ລິ້ງ ສຳຫລັບເຂົ້າຫາ

ການວາງລະເບີດ ໃສ່ວັດ ສາສະໜາພຸດ ໃນອິນໂດເນເຊຍ


ຕໍາຫຼວດໄດ້ເຂົ້າໄປທໍາການສອບສວນສຶບສວນກ່ຽວກັບເຫດລະເບີດ ໃນວັດພຸດ Ekayana Grha

ເຊື່ອ​ວ່າ ຄວາມ​ຮຸນ​ແຮງ​ຕໍ່ຕ້ານ​ຊາວມຸສລິ​ມໂຣຮິ​ງຢາໃນ​ມຽນມາ
​ແມ່ນ​ເປັນ​ເຫດ​ຊັກ​ຈູງ​ໃຫ້​ມີ​ການ​ໂຈມ​ຕີ​ດ້ວຍລະ​ເບີດ ​ໃສ່​ວັດ​
ສາສະໜາ​ພຸດ​ແຫ່ງ​ນຶ່ງ ​ໃນ​ອິນ​ໂດ​ເນຍ​ເຊຍ.

​ເຈົ້າໜ້າ​ທີ່ກ່າວ​ວ່າ ລະ​ເບີດໄດ້​ແຕກ​ຂຶ້ນ​ໃນ​ແລງວັນ​ອາທິດ​ແລ້ວ​ນີ້
​ຢູ່​ທາງ​ເຂົ້າວັດ ທີ່​ກຸງ​ຈາກາ​ຕາ ຊຶ່ງ​ເຮັດໃຫ້ຄົນ​ນຶ່ງ​ບາດ​ເຈັບ ​
ແລະ​ສ້າງຄວາມ​ເສຍ​ຫາຍ​ເລັກ​ນ້ອຍ ​ໃຫ້​ບໍລິ​ເວນ ອ້ອມ​ແອ້ມ. ຂໍ້ຄວາມ​ທີ່​ຂຽນຕິດແນບ​ໃສ່​
ລະ​ເບີດ​ເວົ້າວ່າ “ພວກ​ເຮົາ​ໄດ້​ຍິນ​ສຽງຮ້ອງ​ທີ່​ເຈັບປວດ​ຂອງຊາວໂຣຮິງຢາ.”

ຜູ້​ບັນຊາ​ການ​ຕໍາຫຼວດ​ແຫ່ງ​ຊາດ ພົນ​ໂທ Sutarman ​ໄດ້ຖີ້ມ​ໂທດ​ໃນ​ການ​ໂຈມ​ຕີຄັ້ງນີ້​ໃສ່
​ພວກກໍ່​ການ​ຮ້າຍ ຊຶ່ງ​ທ່ານ​ກ່າວ​ວ່າ: “​ເຄື່ອງນ້ອຍໆ​ ໄດ້ແຕກຂຶ້ນ​ໃນ​ປະຕູ​ໜ້າ​ແລະ​ຫຼັງ.
ນີ້​ແມ່ນຈະ​ແຈ້ງ ມັນ​ເປັນ​ລະ​ເບີດ ​ແຕ່​ມີ​ຂະໜາດ​ນ້ອຍ ​ໂດຍ​ຊັ່ງຊາ​ຕີ​ລາຄາ​ຈາກ​
ຄວາມ​ຈິງ​ທີ່​ວ່າ​ມັນ​ໄດ້​ລ​ະ​ເບີດ​ໃກ້ໆ​ກັບ​ບານ​ກະຈົກ ​ແຕ່​ກໍ​ບໍ່​ໄດ້​ເຮັດ​ໃຫ້​ກະຈົກ​ເຫຼົ່ານີ້​
ແຕກ. ນຶ່ງ​ໃນ​ລະ​ເບີດ​ດັ່ງກ່າວ​ໄດ້​ແຕກ​ຂຶ້ນ ​ແລະ​ອີກ​ລູກ​ນຶ່ງ​ມີ​ຄວັນ​ອອກ​ມາ ​ແຕ່​ບໍ່​ໄດ້​
ລະ​ເບີດ. ພວມ​ມີ​ພິທີ​ທຳ​ມະ​ດາຢູ່​ທີ່​ວັດ​ແຫ່ງ​ນັ້ນ ຊຶ່ງ​ມັກ​ຈະ​ມີ​ຜູ້​ຄົນ​ເຕັມ​ຢູ່​ເປັນ​ປະຈຳ​
ໃນ​ຕອນ​ເຊົ້າຂອງ​ວັນ​ອາທິດ ຈຸດໝາຍ ກໍ​ແມ່ນ​ເພື່ອ​ສ້າງ​ຄວາມ​ຢ້ານ​ກົວ ດັ່ງນັ້ນ
ມັນ​ຕ້ອງ​ເປັນ​ການ​ກະທຳ​ຂອງ​ພວກ​ກໍ່​ການ​ຮ້າຍ.”


​ສ່ວນ​ລັດຖະມົນຕີ​ຮັກສາ​ຄວາມ​ປອດໄພ​ຂອງ​ອິນ​ໂດ​ເນ​ເຊຍ ທ່ານ Djoko SuYanto ​
ໄດ້ປະນາມ​ການ​ໂຈມ​ຕີ​ໃນ​ຄັ້ງນີ້ວ່າ ລົບ​ກວນ​ເດືອນຣາມາດາ​ນ ຊຶ່ງ​ເປັນ​ເດືອນ​ສັກ​ສິດຂອງ
​ສາສະໜາ​ອິສລາມ ​ແລະ​ໄດ້​ສັ່ງ​ໃຫ້​ກອງ​ກຳລັງ​ຮັກສາ​ຄວາມ​ສະຫງົບ ​ຊອກ​ຫາ​ແລະ​ຈັບ​ໂຕ
​ຜູ້ກໍ່​ການ​ມາ​ລົງ​ໂທດ.

ຄວາມເຫັນຂອງທ່ານ

ສະແດງຄວາມເຫັນໃຫ້ເບິ່ງ

XS
SM
MD
LG