ລິ້ງ ສຳຫລັບເຂົ້າຫາ

ກອງປະຊຸມໂຣກເອດສ໌ ນາໆຊາດ ໄຂຂຶ້ນ ທີ່ວໍຊິງຕັນ ດີຊີ (ວີດີໂອທີ່ກ່ຽວຂ້ອງ)

  • ທອງປານ ເທບວົງສາ

ກອງປະຊຸມໂຣກເອດສ໌ນາໆຊາດ ທີ່ວໍຊິງຕັນດີຊີ ຈາກວັນທີ່ 22 ຫາ 27 ເດືອນກໍລະກົດນີ້

ບັນດາ​ນັກ​ຄົ້ນ​ຄວ້າ ຜູ້​ນໍາ​ການ​ເມືອງ ນັກ​ການ​ທູດ ​ແລະ​ຜູ້​ມີ​ສ່ວນ​ໄດ້​ສ່ວນ ​ເສຍ​ລະດັບ​ສູງ ປະມານ 25,000 ຄົນ ກໍາລັງເຕົ້າ​ໂຮມ​ກັນຢູ່​ທີ່​ນະຄອນ ຫຼວງວໍ​ຊິງ​ຕັນ ​ໃນ​ວັນ​ອາທິດ​ມື້​ນີ້ ​ເພື່ອເຂົ້າຮ່ວມ​ກອງ​ປະຊຸມ​ນານາ​ຊາດ​ກ່ຽວ​ກັບ​ໂຣກ​ເອດ​ສ໌.

ກອງ​ປະຊຸມ​ດັ່ງກ່າວ ທີ່​ຈັດ​ຂຶ້ນທຸກໆ​ສອງປີ ຈະ​ດໍາ​ເນີນ​ໄປ​ຈົນ​ເຖິງວັນ​ທີ່ 27 ​ເດືອນ​ກໍລະກົດ​ນີ້ ທີ່​ເມືອງຫຼວງສະຫະລັດ ຊຶ່ງ​ເປັນ​ເມືອງ​ທີ່​ປະ​ເຊີນ ​ກັບ​ອັດຕາ​ຜູ້​ຕິດ​ເຊື້ອ​ເອັຊ​ໄອ​ວີ​ສູງ​ທີ່​ສຸດ​ແຫ່ງ​ນຶ່ງ​ຂອງ​ປະ​ເທດ. ປົກກະຕິ​ແລ້ວ ເຊື້ອ​ໄວຣັສ ​ເອັຊ​ໄອ​ວີ HIV ​ເປັນ​ເຊື້ອ​ທີ່​ພາ​ໃຫ້​ເປັນ​ໂຣກ​ເອດ​ສ໌.

ທ່ານ​ນາງ ຮີ​ລ​ແລ​ຣີ ຄລິນ​ຕັນ ພ້ອມ​ດ້ວຍ​ອະດີດ​ປະທານາທິບໍດີ​ ບິ​ລ ຄລິນ​ຕັນ ສາມີ​ຂອງ​ທ່ານ​ນາງ ​ແລະ​ອະດີດ​ສະຕຣີໝາຍ​ເລກ​ນຶ່ງ ທ່ານ​ນາງ Laura Bush ຈະ​ກ່າວ​ຄໍາ​ປາໄສທີ່​ກອງ​ປະຊຸມ​ດັ່ງກ່າວ. ຜູ້​ນໍາ​ລະດັບ​ສູງ​ຄົນ​ອື່ນໆ​ອີກ ​ທີ່​ຈະກ່າວ​ຄໍາ​ປາໄສ​ ກໍ​ມີ​ໂຮມ​ທັງ ທ່ານ Jim Yong Kim ປະທານ​ທະນາຄານໂລກ ​ແລະ​ທ່ານ Bill Gates ປະທານ​ບໍລິສັດ​ໄມ ໂຄຣຊອຟ ​ແລະຜູ້​ໃຈ​ບຸນ​ສຸນ​ທານ.

AIDS ​ເປັນ​ພະຍາດ​ຊະນິດ​ນຶ່ງ​ທີ່​ທໍາລາຍ​ລະບົບ​ພູມ​ຕ້ານ​ໃນ​ຮ່າງກາຍ ທີ່ ​ເຮັດ​ໃຫ້​ຄົນ​ມີ​ສຸຂະພາບ​ອ່ອນ​ແອ ງ່າຍ​ຕໍ່​ການ​ຕິດ​ເຊື້ອ​ໂຣກ ​ແລະ​ພະຍາດ​.

​ເຊື້ອ HIV ພົບ​ເຫັນ​ຢູ່​ໃນ​ນໍ້າຫຼໍ່ລ້ຽງ​ຮ່າງກາຍ​ຂອງ​ຜູ້​ທີ່​ຕິດ​ເຊື້ືອນີ້ ​ແລະຕິດ ​ແປດ​ຕໍ່​ຈາກຄົນ​ນຶ່ງ​ ໄປ​ຫາອີກ​ຄົນ​ນຶ່ງ ໂດຍ​ຜ່ານ​ການ​ສໍາຜັດ​ທາງ​ເລືອດ ການ​ຮ່ວມ​ເພດ ຫຼືຈາກ​ແມ່​ທີ່​ຕິດ​ເຊື້ອ​ນີ້​ຢູ່​ແລ້ວ ​ໄປ​ຫາລູກ ​ໃນ​ຂະນະ​ທີ່​ຍັງ​ຢູ່​ໃນທ້ອງ​ ຫລື​ຜ່ານການ​ໃຫ້ລູກກິນ​ນໍ້ານົມ​ແມ່.

ອົງການ​ສະ​ຫະປະຊາ​ຊາດ​ກ່າວ​ວ່າ ມີປະຊາຊົນ 34 ລ້ານ​ຄົນ​ຕິດ​ເຊື້ອ HIV ໂຣກ​ເອດ​ສ໌ ໃນ​ປີ 2011​ແລະ​ໃນ​ນັ້ນ 1 ລ້ານ​ 7 ​ແສນ ຄົນ​ເສຍ​ຊີວິດ​ໄປ​ແລ້ວ ຍ້ອນພະຍາດ​ນີ້​.

ລາຍງານກ່ຽວກັບກນດໍາເນີນຄວາມພະຍາຍາມເພື່ອປ້ອງກັນການຕິດເຊື້ອ HIV
ໃນໝູ່ຊາວໜຸ່ມ ໃນວໍຊິງຕັນ ດີຊີ:

XS
SM
MD
LG