ບັນດາເຈົ້າໜ້າທີ່ສືບສວນ ຂອງອິນໂດເນເຊຍ ໄດ້ກ່າວໃນວັນ
ອັງຄານມື້ນີ້ວ່າ ລະບົບການບັງຄັບທີ່ລົ້ມແຫຼວໃນຖ້ຽວບິນຂອງ
ສາຍການບິນ Air Asia ທີ່ພາໃຫ້ນັກບິນເອົາບາດກ້າວທີ່ເຮັດໃຫ້
ພວກເຂົາເສຍການຄວບຄຸມເຮືອບິນ ແລະພາໃຫ້ເຮືອບິນຕົກລົງ
ໃສ່ທະເລຈາວາໃນເດືອນທັນວາປີກາຍນີ້.
ໃນລາຍງານສະບັບສຸດທ້າຍ ຄະນະກຳມະການຄວາມປອດໄພ
ດ້ານຄົມມະນາຄົມແຫ່ງຊາດ ໄດ້ກ່າວວ່າ ລະບົບການບັງຄັບຂອງ
ຖ້ຽວບິນທີ່ໃຊ້ເຮືອບິນ Airbus A320 ໄດ້ມີຮອຍແຕກແຫງທີ່ຈອດ
ເຊື່ອມ ຊຶ່ງຍັງຜົນໃຫ້ມີສັນຍານດັງຂຶ້ນ.
ຄະນະກຳມະການ ໄດ້ກ່າວໃນລາຍງານວ່າ “ການເອົາບາດກ້າວຂອງຈຸບິນໃນເວລາຕໍ່ມາ ໄດ້ຍັງຜົນໃຫ້ພວກເຂົາເຈົ້າບໍ່ສາມາດບັງຄັບເຮືອບິນໄດ້.” ຫຼັງຈາກນັ້ນເຮືອບິນ “ກໍໄດ້ຕົກ
ຢູ່ໃນສະພາບທີ່ຄວບຄຸມບໍ່ໄດ້” ຊຶ່ງມັນກາຍຄວາມສາມາດຂອງພວກນັກບິນທີ່ຈະແກ້ໄຂ
ສະຖານະການໄດ້.
ໃນລາຍງານກ່ອນໜ້ານີ້ ຄະນະກຳມະການ ໄດ້ຊີ້ໃຫ້ເຫັນວ່າ ເຮືອບິນ ໄດ້ປັກຫົວລົງຢ່າງ
ໄວວາ ແລ້ວກໍເລື່ອນລອຍ ກ່ອນທີ່ຈະຕົກລົງໃສ່ຜິວນ້ຳ. ມີທັງໝົດ 162 ຄົນໄດ້ເສຍຊີວິດ
ໃນຖ້ຽວບິນດັ່ງກ່າວນີ້.
