ລິ້ງ ສຳຫລັບເຂົ້າຫາ

ຣັດເຊຍ ອີກຄັ້ງນຶ່ງ ໂກດແຄ້ນ ຕໍ່ລາຍງານ ກ່າວຫານັກກິລາ ໃຊ້ຢາຊູກຳລັງ


ປະທານາທິບໍດີ ທ່ານ Vladimir Putin ໂອ້ລົມກັບ ນັກກິລາ Mayor Elena Isinbaeva ໃນຂະນະຢ້ຽມຢາມ ບ້ານ Olympic ທີ່ເມືອງ Sochi ປີ 2014 ໃນການແຂ່ງຂັນກິລາ Olympics ລະດູໜາວ.

ລັດຖະມົນຕີ​ກິລາຣັດ​ເຊຍ ​ໄດ້​ກ່າວ​ອອກ​ມາ​ດ້ວຍ​ຄວາມ​ໂກດແຄ້ນ​ໃນ​ວັນ​ອັງຄານ​ວານ​ນີ້ ​ຕໍ່ອົງການ​ຕ້ານ​ການ​ໃຊ້​ຢາ​ຊູ​ກຳລັງ​ຂອງໂລກ ຫລື WADA ນຶ່ງ​ມື້​ຫລັງ​ຈາກ​ລາຍ​ງານຂອງ ອົງການ WADA ໄດ້​ນຳ​ເອົາບັນດາ​ເຈົ້າ​ໜ້າ​ທີ່ຣັດ​ເຊ​ຍ ​ເຂົ້າ​ໄປພົວພັນ ​ໃນ​ການ​ກ່າວ​ຫາ​ກ່ຽວ​ກັບ​ການປັບ​ປ່ຽນຜົນ​ຂອງ​ການ​ກວດຢາຊູ​ກຳລັງ ​ແກ່​ພວກ​ນັກ​ກິລາ​ຂອງ​ຕົນ ກ່ອນ​ໜ້າ​ການ​ແຂງ​ຂັນກິລາ​ໂອ​ລິ​ມປິກ​ລະ​ດູ​ຮ້ອນ​ໃນ​ເດືອນ​ໜ້າ​ນີ້.

ທ່ານ Vitaly Mutko ພັນທະ​ມິດ​ທີ່ຍາວ​ນານ ​ຂອງ​ປະທານາທິບໍດີ Vladimir Putin ​ໄດ້​ປະນາມອົງການ WADA ​ໂດຍ​ກ່າວ​ວ່າ “​ເປັນ​ຜູ້ຜະ​ເດັດ​ການກ່ຽວ​ກັບ​ກົດ​ລະບຽບໃນ​ການ ກວດ ມັນ​ໄດ້ຂະຫຍາຍລາຍ​ຊື່ອອກ​ໄປຂອງ​ການ​ຫ້າມ​ໃຊ້​ຢາ​ຕ່າງໆ ​ແລະ​ມັນ​ບໍ່​ໄດ້​ຊ່ວຍ​ພວກ​ນັກ​ກິລາ ຫລື​ສຸ​ຂະ​ພາບເຂົາ​ເຈົ້າ." ທ່ານ​ຍັງ​ໄດ້​ຕິ​ຕຽນ​ການ​ສືບສວນ ຂອງອົງການອິດ ສະຫຼະ ​ໂດຍ​ກ່າວ​ວ່າ ພວກສືບສວນ “​ບໍ່ສົນ​ໃຈ​ພຽງພໍທີ່​ຈະ​ຮັບຟັງ​ພັກ​ຝ່າຍ​ທີ່​ຖືກ​ກ່າວ​ຫາ.”

ພວກພະນັກງານ ທ່ານ Ilya Podolsky ແລະນາງ Natalia Bochkaryova ເຮັດວຽກຢູ່ຫ້ອງທົດລອງກວດຢາຊູກຳລັງ.

ພວກພະນັກງານ ທ່ານ Ilya Podolsky ແລະນາງ Natalia Bochkaryova ເຮັດວຽກຢູ່ຫ້ອງທົດລອງກວດຢາຊູກຳລັງ.

ປະທານາທິບໍດີ Putin ​ໄດ້​ຕອບ​ໂຕ້ໃນ​ວິທີ​ທີ່​ເກືອບ​ຄ້າຍຄື​ກັນ​ໃນ​ວັນ​ຈັນທີ່ຜ່ານມາ ​ໂດຍ ກ່າວ​ວ່າ ການ​ກ່າວ​ຫາຂອງອົງການ WADA “​ໄດ້​ສ້າງ​ຂຶ້ນ​ມາ​ຍ້ອນຄຳ​ໃຫ້ການ ຂອງ​ຄົນ​ຜູ້​ດຽວ ຄົນ​ທີ່​ມີ​ຊື່​ສຽງໃນ​ຂ່າວ​ນອງ​ນັນ​.”

