ບັນດາເຈົ້າໜ້າທີ່ລັດຖະບານ ຫຼາຍພັນຄົນ ຈາກ ຈາວາຕາເວັນ
ອອກໃນອິນໂດເນເຊຍ ໄດ້ເຂົ້າຮ່ວມສຳມະນາ ກ່ຽວກັບເລື້ອງ
ການຂົ່ມຂູ່ ໂດຍກຸ່ມລັດອິສລາມ ແລະພວກກຸ່ມຫົວຮຸນແຮງຈັດ
ອື່ນໆ.
ໃນລະຫວ່າງການເຝິກອົບຮົມ ຢູ່ທີ່ ນະຄອນ Surabaya ໃນວັນ
ອັງຄານວານນີ້ ບັນດາຜູ້ຊ່ຽວຊານ ແລະ ຜູ້ນຳທາງສາສະໜາ
ໄດ້ສົນທະນາກັນກ່ຽວກັບ ໄພອັນຕະລາຍຕ່າງໆ ຈາກກຸ່ມຫົວ
ຮຸນແຮງ ຕໍ່ສັງຄົມ ຂອງອິນໂດເນເຊຍ.
ປະທານໃຫຍ່ ຂອງກຸ່ມອິສລາມ Muhammadiyah ທ່ານ Din
Syamsuddin ກ່າວໃນການເຝິກອົບຮົມ ວ່າ ກຸ່ມລັດອິສລາມ ບໍ່ແມ່ນການເຄື່ອນໄຫວທາງ
ດ້ານສາສະໜາ ຫຼື ເປັນອົງກອນ ຂອງສາສະໜາອິສລາມ ແຕ່ຢ່າງໃດ ທ່ານ ກ່າວອີກວ່າ
“ISIS ແມ່ນກຸ່ມການເມືອງຫົວຮຸນແຮງອັນນຶ່ງ ແລະ ເຄື່ອນໄຫວເພື່ອຜົນປະໂຫຍດ
ແລະ ເປົ້າໝາຍ ທາງດ້ານການເມືອງຢ່າງໃດຢ່າງນຶ່ງ ທີ່ມີລັກສະນະແບບຮຸນແຮງ
ຊຶ່ງໝາຍຄວາມວ່າ ຢາກທຳລາຍທຸກສິ່ງທຸກຢ່າງລົງຈົນເຖິງຂັ້ນຮາກຖານຕ່າງໆ.”
ທ່ານ Quraish Shihab ນັກຊ່ຽວຊານຂອງສາສະໜາອິສລາມ ກ່າວວ່າ ທ່ານເຊື່ອວ່າ
ກຸ່ມລັດອິສລາມ ໄດ້ເຮັດໃຫ້ສາສະໜາອິສລາມ ເສື່ອມເສຍ ຊຶ່ງເປັນສາສະໜາ ທີ່ສັນຕິຢູ່
ແລ້ວ ຍ້ອນວ່າ ກຸ່ມດັ່ງກ່າວ ແມ່ນນຳໃຊ້ຄວາມຮຸນແຮງ ເພື່ອໃຫ້ໄດ້ມາ ຊຶ່ງຄວາມຕ້ອງການ
ຂອງຕົນສະເໝີມາ.
ການສຳມະນາໃນຄັ້ງນີ້ ແມ່ນໄດ້ຮັບຄວາມອຸບປະຖຳຈາກ ໂຄງການ ກອງປະຊຸມຜູ້ນຳ ໃນ
ພາກພື້ນ ຂອງຈາວາຕາເວັນອອກ ຫຼື Regional Leadership Forum ເອີ້ນຫຍໍ້ວ່າ
FORPINDA ທີ່ສິ້ນສຸດລົງດ້ວຍການປະກາດ ຕໍ່ຕ້ານລັດອິສລາມ.
ຜູ້ບັນຊາການຕຳຫລວດຂອງຈາວາຕາເວັນອອກ ແລະ ຜູ້ກວດກາໃຫຍ່ ທ່ານ Anas Yusuf ກ່າວວ່າ ການປະກາດດັ່ງກ່າວ ແມ່ນເປັນຕົວແບບຂອງການຕ້ານຢັນ ຕໍ່ກຸ່ມລັດອິສລາມ.
ເບິ່ງວີດີໂອພາສາລາວ ກ່ຽວກັບການດຳເນີນຄວາມພະຍາຍາມ ຂອງອິນໂດເນເຊຍ ເພື່ອຕໍ່ຕ້ານພວກ ລັດອິສລາມ:
