່າຍນັ້ນ​ເຊື່ອ​ວ່າ​ ມີ​ຖານ​ປະຕິບັດ​ງານ​ຢູ່​ໃນ​ເຂດເຄິ່ງປົກຄອງ​ຕົນ​ເອງ​ຂອງ​ພວກຊົນ​ເຜົ່າໃນບໍລິ​
ເວນຊາຍ​ແດນ​ທີ່​ຕິດກັບອັ​ຟກາ​ນິສຖານ.

ໂຄສົກ​ຂອງປະທານາທິບໍດີອັຟກາ​ນິສຖານທ່ານ Hamid Karzai ກ່າວ​ຍ້ອງຍໍຊົມ​ເຊີຍ​ການ
ປະ​ຊຸມສຸດ​ຍອດ​ຄັ້ງ​ນີ້ວ່າ ເປັນ​ເຄື່ອງ​ມື​ທີ່​ມີ​ຄຸນຄ່າ ໃນ​ການຕໍ່ສູ້​ກັບ​ພວກ​ກໍ່​ການ​ຮ້າຍການ​ຄ້າ​ຢາ
ເສບ​ຕິດ ​ແລະ​ໄພ​ຂົ່ມ ຂູ່​ຮ່ວມ​ກັນ​ອື່ນໆ.

XS
SM
MD
LG