ລິ້ງ ສຳຫລັບເຂົ້າຫາ

ຄະນະກຳມະການ ໂອລິມປິກສາກົນ ຊັ່ງຊາ ຈະຫ້າມ ນັກກິລາຣັດເຊຍ ເຂົ້າແຂ່ງຂັນ ຫຼືບໍ່


ປະທານາທິບໍດີ ຣັດເຊຍ ທ່ານ Vladimir Putin ໂອ້ລົມກັບ ນັກກິລາ Mayor Elena Isinbaeva ທີ່ເມືອງ Sochi ໃນປີ 2014 ໃນການແຂ່ງຂັນກິລາໂອລິມປິກລະດູໜາວ.

ປະທານາທິບໍດີ ຣັດເຊຍ ທ່ານ Vladimir Putin ໂອ້ລົມກັບ ນັກກິລາ Mayor Elena Isinbaeva ທີ່ເມືອງ Sochi ໃນປີ 2014 ໃນການແຂ່ງຂັນກິລາໂອລິມປິກລະດູໜາວ.

ຄະນະ​ກຳມະການ​ກິລາ​ໂອ​ລິ​ມປິກສາກົນ ຫລື IOC ກຳ​ລັງ​ພິຈາລະນາ​ໃນ​ວັນ​ອັງຄານ​ມື້​ນີ້​ວ່າ ຈະ​ຫ້າມ​ພວກ​ນັກ​ກິລາ​ທັງ​ໝົດ​ຂອງຣັດ​ເຊຍ ​ຈາກ​ການເຂົ້າແຂ່ງ​ຂັນ ​ໃນກິລາ​ໂອ​ລິ​ມປິກ​ ທີ່​ປະ​ເທດ​ບຣາຊິ​ລ ​ໃນ​ເດືອນ​ໜ້ານີ້ ຫຼືບໍ່ ກ່ຽວ​ກັບ​ການ​ກ່າວ​ຫາ​ໃຊ້​ຢາ​ຊູ​ກຳລັງນັ້ນ.

ຄະນະ​ກຳມະການ​ບໍລິຫານ​ກິລາ​ໂອ​ລິ​ມປິກ​ສາກົນ ຫລື IOC ຮຽກ​ປະຊຸມ​ທາງ​ໂທລະສັບ ນຶ່ງ​ມື້​ຫລັງ​ຈາກ​ອົງການ​ຕໍ່ຕ້ານ​ການ​ໃຊ້​ຢາຊູ​ກຳລັງ ຫລື WADA ​ໄດ້​ນຳ​ອອກເຜີຍ​ແຜ່ ​ລາ​ຍງານ​ທີ່​ເປັນ​ອິດສະຫຼະ ​ໂດຍອ້າງ​ເຖິງ​ ການໃຊ້​ຢາຊູ​ກຳລັງ ທີ່​ໄດ້​ຮັບ​ຄວາມ​ອຸບປະ​ຖຳ​ໂດຍ​ລັດຖະບານຂອງ​ພວກ​ນັກ​ກິລາຣັດ​ເຊຍ ຢູ່​ໃນ​ການ​ແຂ່ງຂັນ​ກິລາໂອ​ລິ​ມປິກລະດູ​ໜາວ ​ໃນ​ປີ 2014 ທີ່​ນະຄອນ Sochi ປະທດຣັດ​ເຊຍ.

ອົງການ WADA ​ໄດ້​ຮຽກຮ້ອງ​ໃຫ້​ຄະນະ​ກຳ​ມະ​ການ IOC ຫ້າມ​ບັນດາ​ນັກ​ກິ ລາ​ຣັດ​ເຊຍທັງ​ໝົດ ​ແລະ​ພວກ​ເຈົ້າ​ໜ້າ​ທີ່ ບໍ່​ໃຫ້ເຂົ້າ​ຮ່ວມ​ການ​ແຂ່ງຂັນກິລາໂອ ລິ​ມປິກລະດູ​ຮ້ອນ​ ​ທີ່ປະ​ເທດ​ບຣາຊິ​ລ.