​ປະທານາທິບໍດີຣັດ​ເຊຍ​ໄດ້​ອ້າງ​ເຖິງ​ຂໍ້​ມູນ ​ທີ່ນຳ​ມາ​ຈາກ​ອະດີດຫົວໜ້າ​ຫ້ອງ​ກວດ ​ຕ້ານ​ຢາ​ຊູ​ກຳລັງ​ຂອງຣັດ​ເຊຍ ທ່ານ Grigory Rodchenkov ​ຕໍ່ໜັງສືພິມ New York Time ​ໃນ​ຕົ້ນ​ປີ​ນີ້. ທ່ານ​ໄດ້​ກ່າວ​ຕໍ່​ໜັງສືພິມ​ວ່າ ພວກ​ນັກ​ກິລາຣັດ​ເຊຍ​ຫຼາຍ​ສິບ​ຄົນ ​ໄດ້​ໃຊ້​ຢາ​ຊູ​ກຳ ລັງຢູ່​ໃນ​ການ​ແຂ່ງຂັນ​ກິລາ​ໂອ​ລິ​ມປິກລະດູ​ໜາວ ປີ 2014 ​ທີ່ເມືອງ Sochi ​ໂດຍການ​ຮັບ​ຮູ້ຈາກ​ພວກ​ເຈົ້າ​ໜ້າ​ທີ່​ກິ​ລາ​ແຫ່ງ​ຊາດ.

​ໃນ​ວັນ​ຈັນ​ທີ່​ຜ່ານ​ມາຫົວໜ້າ​ສືບ​ສວນຂອງ​ອົງການ WADA ທ່ານ Richard Mclaren ​ໄດ້​ໃຫ້​ຂໍ້​ຄິດ​ເຫັນ​ຂອງ​ທ່ານ Rodchenkov ວ່າ​ເປັນ​ການ​ກ່າວ​ຫາ​ທີ່ “​ໜ້າເຊື່ອ​ຖື​ໄດ້​ຢ່າງ​ກວ້າງຂວາງ.”

ທ່ານ Nikita Kamaev, ຫົວໜ້າຫ້ອງການກວດສອບຕ້ານການໃຊ້ຢາຊູກຳລັງຮັດເຊຍ (RUSADA)

ທ່ານ Nikita Kamaev, ຫົວໜ້າຫ້ອງການກວດສອບຕ້ານການໃຊ້ຢາຊູກຳລັງຮັດເຊຍ (RUSADA)

ລາຍ​ງານ​ກ່າວ​ວ່າ ກິລາຫລາຍ​ກວ່າ 30 ປະ​ເພດ​ໄດ້​ຮັບ​ຜົນ​ປະ​ໂຫຍ​ດຈາກ​ການ​ປັບ​ປ່ຽນ ກົດ​ລະບຽບຕໍ່ຕ້ານ​ຢາ​ຊູ​ກຳລັງຂອງຣັດ​ເຊຍ. ລາຍ​ງານຍັງ​ກ່າວ​ອີກ​ວ່າ “ເປັນ​ທີ່​ຮັບ​ເອົາ​ບໍ່​ໄດ້” ທີ່​ທ່ານ Mutko ບໍ່​ຮູ້​ກ່ຽວ​ກັບ​ການ​ຕົວະ​ເຫລົ່າ​ນັ້ນ ​ແລະ​ໄດ້​ສະ​ເໜີແນະ​ໃຫ້ຄະນະ​ກຳ ມະການ​ໂອ​ລິມປິກ​ສາກົນຫລື IOC ຫ້າ​ມທິມຣັດ​ເຊຍ​ທັງ​ໝົດ​ ​ເຂົ້າຮ່ວມການ​ແຂ່ງຂັນ​ໂອ​ ລິ​ມປິກ​ໃນ​ເດືອນໜ້າ​ນີ້ ທີ່​ນະຄອນ Rio de Janeiro.

ຄະນະ​ກຳມະການ IOC ຫລັງ​ຈາກ​ການ​ປະ​ຊຸມສຸກ​ເສີນຜູ້ນຳຂອງ​ຕົນ​ແລ້ວ ​ໃນ​ວັນ​ອັງຄານ​ວານ​ນີ້ ​ໄດ້​ກ່າວ​ວ່າ ຕົນ​ກຳລັງ “​ສຶກສາ” ທາງ​ເລື​ອກທີ່​ຖືກຕ້ອງ​ກ່ອນ​ການ​ຕັດສິນ​ວ່າ ຈະ​ປະຕິບັດຕາມຄຳສະ​ເໜີ​ຂອງອົງການ WADA ຫລື​ບໍ່.

ອ່ານຂ່າວນີເພີ້ມເປັນພາສາອັງກິດ

XS
SM
MD
LG