ລາຍງານການໂອນເງິນ ແລະສູນກາງວິເຄາະ ທີ່ເອີ້ນຫຍໍ້ວ່າ
PPATK ໃນອິນໂດເນເຊຍ ກ່າວໃນວັນຈັນວານນີ້ວ່າ ຕົນໄດ້
ກັກບໍ່ໃຫ້ທຳການເຄື່ອນໄຫວ ກ່ຽວກັບກອງທຶນຫລາຍກວ່າ
205,000 ໂດລາ ທີ່ຖືກກ່າວຫາວ່າ ເປັນຂອງສ່ວນບຸກຄົນ
ແລະອົງການຈັດຕັ້ງທີ່ພົວພັນກັບກິດຈະການກໍ່ການຮ້າຍ
ຢູ່ພາຍໃນປະເທດ.
ຫົວໜ້າອົງການ PPATK ທ່ານ Muhammad Yusuf ໄດ້
ກ່າວຕໍ່ບັນດານັກຂ່າວວ່າ ອົງການຂອງທ່ານ ໄດ້ໃຫ້ການຮ່ວມ
ມືກັບ ລາຍງານການໂອນເງິນ ແລະສູນກາງວິເຄາະຂອງອອສ
ເຕຣເລຍ ຫລື AUSTRACT ໃນການພິສູດເບິ່ງ ບັນຊີຕ່າງໆ
ຂອງບັນດາຜູ້ຄົນ ຫລືອົງການຕ່າງໆທີ່ສົງໄສວ່າ ພົວພັນກັບກິດຈະການກໍ່ການຮ້າຍ.
ຊາວຫົກບັນຊີໄດ້ຖືກກັກບໍ່ໃຫ້ມີການເຄື່ອນໄຫວ.
ທ່ານ Yusuf ໄດ້ປະຕິເສດບໍ່ຍອມເປີດເຜິຍເຖິງບັນດາສ່ວນບຸກຄົນຫລືການຈັດ ຕັ້ງ
ຕ່າງໆ ໂດຍກ່າວວ່າ ພຽງແຕ່ຊັບສົມບັດໄດ້ຖືກງົດບໍ່ໃຫ້ເຄື່ອນໄຫວ ເພື່ອໃຫ້ ເປັນການ
ສອດຄ່ອງກັບມະຕິ 1267 ຂອງສະພາຄວາມໝັ້ນຄົງອົງການສະຫະປະຊາຊາດ ເພື່ອ
ຕໍ່ຕ້ານການກໍ່ການຮ້າຍນັ້ນ.
ບັນດາອົງການທີ່ບໍ່ຂຶ້ນກັບລັດຖະບານ ແມ່ນຮວມຢູ່ໃນອົງການ ທີ່ຊັບສົມບັດຖືກກັກບໍ່ໃຫ້
ມີການເຄື່ອນໄຫວ ຮວມທັງອົງການກຸສົນອົງການໜຶ່ງ ອີງຕາມທ່ານ Yusuf ທີ່ໄດ້ນຳພາ
ການໂຄສະນາຫາເງິນ ແລະພົວພັນກັບການສໍ້ໂກງເງິນ.
ທ່ານກ່າວວ່າ “ພວກເຮົາໄດ້ພົບເຫັນວ່າ ເງິນທຶນຈຳນວນໜຶ່ງທີ່ຢູ່ໃນບັນດາບັນຊີ ທີ່ຖືກ
ກັກບໍ່ໃຫ້ເຄື່ອນໄຫວນັ້ນແມ່ນໄດ້ມາຈາກການຫາເງິນໂດຍບັນດາສະມາຊິກ ເວັບໄຊຂອງ
ພວກຫົວຮຸນແຮງ ແລະການຄ້າທີ່ຜິດກົດໝາຍ” ທ່ານກ່າວເພີ້ມເຕີມອີກວ່າ ອົງການຂອງ
ທ່ານຍັງກຳລັງຕິດຕາມເບິ່ງກິດຈະການດ້ານການເງິນຂອງ ອົງການທີ່ບໍ່ຂື້ນກັບລັດຖະ
ບານຫລາຍໆອົງການ ທີ່ຊັບສິນຂອງພວກເຂົາເຈົ້າຍັງ ບໍ່ທັນຖືກກັກເທື່ອ.