ນັກ​ກິລາ​ແລ່ນແລະ​ລານຂອງຣັດ​ເຊຍ ​ໄດ້​ຖືກ​ຫ້າມ​ບໍ່​ໃຫ້​ເຂົ້າ​ຮ່ວມການ​ແຂ່​ງຂັນ ​ກິ​ລາໂອ​ລິ​ມປິກສາກົນ​ໂດຍ​ຄະນະ​ກຳມະການທີ່​ຄຸ້ມ​ຄອງ.

ຢູ່​ໃນ​ຖະ​ແຫລ​ງການ​ທີ່​ນຳ​ອອກ​ເຜີຍ​ແຜ່​ໃນ​ວັນ​ຈັນ​ວານ​ນີ້ ອົງການ IOC ກ່າວ​ວ່າ​ຕົນ​ຈະ “ສຶກສາ​ຢ່າງ​ລະມັດລະວັງໃນ​ຄວາມ​ສະ​ລັບ​ຊັບຊ້ອນ ​ແລະ​ລາຍ​ລະອຽດ​ຂອງ​ການ​ກ່າວ​ຫາ ​ໂດຍ​ສະ​ເພາະ ​ກ່ຽວ​ກັບກະຊວງ​ກິລາຣັດ​ເຊຍ.”

​ປະທານອົງການ​ກິລາ​ໂອ​ລິ​ມປິກ​ສາກົນ ທ່ານ Thomas Bach ກ່າວ​ວ່າ “ອົງ ການ IOC ຈະ​ບໍ່​ລັ່ງ​ເລ​ໃຈ ​ທີ່​ຈະ​ເອົາ​ບາດກ້າວ​ລົງ​ການໂທດ​ຢ່າງ​ເຄັ່ງ​ຄັດສຸດ ທີ່​ມີ​ຕໍ່​ບຸກຄົນ​ໃດ​ກໍ​ຕາມ ຫລື​ອົງການ​ໃດ​ທີ່​ພົວພັນໃນ​ເລື້ອງ​ນີ້.”

ປະທານາທິບໍດີຣັດ​ເຊຍ ທ່ານ Vladimir Putin ​ໄດ້​ສັ່ງ​ໃຫ້ລັດຖະມົນຕີ​ກິລາ ຂອງ​ທ່ານ ພັກ​ວຽກ ​ໃນ​ວັນ​ຈັນ​ວານ​ນີ້ ​ເພື່ອລໍຖ້າ​ຜົນ​ການ​ສືບ​ສວນ ​ແຕ່ກໍຍັງມີ ຄວາມ​ສົງໄສ ​ກ່ຽວ​ກັບ​ຄວາມ​ຖືກຕ້ອງ​ຂອງ​ລາຍ​ງານ​ອົ​ງການ WADA.

“ການ​ກ່າວ​ຫາ​ຕໍ່ບັນດາ​ນັກ​ກິລາຣັດ​ເຊຍ ​ໄດ້​ສ້າງ​ຂຶ້ນ​ມາ​ຍ້ອນຄຳ​ໃຫ້ການຂອງ​ຄົນ​ຜູ້​ດຽວ ຄົນ​ທີ່​ມີ​ຊື່​ສຽງໃນ​ຂ່າວ​ນອງ​ນັນ” ຜູ້ນຳຣັດ​ເຊຍ​ໄດ້​ກ່າວ​ຢູ່ໃນ​ຖະ​ແຫລ​ງ ການ​ທີ່​ພິມ​ເຜີຍ​ແຜ່​ໂດຍ​ແວັບ​ໄຊ​ຕ໌ ຂອງທາງ​ການ​ວັງ Kremlin.

ທ່ານ Putin ຍັງ​ໄດ້​ໃຫ້​ຂໍ້​ສັງ​ເກດ​ວ່າ ຄືກັບການ​ບໍ່​ເຂົ້າຮ່ວມ​ຫຼືບອຍຄອດ​ຂອງ​ໂຊ​ຫວຽດ ​ແລະ​ອາ​ເມຣິກັນ ຕໍ່ກິລາ​ໂອ​ລິ​ມປິກ​ທີ່​ຜ່ານ​ມາ ການ​ເມືອງ​ອີກ​ຄັ້ງ​ນຶ່ງເປັນ​ເລື້ອງ​ສຳຄັນ​ສຸດ​ໃນປັດ​ຈຸ​ບັນ ທີ່​ຮັດ​ເຊຍ​ລັກໃຊ້​ຢາຊູ​ກຳລັງ.

ຄະນະ​ກຳມະການ​ກິລາ​ໂອ​ລິ​ມປິກສາກົນ ຫລື IOC ກຳ​ລັງ​ພິຈາລະນາ​ໃນ​ວັນ​ອັງຄານ​ມື້​ນີ້​ວ່າ ຈະ​ຫ້າມ​ພວກ​ນັກ​ກິລາ​ທັງ​ໝົດ​ຂອງຣັດ​ເຊຍ ​ຈາກ​ການເຂົ້າແຂ່ງ​ຂັນ ​ໃນກິລາ​ໂອ​ລິ​ມປິກ​ ທີ່​ປະ​ເທດ​ບຣາຊິ​ລ ​ໃນ​ເດືອນ​ໜ້ານີ້ ຫຼືບໍ່ ກ່ຽວ​ກັບ​ການ​ກ່າວ​ຫາ​ໃຊ້​ຢາ​ຊູ​ກຳລັງນັ້ນ.

ຄະນະ​ກຳມະການ​ບໍລິຫານ​ກິລາ​ໂອ​ລິ​ມປິກ​ສາກົນ ຫລື IOC ຮຽກ​ປະຊຸມ​ທາງ​ໂທລະສັບ ນຶ່ງ​ມື້​ຫລັງ​ຈາກ​ອົງການ​ຕໍ່ຕ້ານ​ການ​ໃຊ້​ຢາຊູ​ກຳລັງ ຫລື WADA ​ໄດ້​ນຳ​ອອກເຜີຍ​ແຜ່ ​ລາ​ຍງານ​ທີ່​ເປັນ​ອິດສະຫຼະ ​ໂດຍອ້າງ​ເຖິງ​ ການໃຊ້​ຢາຊູ​ກຳລັງ ທີ່​ໄດ້​ຮັບ​ຄວາມ​ອຸບປະ​ຖຳ​ໂດຍ​ລັດຖະບານຂອງ​ພວກ​ນັກ​ກິລາຣັດ​ເຊຍ ຢູ່​ໃນ​ການ​ແຂ່ງຂັນ​ກິລາໂອ​ລິ​ມປິກລະດູ​ໜາວ ​ໃນ​ປີ 2014 ທີ່​ນະຄອນ Sochi ປະທດຣັດ​ເຊຍ.

ອົງການ WADA ​ໄດ້​ຮຽກຮ້ອງ​ໃຫ້​ຄະນະ​ກຳ​ມະ​ການ IOC ຫ້າມ​ບັນດາ​ນັກ​ກິ ລາ​ຣັດ​ເຊຍທັງ​ໝົດ ​ແລະ​ພວກ​ເຈົ້າ​ໜ້າ​ທີ່ ບໍ່​ໃຫ້ເຂົ້າ​ຮ່ວມ​ການ​ແຂ່ງຂັນກິລາໂອ ລິ​ມປິກລະດູ​ຮ້ອນ​ ​ທີ່ປະ​ເທດ​ບຣາຊິ​ລ.

ນັກ​ກິລາ​ແລ່ນແລະ​ລານຂອງຣັດ​ເຊຍ ​ໄດ້​ຖືກ​ຫ້າມ​ບໍ່​ໃຫ້​ເຂົ້າ​ຮ່ວມການ​ແຂ່​ງຂັນ ​ກິ​ລາໂອ​ລິ​ມປິກສາກົນ​ໂດຍ​ຄະນະ​ກຳມະການທີ່​ຄຸ້ມ​ຄອງ.

ຢູ່​ໃນ​ຖະ​ແຫລ​ງການ​ທີ່​ນຳ​ອອກ​ເຜີຍ​ແຜ່​ໃນ​ວັນ​ຈັນ​ວານ​ນີ້ ອົງການ IOC ກ່າວ​ວ່າ​ຕົນ​ຈະ “ສຶກສາ​ຢ່າງ​ລະມັດລະວັງໃນ​ຄວາມ​ສະ​ລັບ​ຊັບຊ້ອນ ​ແລະ​ລາຍ​ລະອຽດ​ຂອງ​ການ​ກ່າວ​ຫາ ​ໂດຍ​ສະ​ເພາະ ​ກ່ຽວ​ກັບກະຊວງ​ກິລາຣັດ​ເຊຍ.”

​ປະທານອົງການ​ກິລາ​ໂອ​ລິ​ມປິກ​ສາກົນ ທ່ານ Thomas Bach ກ່າວ​ວ່າ “ອົງ ການ IOC ຈະ​ບໍ່​ລັ່ງ​ເລ​ໃຈ ​ທີ່​ຈະ​ເອົາ​ບາດກ້າວ​ລົງ​ການໂທດ​ຢ່າງ​ເຄັ່ງ​ຄັດສຸດ ທີ່​ມີ​ຕໍ່​ບຸກຄົນ​ໃດ​ກໍ​ຕາມ ຫລື​ອົງການ​ໃດ​ທີ່​ພົວພັນໃນ​ເລື້ອງ​ນີ້.”

ປະທານາທິບໍດີຣັດ​ເຊຍ ທ່ານ Vladimir Putin ​ໄດ້​ສັ່ງ​ໃຫ້ລັດຖະມົນຕີ​ກິລາ ຂອງ​ທ່ານ ພັກ​ວຽກ ​ໃນ​ວັນ​ຈັນ​ວານ​ນີ້ ​ເພື່ອລໍຖ້າ​ຜົນ​ການ​ສືບ​ສວນ ​ແຕ່ກໍຍັງມີ ຄວາມ​ສົງໄສ ​ກ່ຽວ​ກັບ​ຄວາມ​ຖືກຕ້ອງ​ຂອງ​ລາຍ​ງານ​ອົ​ງການ WADA.

“ການ​ກ່າວ​ຫາ​ຕໍ່ບັນດາ​ນັກ​ກິລາຣັດ​ເຊຍ ​ໄດ້​ສ້າງ​ຂຶ້ນ​ມາ​ຍ້ອນຄຳ​ໃຫ້ການຂອງ​ຄົນ​ຜູ້​ດຽວ ຄົນ​ທີ່​ມີ​ຊື່​ສຽງໃນ​ຂ່າວ​ນອງ​ນັນ” ຜູ້ນຳຣັດ​ເຊຍ​ໄດ້​ກ່າວ​ຢູ່ໃນ​ຖະ​ແຫລ​ງ ການ​ທີ່​ພິມ​ເຜີຍ​ແຜ່​ໂດຍ​ແວັບ​ໄຊ​ຕ໌ ຂອງທາງ​ການ​ວັງ Kremlin.

ທ່ານ Putin ຍັງ​ໄດ້​ໃຫ້​ຂໍ້​ສັງ​ເກດ​ວ່າ ຄືກັບການ​ບໍ່​ເຂົ້າຮ່ວມ​ຫຼືບອຍຄອດ​ຂອງ​ໂຊ​ຫວຽດ ​ແລະ​ອາ​ເມຣິກັນ ຕໍ່ກິລາ​ໂອ​ລິ​ມປິກ​ທີ່​ຜ່ານ​ມາ ການ​ເມືອງ​ອີກ​ຄັ້ງ​ນຶ່ງເປັນ​ເລື້ອງ​ສຳຄັນ​ສຸດ​ໃນປັດ​ຈຸ​ບັນ ທີ່​ຮັດ​ເຊຍ​ລັກໃຊ້​ຢາຊູ​ກຳລັງ.

ອ່ານຂ່າວນີ້ເພີ້ມເປັນພາສາອັງກິດ

ສະແດງຄວາມເຫັນໃຫ້ເບິ່ງ

XS
SM
MD
LG